തമിഴ്നാട്ടിലെ ആയുഷ് കോളജുകളിലേക്കുള്ള പ്രവേശനം നീറ്റ് അടിസ്ഥാനത്തിലാവുമെന്ന് അധികൃതര്
തമിഴ്നാട്ടിലെ ആയുഷ് കോളജുകളിലേക്കുള്ള പ്രവേശനം നീറ്റ് അടിസ്ഥാനത്തിലാവുമെന്ന് അധികൃതര് അറിയിച്ചു. സര്ക്കാറിന്റെ ആറെണ്ണമുള്പ്പെടെ സംസ്ഥാനത്ത് 29 ആയുഷ് കോളജുകളാണുള്ളത്. ആകെയുള്ള 1,740 സീറ്റില് 390 സീറ്റ് സര്ക്കാര് കോളജിലും 1,350 എണ്ണം സ്വകാര്യ മേഖലയിലുമാണ്. ആയുര്വേദ, യോഗ, നാച്വറല് സയന്സ്, യുനാനി, സിദ്ധ, ഹോമിയോപതി എന്നീ യു.ജി കോഴ്സുകളിലേക്കാണ് നീറ്റ് പരീക്ഷ നിര്ബന്ധമാക്കിയത്. സി.ബി.എസ്.ഇ നടത്തുന്ന നീറ്റ് പരീക്ഷ മേയ് ആറിനാണ്.
കഴിഞ്ഞവര്ഷം തമിഴ്നാടിനെ ഇതില്നിന്ന് ഒഴിവാക്കിയിരുന്നു. സിദ്ധ കോഴ്സുകള്ക്ക് തമിഴ് ഭാഷ പരിജ്ഞാനം നിര്ബന്ധമാണെന്ന് അധികൃതര് അറിയിച്ചു. ചെന്നൈയില് യോഗ ആന്ഡ് നാച്വറോപതി, യുനാനി, സിദ്ധ സര്ക്കാര് കോളജുകളും മധുര തിരുമംഗലത്ത് ഹോമിയോപതി സര്ക്കാര് കോളജും നാഗര്കോവില് കോട്ടാറില് ആയുര്വേദ സര്ക്കാര് കോളജും പാളയംകോട്ടയില് സിദ്ധ സര്ക്കാര് കോളജും പ്രവര്ത്തിക്കുന്നു. തമിഴ്നാട്ടില് നീറ്റ് പരീക്ഷയോടനുബന്ധിച്ച് സംസ്ഥാന സര്ക്കാര് ആഭിമുഖ്യത്തില് ജില്ലകേന്ദ്രങ്ങളില് സൗജന്യ പരിശീലനം ആരംഭിച്ചിട്ടുണ്ട്.
https://www.facebook.com/Malayalivartha