ഫാഷന് ട്രെന്ഡുകളില് ജീന്സ് എപ്പോഴും വ്യത്യസ്തമാണ്...
പുത്തന് ഫാഷനുകളില് ഡ്രസ്സ് ധരിക്കാന് എല്ലാവര്ക്കും ഇഷ്ടമാണ്. അതുകൊണ്ടാണ് മാറിമാറിവരുന്ന ഫാഷനുകള് ആളുകള് വാങ്ങികൂട്ടുന്നതും. അതുകൊണ്ട് തന്നെ ഉപയോക്താക്കളെ ആകര്ഷിയ്ക്കുക എന്ന ലക്ഷ്യത്തോടെ തന്നെയാണ് വ്യത്യസ്ത തരത്തിലുള്ള പല സാധനങ്ങളും വിപണിയില് എത്തുന്നത്. സോഷ്യല് മീഡിയയില് വ്യത്യസ്ത തരത്തിലുള്ള ഒരു വസ്ത്രമാണ് ഇപ്പോള് വൈറലാവുന്നത്.
ഇപ്പോള് ജീന്സാണ് ഫാഷന് പ്രേമികളെ അമ്പരപ്പിച്ചു കൊണ്ട് വിപണിയില് എത്തിയിരിക്കുന്നത്.ന്യൂയോര്ക്കിലുള്ള വെറ്റ് പാന്റ് ഡെനിംസ് എന്ന കമ്പനിയാണ് ഈ വിചിത്ര ഡിസൈനിലുള്ള പാന്റ് വിപണിയിലിറക്കിയത്. 'നനഞ്ഞ ലുക്കിലും ഉണങ്ങിയ ഫീല്' എന്നതാണ് കമ്പനിയുടെ പരസ്യ വാചകം. ഒറ്റ നോട്ടത്തില് സാധാരണ ജീന്സ് പോലെ തന്നെയാണ്.
എന്നാല് പാന്റില് മൂത്രമൊഴിച്ചത് പോലുള്ള ഡിസൈനുള്ളതാണ് ഈ ജീന്സിനെ വ്യത്യസ്തമാക്കുന്നത്. ആദ്യം തന്നെ കാണുന്നയാള്ക്ക് ജീന്സില് മൂത്രമൊഴിച്ചതു പോലെയാണ് തോന്നുന്നത്. ഇതേ ഡിസൈനിലുള്ള പല നിറത്തിലുള്ള ജീന്സും കമ്പനി വിപണിയില് എത്തിക്കുന്നുണ്ട്.'' ഇത്തരത്തിലൊരു വിചിത്ര ഡിസൈനില് ജീന്സ് വിപണിയില് എത്തിക്കുന്നതിനും ഒരു കാരണമുണ്ട്.
ചിലര് ഒരു കൗതുകത്തിനായി പാന്റില് മൂത്രമൊഴിക്കുന്നവരാണ്. അവരുടെ ആഗ്രഹ പൂര്ത്തീകരണത്തിനാണ് ഈ നനഞ്ഞ ലുക്കുള്ള പാന്റ് ഡിസൈന് ചെയ്തത്. പാന്റില് മൂത്രം ഒഴിക്കുന്നവര്ക്ക് മണിക്കൂറുകളോളം നനഞ്ഞ വസ്ത്രം ധരിക്കേണ്ടി വരും. ഇത്തരത്തില് വേറെ വഴിയില്ലാതെ നനഞ്ഞ പാന്റിട്ട് നടക്കുന്നവരെ സഹായിക്കുന്നതിനാണ് ഈ ഡിസൈന്. ഒരേസമയം, വെറ്റ് ലുക്കുള്ള പാന്റുമിടാം എന്നാല് നനയുകയും വേണ്ട.
പ്രധാനമായും ഇന്സ്റ്റഗ്രാം പ്ലാറ്റ്ഫോമിലൂടെയാണ് തങ്ങളുടെ ഉപഭോക്താക്കളെ കണ്ടെത്തുന്നത്. ഇത്തരത്തിലുള്ള ഡിസൈന് ഇഷ്ടപ്പെടുന്ന കുറച്ച് പേരെങ്കിലുമുണ്ട്. പ്രധാന നഗരങ്ങളിലെ ഫാഷന് താല്പര്യങ്ങളും ബ്രാന്ഡിങ് രീതികളും ഓണ്ലൈന് ഷോപ്പിങ്ങിന്റെ സ്വഭാവവും പഠിക്കുകയാണ്.
ഇത്തരത്തില് ബ്രാന്റിങ്ങിലുള്ള ഒരു പരീക്ഷണമാണ് പുതിയ ഡിസൈനിനു പിന്നില്. ഇതിന്റെ ഫലമനുസരിച്ച് വ്യത്യസ്തമായ കൂടുതല് ഡിസൈനുകള് പുറത്തിറക്കും '' വെറ്റ് പാന്റ് ഡെനിംസ് കമ്പനി സിഇഒ പറയുന്നു.
https://www.facebook.com/Malayalivartha
