അതൊന്നും നടക്കുന്ന പരിപാടിയല്ലെന്ന് പ്രൊഡ്യൂസേഴ്സ് അസോസിയേഷന് തിരിച്ചറിഞ്ഞു!
സ്വന്തമായി ചാനല് തുടങ്ങി സിനിമകളുടെ സാറ്റലൈറ്റ് അവകാശം തുടങ്ങാനുള്ള പ്രൊഡ്യൂസേഴ്സ് അസോസിയേഷന്റെ ശ്രമം പൊളിഞ്ഞു. ഓടുന്ന സിനിമകളുടെയും താരചിത്രങ്ങളും മാത്രം സ്വകാര്യചാനലുകള് എടുക്കുന്നതിനെ തുടര്ന്നാണ് ഇങ്ങിനെ ഒരു തീരുമാനം എടുത്തത്.
കൊച്ചിയില് നടി ആക്രമിക്കപ്പെട്ട സംഭവത്തിന് ശേഷം ദിലീപിനെയും മറ്റ് ചില സിനിമാ പ്രവര്ത്തകരെയും ചാനലുകള് വേട്ടയാടുന്നെന്ന് ആരോപിച്ച് അവരെ ബഹിഷ്കരിച്ചതോടെ നിര്മാതാക്കളുടെ ചാനല് ചര്ച്ച കൂടുതല് ശക്തമായിരുന്നു. എന്നാല് കണക്കുകള് കൂട്ടിവന്നപ്പോള് എല്ലാം പൊളിഞ്ഞു. ചാനല് തുടങ്ങിയാല് ഒരു പ്രായോഗിക ബുദ്ധിമുട്ടുണ്ടാകുമെന്ന് ഇവര് നിയമിച്ച കണ്സട്ടണ്സി നടത്തിയ പഠനത്തില് വ്യക്തമായി.
അസോസിയേഷന്റെ ചാനലാകുമ്പോള് എല്ലാ സിനിമകളുടെയും സാറ്റലൈറ്റ് അവകാശം വാങ്ങേണ്ടി വരും. ഒരു വര്ഷം 140 സിനിമകള് ഇറങ്ങുന്നുണ്ട്. അതില് 40 സിനിമകള് പ്രമുഖ താരങ്ങളുടെയും സംവിധായകരുടെയും ആയിരിക്കും. ബാക്കി വരുന്ന 100 സിനിമകളുടെ സാറ്റലൈറ്റ് വാങ്ങിയാല് അത് വലിയ നഷ്ടം വരുത്തിവയ്ക്കും. 100 സിനിമകളില് ഓരോന്നിനും രണ്ട് കോടി വീതം നല്കിയാല് 200 കോടിയാകും. ഈ സിനിമകളില് നിന്നൊന്നും പരസ്യവരുമാനവും ലഭിക്കില്ല. താരപ്രാധാന്യമുള്ള 40 സിനിമകള്ക്ക് മിനിമം അഞ്ച് കോടി രൂപവെച്ച് 200 കോടി വേണം. ഇത്രയും ഭീമമായ തുക എങ്ങനെ കണ്ടെത്താനാകും. അത് ഭാരവാഹികളെ പിന്തിരിപ്പിക്കാന് പ്രേരിപ്പിച്ചു.
മാത്രമല്ല താരസിനിമകള്ക്ക് തങ്ങളേക്കാള് ഉയര്ന്ന റേറ്റ് മറ്റ് ചാനലുകള് നല്കിയാല് എന്ത് ചെയ്യും. നിര്മാതാക്കള്ക്ക് ഇഷ്ടമുള്ളവര്ക്ക് റൈറ്റ് നല്കാന് അവകാശമുണ്ട്. പിന്നെ ചാനല് നടത്തുന്നതിന്റെ റണ്ണിംഗ് കോസ്റ്റ്, മറ്റ് ചെലവുകള് ഇതെല്ലാം കണക്ക് കൂട്ടിയപ്പോള് ചാനല് ചാപള്ളയായി. ഇപ്പോള് തന്നെ അസോസിയേഷനെതിരെ പല അംഗങ്ങള്ക്കും പരാതികളുണ്ട്. കൊച്ചിയില് ഓഫീസ് നിര്മിച്ച വകയില് ഭീമമായ തുക ചാലര് തട്ടിയെടുത്തെന്ന ആക്ഷേപം ശക്തമാണ്.
https://www.facebook.com/Malayalivartha