ഈ ദിവസത്തിന് വേണ്ടി ഞങ്ങള് ഒരുപാട് കഷ്ടപ്പെട്ടു, നികുതി പ്രശ്നങ്ങള്ക്കിടയിലാണ് ഈ ചിത്രങ്ങള് ഇറങ്ങുന്നത് ; താണപേക്ഷിച്ച് സിനിമ സംവിധായകൻ
തമിഴ് സിനിമ ലോകത്തിന്റെ പേടി സ്വപ്നമാണ് തമിഴ് റോക്കേഴ്സ്. പ്രമുഖ സംഘടനകളായ നടികര് സംഘവും പ്രൊഡ്യൂസേഴ്സ് കൗണ്സിലും ശ്രമിച്ചിട്ടും സിനിമ ചോര്ത്തുന്ന വെബ്സൈറ്റുകളായ തമിള് റോക്കേഴ്സ്, തമിള് ഗണ് എന്നിവരെ നിർത്താൻ കഴിഞ്ഞിട്ടില്ല. വിശാലിന്റെ നേതൃത്വത്തില് പ്രൊഡ്യൂസേഴ്സ് കൗണ്സില് മുന്നിട്ടിറങ്ങി ഈ വെബ്സൈറ്റുകളുടെ ചില അഡ്മിനുകളെ പിടികൂടിയെങ്കിലും വ്യാജ സെറ്റുകളുടെ ശല്യത്തിന് യാതൊരു കുറവുമില്ല.
എന്നാൽ തമിള് റോക്കേഴ്സിനെ വെല്ലുവിളിച്ചഒതുക്കാൻ ശ്രമിക്കുന്ന സിനിമാ പ്രവര്ത്തകര്ക്കും തിരിച്ചടി കിട്ടാറാണ് പതിവ്. ആ പേടി മനസ്സിൽ ഉള്ളതുകൊണ്ടാണ് അപേക്ഷയുടെ രൂപത്തിൽ സംവിധായകന് വിഘ്നേഷ് ശിവന് മുന്നോട്ട് വന്നിരിക്കുന്നത്. പൊങ്കല് റിലീസായി എത്തിയ തമിഴ് ചിത്രങ്ങള് പ്രചരിപ്പിക്കരുതെന്ന് തമില് റോക്കേഴ്സിനോട് അപേക്ഷിച്ചിരിക്കുകയാണ് സംവിധായകന്. തന്റെ സിനിമയ്ക്ക് വേണ്ടി മാത്രമല്ല വിക്രം നായകനായ സ്കെച്ച്, പ്രഭുദേവയുടെ ഗുലേബക്കാവലി എന്നീ ചിത്രങ്ങള്ക്കും വേണ്ടിയാണ് വിഘ്നേഷ് രംഗത്തെത്തിയത്.
കുറച്ച് നാളുകള്ക്ക് മുന്പ് ചെന്നൈ ടു സിംഗപ്പൂര് എന്ന സിനിമ ഒരുക്കിയ സംവിധായകന് അബ്ബാസ് അക്ബര് തമിള് റോക്കേ്സിന് മുന്നില് അപേക്ഷയുമായി എത്തിയ ആദ്യ സംവിധായകന്. സിനിമയ്ക്ക് ഒരു മാസത്തെ സമയം നല്കണമെന്ന് അപേക്ഷിക്കുകയാണ് അബ്ബാസ് ചെയ്തത്. ഒരു മാസമെങ്കിലും സിനിമ ഓടിയാല് മാത്രമേ മുടക്കുമുതല് തിരിച്ചു കിട്ടുകയുള്ളൂവെന്നും അതിനാല് സിനിമ ചോര്ത്തരുതെന്നും അബ്ബാസ് പറഞ്ഞിരുന്നു.
സംവിധായകന്റെ അപേക്ഷ തമിള് റോക്കേ്സ് തള്ളിക്കളഞ്ഞില്ല. അപേക്ഷയുടെ സ്വരമായത് കൊണ്ടാകണം ആ സിനിമയുടെ എല്ലാ ഡൗണ്ലോഡ് ലിങ്കുകളും വെബ്സൈറ്റില് നിന്ന് എടുത്തുമാറ്റിയെന്നാണ് റിപ്പോര്ട്ടുകള്. തമിള് റോക്കേഴ്സിന്റെ പാത പിന്തുടര്ന്ന് തമിള് ഗണ്, തമിള് എംവി എന്നീ സെറ്റുകളും ലിങ്കുകള് നീക്കം ചെയ്തിട്ടുണ്ട്.
'തമിള്റോക്കേഴ്സ് ടീം, ദയവ് ചെയ്ത് ഹൃദയമുണ്ടെങ്കില് അതുപയോഗിച്ച് ഒന്നു ചിന്തിക്കൂ. ഈ ദിവസത്തിന് വേണ്ടി ഞങ്ങള് ഒരുപാട് കഷ്ടപ്പെട്ടു. നികുതി പ്രശ്നങ്ങള്ക്കിടയിലാണ് ഈ ചിത്രങ്ങള് ഇറങ്ങുന്നത്.
ദയവ് ചെയ്ത ഞങ്ങളോടിത് ചെയ്യരുതേ...'
എന്നാണ് വിഘ്നേഷ് ശിവന്റെ അപേക്ഷ
https://www.facebook.com/Malayalivartha