കോപ്പ അമേരിക്കയിലെ അവസാന ഗ്രൂപ്പ് മത്സരത്തില് ബൊളീവിയയെ ഒന്നിനെതിരേ നാലുഗോളുകള്ക്ക് തകര്ത്ത് അര്ജന്റീന ക്വാര്ട്ടര് ഫൈനലില്... ഇരട്ട ഗോളുമായി മെസ്സി
കോപ്പ അമേരിക്കയിലെ അവസാന ഗ്രൂപ്പ് മത്സരത്തില് ബൊളീവിയയെ ഒന്നിനെതിരേ നാലുഗോളുകള്ക്ക് തകര്ത്ത് അര്ജന്റീന ക്വാര്ട്ടര് ഫൈനലില് പ്രവേശിച്ചു.
ഗ്രൂപ്പ് എ യില് നിന്നും 10 പോയന്റുകള് നേടിയാണ് അര്ജന്റീന ഒന്നാം സ്ഥാനത്തെത്തിയത്. ഇരട്ട ഗോളുകള് നേടിയ നായകന് ലയണല് മെസ്സിയുടെ പ്രകടന മികവിലാണ് അര്ജന്റീന കൂറ്റന് വിജയം സ്വന്തമാക്കിയത്.
മെസ്സിയ്ക്ക് പുറമേ അലെക്സാന്ഡ്രോ ഡാരിയോ ഗോമസും ലോട്ടാറോ മാര്ട്ടിനെസും അര്ജന്റീനയ്ക്കായി സ്കോര് ചെയ്തപ്പോള് ബൊളീവിയയ്ക്കായി എര്വിന് സാവേദ്ര ആശ്വാസ ഗോള് നേടി.
ഈ തോല്വിയോടെ ഗ്രൂപ്പ് എ യില് നിന്നും ഒരു വിജയം പോലും നേടാനാകാതെ, ബൊളീവിയ ക്വാര്ട്ടര് കാണാതെ പുറത്തായി. ക്വാര്ട്ടര് ഫൈനലില് അര്ജന്റീന ഇക്വഡോറിനെ നേരിടും.
നാല് ഗോളുകള് വഴങ്ങിയെങ്കിലും ബൊളീവിയന് ഗോള്കീപ്പര് ലാംപെ മത്സരത്തില് ശ്രദ്ധേയമായ പ്രകടനം കാഴ്ചവെച്ചു. ഗോളെന്നുറച്ച അരഡസനോളം ഷോട്ടുകളാണ് താരം രക്ഷപ്പെടുത്തിയത്.
ബൊളീവിയയ്ക്കെതിരായ അര്ജന്റീന ടീമില് ഇടം നേടിയതോടെ നായകന് ലയണല് മെസ്സി പുതിയൊരു റെക്കോഡ് സ്വന്തമാക്കി. അര്ജന്റീനയ്ക്ക് വേണ്ടി ഏറ്റവുമധികം മത്സരങ്ങള് കളിച്ച താരം എന്ന റെക്കോഡാണ് മെസ്സി സ്വന്തമാക്കിയത്. മെസ്സിയുടെ കരിയറിലെ 148-ാം അന്താരാഷ്ട്ര മത്സരമാണിത്.
മത്സരം തുടങ്ങിയപ്പോള് തൊട്ട് അര്ജന്റീനയാണ് പന്ത് കൂടുതല് സമയം കൈവശം വെച്ചത്. നാലാം മിനിട്ടില് തന്നെ ഗോളെന്നുറച്ച രണ്ട് അവസരങ്ങള് സെര്ജിയോ അഗ്യൂറോയും ആന്ഹല് കോറിയയും നഷ്ടപ്പെടുത്തി. എന്നാല് ആറാം മിനിട്ടില് അര്ജന്റീന മത്സരത്തില് ലീഡെടുത്തു.
അലെക്സാന്ഡ്രോ ഡാരിയോ ഗോമസാണ് അര്ജന്റീനയ്ക്കായി ഗോള് നേടിയത്. ബൊളീവിയന് പ്രതിരോധ താരങ്ങളുടെ തലയ്ക്ക് മുകളിലൂടെ സൂപ്പര്താരം ലയണല് മെസ്സി നല്കിയ പാസ് സ്വീകരിച്ച ഗോമസ് അനായാസം പന്ത് വലയിലെത്തിച്ചു.
ഗോള് നേടിയിട്ടും ആക്രമിച്ചുതന്നെയാണ് അര്ജന്റീന കളിച്ചത്. മെസ്സിയും അഗ്യൂറോയും കോറിയയുമെല്ലാം പന്തുമായി ബൊളീവിയന് ഗോള്മുഖത്ത് ഭീതിപരത്തി. മത്സരത്തിന്റെ തുടക്കത്തില് പതറിയെങ്കിലും പതിയേ ബൊളീവിയയും മത്സരത്തില് പിടിമുറുക്കി. ഇതോടെ മത്സരം ആവേശത്തിലായി.
https://www.facebook.com/Malayalivartha
