വിപണയില് താരമായി മാറി ഫാന്സി കുടകള്
മഴക്കാലം വരവായി. പല വര്ണങ്ങളിലുള്ള കുടകള് വിപണിയില് നിറഞ്ഞിരിക്കുകയാണ് . ആകൃതിയിലും നിറത്തിലുമൊക്കെ ഒരുപാടുമാറ്റമാണിപ്പോള് കുടയിലുള്ളത്. കാലന്കുടയും പോക്കറ്റില് ഇടാവുന്നതും, ചതുരത്തിലും വട്ടത്തിലും പഗോഡാ സ്റ്റൈലിലുമൊക്കെ കുടകള് മനംകവരുകയാണ്.
ഫാന്സി കുടകളാണ് വിപണിയിലെ പുതുമ. വസ്ത്രത്തിന്റെ നിറത്തിനു മാച്ചാകുന്ന കുടകളോടാണ് പെണ്മണികള്ക്കു പ്രിയം. സ്ട്രൈപ്പ്സ്, പ്ലെയ്ഡ്, ഫ്ളോറല് ഡിസൈനുകളിലുള്ള കുടകളാണ് ഇത്തവണത്തെ താരങ്ങള്. ചുവപ്പ്, മഞ്ഞ, പച്ച, വയലറ്റ്, മജെന്റ, പിങ്ക് എന്നീ നിറങ്ങള്ക്കാണ് വിപണിയില് ഡിമാന്ഡ്. ഈ നിറങ്ങള്ക്കൊപ്പം ഫാന്സി കുടകളെ മനോഹരമാക്കുന്നത് വശങ്ങളില് പിടിപ്പിച്ചിട്ടുള്ള ഫ്രില്ലുകളാണ്. ഡോട്ടുകളും ഫ്ളോറല് പ്രിന്റും മറ്റും കൊണ്ട്് സ്റ്റൈലാക്കിയതാണ് ഫാന്സി കുടകള്. അകത്ത് പ്രിന്റുള്ള കുടകളും ഇത്തവണ വിപണിയില് എത്തിയിട്ടുണ്ട് . പാനലുകളില് കോണ്ട്രാസ്റ്റ് നിറമുള്ളവയ്ക്കും ഫാന്സുണ്ട് പട്ടുതുണിയില് ഉണ്ടാക്കിയിരിക്കുന്ന ഫാന്സി കുടകള്ക്ക് 500 രൂപയാണ്. ഫൈ ഫോള്ഡ് പോക്കറ്റ് സൈസ് കുടകള്ക്കും ആരാധകര് ഏറെയാണ്. 250 രൂപ മുതല് തുടങ്ങുന്നു കുടകളുടെ വില.
https://www.facebook.com/Malayalivartha
