ജൂലി ശരീരം പ്രദര്ശിപ്പിക്കാന് വേണ്ടി നടത്തിയ ശ്രമമല്ല, സിനിമ തിയേറ്ററിലെത്തുമ്പോള് അത് മനസിലാകും: റായിലക്ഷ്മി
വിമര്ശകര്ക്കുള്ള മറുപടിയാണ് ജൂലി എന്ന ചിത്രമെന്ന് റായി ലക്ഷ്മി. സ്ക്രീനിലൂടെ അത് തളിയിക്കും. ബിക്കിനി വേഷത്തില് നിങ്ങളെന്നെ കണ്ടിരിക്കും. മനോഹരമായാണ് ചെയ്തിരിക്കുന്നത്. ഒട്ടും വള്ഗറല്ല. തമിഴ് ചിത്രത്തില് വള്ഗറായി അഭിനയിച്ചിട്ടുണ്ട്. ആരും മോശം പറഞ്ഞിട്ടില്ല. ഒരുപാട് പരിമിതികള് ഉള്ള ആളാണ് ഞാന്. എനിക്ക് പിറന്നപടി ക്യാമറയ്ക്ക് മുന്നിലെത്താനാവില്ല. ടോപ്ലെസായി അഭിനയിച്ചെന്ന് പറഞ്ഞാണ് മറ്റൊരു വിവാദം. ഞാന് അങ്ങനെ ചെയ്യില്ലെന്ന് എന്നെ അടുത്തറിയാവുന്നവര്ക്കറിയാം. ആ ഫോട്ടോ നോക്കിയാലറിയാം അത് ബോഡി മേക്കപ്പാണ്. ശരീരം പൂര്ണമായും മേക്കപ്പ് ചെയ്തിരിക്കും. അതിന് പുറത്ത് സ്കിന് കവര് കൊണ്ട് ട്യൂബ് ധരിച്ചിരിക്കുമെന്നും താരം പറഞ്ഞു.
കടലില് മുങ്ങിയ ശേഷം മണലില് മലര്ന്ന് കിടക്കും. അപ്പോള് ശരീരമാകെ മണലില് പൊതിയും. അങ്ങനെ ഒരു സീനുണ്ട് ജൂലിയില്. ഒട്ടും വൃത്തികേടില്ലാതെയാണ് ചെയ്തിരിക്കുന്നത്. ചിലര്ക്ക് ഇഷ്ടപ്പെടാം മറ്റുചിലര്ക്ക് വിയോജിപ്പ് ഉണ്ടാകാം. എനിക്ക് അഭിനയത്തിന്റെ എ.ബി.സി.ഡി അറിയില്ലെന്ന് പറഞ്ഞവരുണ്ട്. അവര്ക്കൊന്നും ചെവികൊടുക്കാറില്ല. ജൂലിയിലെ അഭിനയസാധ്യതകളെ കുറിച്ചോ അപ്പിയറന്സിനെ കുറിച്ചോ ആരും ചിന്തിക്കുന്നില്ല. വിമര്ശനങ്ങളുടെ ഭാണ്ഡക്കെട്ടഴിക്കുകയാണ് ചെയ്യുന്നത്. എന്റെ സങ്കടങ്ങളാണ് പറയുന്നത്. രണ്ട് വര്ഷം ഈ സിനിമയ്ക്ക് വേണ്ടി കഷ്ടപ്പെട്ടു. ആദ്യം ഭാരം കുറച്ചു, പിന്നീട് കൂട്ടി. അതിനൊക്കെ നല്ല പരിശ്രമം വേണ്ടിവന്നു. മറ്റ് സിനിമകളില് അഭിനയിക്കുന്നതിനിടെയാണ് ഇതെല്ലാം ചെയ്തത്. തമിഴില് ഇങ്ങിനെ അവസരങ്ങള് ലഭിക്കാറില്ല.
ശരീരസൗന്ദര്യം പ്രകടിപ്പിക്കാന് മാത്രമല്ല ജൂലിയില് അഭിനയിച്ചത്. ഇത് ശരിക്കുമൊരു വെല്ലുവിളിയാണ്. ഒരു പെണ്ണ് സിനിമയില് നായികയായ ശേഷം എന്താണ് സംഭവിക്കുക എന്നതാണ് ജൂലി പറയുന്നത്. നടിമാരുടെ ജീവിതത്തില് ഉണ്ടാകുന്ന പ്രശ്നങ്ങള് അവര് എങ്ങനെ പരിഹരിച്ചുവിജയിക്കുന്നു എന്നത് വലിയ കാര്യമാണ്. പ്രത്യേകിച്ച് ഇപ്പോഴത്തെ സാഹചര്യത്തില്. പല നടിമാര്ക്കും ഉണ്ടായ അനുഭവങ്ങള് പലരും പൂര്ണമായും പുറത്ത് പറഞ്ഞിട്ടില്ല. അത്തരം കാര്യങ്ങളൊക്കെ ഈ സിനിമയില് ചര്ച്ചയാകുന്നുണ്ട്.
https://www.facebook.com/Malayalivartha