അഗസ്ത്യാര്കൂടം ഓഫ് സീസണ് ട്രക്കിങ് തുടങ്ങി....
ഈ വര്ഷത്തെ അഗസ്ത്യാര്കൂടം ഓഫ് സീസണ് ട്രക്കിങ് തുടങ്ങി . തിങ്കള്, വ്യാഴം, ശനി ദിവസങ്ങളിലാണ് ട്രെക്കിങ് ക്രമീകരിച്ചിരിക്കുന്നത്. അഞ്ച് അല്ലെങ്കില് 10 പേരടങ്ങുന്ന സംഘങ്ങളായാണ് ട്രെക്കിങ് അനുവദിക്കുക.
താത്പര്യമുള്ളവര്ക്ക് tvmwildlife.com എന്ന വെബ്സൈറ്റില് രജിസ്റ്റര് ചെയ്ത് ടിക്കറ്റ് ബുക്ക് ചെയ്യാവുന്നതാണെന്ന് വനം വകുപ്പ് അധികൃതര് .
അതേസമയം പേപ്പാറ വന്യജീവി സങ്കേതങ്ങള്, തമിഴ്നാട്ടിലെ കളക്കാട് - മുണ്ടന്തുറ കടുവാ സങ്കേതം എന്നിവയാണ് അഗസത്യാര്കൂടത്തെ വലയം ചെയ്യുന്നത്. വിവിധങ്ങളായ ഔഷധസസ്യങ്ങള്, ആരോഗ്യപച്ച, ഡ്യുറി ഓര്ക്കിഡ്, ചെങ്കുറുഞ്ഞി, കൊണ്ടപ്പന തുടങ്ങിയ തദ്ദേശീയമായ സസ്യങ്ങളുടെയും കലവറയാണ് ഈ വനപ്രദേശം.
നിത്യഹരിതവനം, ആര്ത്തവ്യത്യഹരിതവനം, ഇലകൊഴിയും വനം, പുല്മേട് , ഈറ്റക്കാടുകള്, ചോല വനം, ഗിരി വനംഎന്നിങ്ങനെ വ്യത്യസ്തതകളുള്ള പ്രദേശവുമാണിവിടം.കടുവ,പുലി, ആന, കാട്ടുപോത്ത്, കരടി, മാനുകള് വിവിധതരം കുരങ്ങു വര്ഗങ്ങള്,
മലമുഴക്കി വേഴാമ്പല്, മല മൈന, മാക്കാച്ചിക്കാട എന്നിങ്ങനെയുള്ള അപൂര്വയിനം പക്ഷികള്, രാജവെമ്പാല, മലമ്പാമ്പ്, അണലി ഉള്പ്പെടെയുള്ള ഉരഗങ്ങള് എന്നിങ്ങനെ ധാരാളം വന്യജീവികള് ഇവിടെ അധിവസിക്കുന്നു.
യുനെസ്കോയുടെ പൈതൃക പട്ടികയില് ഉള്പ്പെടുത്തി ജൈവ സഞ്ചയ മേഖലയായി പ്രഖ്യാപിച്ച അഗസ്ത്യമല ബയോസ്ഫിയര് റിസര്വിന്റെ ഹൃദയഭാഗമാണ്. ആദിമ നിവാസികളായ കാണിക്കാര് ഇവിടെ തിങ്ങിപാര്ക്കുന്നു. ആയുര്വേദത്തിന്റെ ആചാര്യനായ അഗസ്ത്യാര്മുനി ഈ ഗിരീശൃംഗത്തില് തപസ്സനുഷ്ഠിച്ചതായി വിശ്വസിക്കുന്നു. ബ്രിട്ടീഷുകാരനായ അലന് ബ്രൗണ് എന്ന വാനനിരീക്ഷകന് ഈ പര്വ്വതത്തിനു മുകളില്1855 ല് ഒരു വാനനിരീക്ഷണ കേന്ദ്രം സ്ഥാപിച്ചു നിരീക്ഷണം നടത്തിയിട്ടുണ്ട്.
സമുദ്രനിരപ്പില് നിന്നും1868 മീറ്റര് ഉയരത്തില് സ്ഥിതി ചെയ്യുന്ന അഗസ്ത്യാര്കൂടത്തിലേക്കുള്ള
ട്രെക്കിങ് മൂന്നുദിവസം നീണ്ടുനില്ക്കുന്നതാണ്. ഒരു വശത്തേക്ക് 20 കിലോമീറ്റര് ദൈര്ഘ്യം വരുന്ന ഈ ട്രക്കിംഗ്ദക്ഷിണേന്ത്യയിലെ തന്നെ ഏറ്റവും ദൈര്ഘ്യമേറിയ ട്രക്കിങ്ങാണ്.
"
https://www.facebook.com/Malayalivartha
