മുതിര്‍ന്നവര്‍ക്ക് മാത്രമല്ല കുട്ടികള്‍ക്കും ഫാഷന്‍ ലോകത്തില്‍ ധാരാളം ചോയിസുണ്ട് . ഫ്രോക്കും മിഡിയും മാത്രമല്ല അനാര്‍ക്കലിയും ലാച്ചയും എലൈന്‍ ഡ്രസ്സുമെല്ലാം അവര്‍ക്കും സ്വന്തമാക്കാം. ഇവയ്ക്ക് മറ്റൊരു പ്രത്യേകത കൂടിയുണ്ട്. പല നിറത്തിലും ഇനത്തിലുമുള്ള തുണികള്‍ ഉപയോഗിച്ചാണ് ഇവ ഡിസൈന്‍ ചെയ്തിരിക്കുന്നത്.
ലാച്ചയും ലഹങ്കയും പോലെ തന്നെ പട്ടിയാല ചുരിദാറും ഇന്ന് ഫാഷനാണ്. നിറയെ ചുരുക്കുള്ള ബോട്ടവും ഇറക്കം കുറഞ്ഞ ടോപ്പുമാണ് ഇതിന്റെ പ്രത്യേകത. ടോപ്പിന്റെ വശങ്ങള്‍ \'യു\' ഷേപ്പില്‍ കട്ട് ചെയ്തിരിക്കുന്നു. ഇതില്‍ ആറ് തരം തുണി ഉപയോഗിച്ചിരിക്കുന്നു. ടിഷ്യൂ രണ്ട് തരം. ഓഫ്‌വൈറ്റ് ബ്രോക്കേഡ് നീല റോസ് സില്‍ക്ക്, പിങ്ക് റോസ് സില്‍ക്ക്, യോക്ക് ഓഫ്‌വൈറ്റ് ബ്രോക്കേഡ് എന്നിവയാണിത്. ചൈനീസ് കോളറിന്റെ അറ്റത്ത് വെള്ള പൈപ്പിങ് ഉപയോഗിച്ചിരിക്കുന്നു.
ഞൊറിയിട്ട ഓഫ് വൈറ്റ് ബോട്ടമാണിത്. ടോപ്പിന് ചേരുന്നതിന് പാന്റിന് ടോപ്പിലെ എല്ലാ നിറവും ഉപയോഗിച്ച് ബോര്‍ഡര്‍ കൊടുത്തിരിക്കുന്നു. ഷിഫോണ്‍ ഷോളില്‍ മൂന്ന് നിറത്തിലുള്ള ബോര്‍ഡര്‍ നല്‍കിയിരിക്കുന്നു. ടോപ്പ് ഭംഗിയാക്കാന്‍ ബീഡ് വര്‍ക്കും നല്‍കിയിരിക്കുന്നു.