നാഷനല് ടാലന്റ് സെര്ച്ച് (എന്.ടി.എസ്) സംസ്ഥാനതല പരീക്ഷ 2017 നവംബര് 5ന്
പത്താംക്ലാസ് വിദ്യാര്ഥികള്ക്കായുള്ള നാഷനല് ടാലന്റ് സെര്ച്ച് (എന്.ടി.എസ്) സംസ്ഥാനതല പരീക്ഷ 2017 നവംബര് 5ന് നടക്കും. എസ്.സി.ഇ.ആര്.ടി ആണ് പരീക്ഷ നടത്തുന്നത്. ഇതില് യോഗ്യത നേടുന്നവരെയാണ് നാഷനല് ടാലന്റ് സെര്ച്ച് പരീക്ഷയില് പങ്കെടുപ്പിക്കുക. എന്.ടി.എസ് പരീക്ഷയില് യോഗ്യത നേടുന്നവര്ക്ക് ഉപരിപഠന കോഴ്സുകളില് സ്കോളര്ഷിപ് ലഭ്യമാകും.
2017-18 വര്ഷത്തെ എന്.ടി.എസ് സംസ്ഥാനതല പരീക്ഷയില് പങ്കെടുക്കുന്നതിനുള്ള ഒാണ്ലൈന് അപേക്ഷ www.scert.kerala.gov.in എന്ന വെബ്സൈറ്റിലൂടെ നിര്ദേശാനുസരണം സെപ്റ്റംബര് 15 വരെ സമര്പ്പിക്കാം. ഏതെങ്കിലും ഗവണ്മെന്റ്/എയ്ഡഡ്/അംഗീകൃത സ്കൂളിലോ കേന്ദ്രീയ വിദ്യാലയത്തിലോ നവോദയ വിദ്യാലയത്തിലോ ഇൗ അധ്യയനവര്ഷം പത്താംക്ലാസില് പഠിക്കുന്ന വിദ്യാര്ഥികള്ക്ക് അപേക്ഷിക്കാം . ഒൻപതാം ക്ലാസ് പരീക്ഷയില് ഭാഷേതര വിഷയങ്ങള്ക്ക് 55 ശതമാനം മാര്ക്കില് കുറയാതെ നേടിയിരിക്കണം.
പരീക്ഷഫീസ് ജനറല് കാറ്റഗറിയില്പെടുന്ന വിദ്യാര്ഥികള്ക്ക് 250 രൂപയാണ്. പട്ടികജാതി/വര്ഗം, ബി.പി.എല് വിഭാഗങ്ങളില്പെടുന്നവര്ക്ക് 100 രൂപ മതി. െക്രഡിറ്റ്/ഡെബിറ്റ് കാര്ഡ് അല്ലെങ്കില് ഇന്റര്നെറ്റ് ബാങ്കിങ്/ചെലാന് മുഖാന്തരം ഏതെങ്കിലും എസ്.ബി.ടി ബ്രാഞ്ചില് ഫീസ് അടക്കാം.
ഒാണ്ലൈന് അപേക്ഷ സമര്പ്പണത്തിനുള്ള നിര്ദേശങ്ങള് വെബ്സൈറ്റിലുണ്ട്.
ഒാണ്ലൈന് അപേക്ഷയുടെ പ്രിന്റൗട്ട് എടുത്ത് ഒപ്പുവെച്ച് പഠിക്കുന്ന സ്കൂള് മേധാവിയെക്കൊണ്ട് സാക്ഷ്യപ്പെടുത്തി ബന്ധപ്പെട്ട രേഖകള് സഹിതം സെപ്റ്റംബര് 15നകം കിട്ടത്തക്കവണ്ണം The Laison Officer, The State Level NTS Examination, SCERT Poojappura, Thiruvananthapuram-12 എന്ന വിലാസത്തില് അയക്കണം.
സ്കോളസ്റ്റിക് ആപ്റ്റിറ്റ്യൂഡ് ടെസ്റ്റ്, മെന്റല് എബിലിറ്റി ടെസ്റ്റ് എന്നിങ്ങനെ രണ്ടു പാര്ട്ടുകളായിട്ടാണ് നവംബര് അഞ്ചിന് പരീക്ഷ നടത്തുക. 90 മിനിറ്റ് വീതം ഒാരോ പാര്ട്ടിനും സമയം ലഭിക്കും.
https://www.facebook.com/Malayalivartha