വിജയ്ക്ക് പിന്നാലെ രജനികാന്തും... വേട്ടയ്യന് സിനിമയുടെ ചിത്രീകരണത്തിന് രജനി തിരുവനന്തപുരത്തെത്തുന്നു, ആവേശത്തോടെ ആരാധകര്
![](https://www.malayalivartha.com/assets/coverphotos/w657/307436_1710901383.jpg)
വിജയ്ക്ക് പിന്നാലെ രജനികാന്തും... വേട്ടയ്യന് സിനിമയുടെ ചിത്രീകരണത്തിന് രജനി തിരുവനന്തപുരത്തെത്തുന്നു. ടി.കെ. ജ്ഞാനവേല് സംവിധാനം ചെയ്യുന്ന വേട്ടയ്യന് സിനിമയുടെ രണ്ടാഴ്ചത്തെ ചിത്രീകരണത്തിനാണ് രജനി നാളെ എത്തുന്നത്. വേളി, ശംഖുംമുഖം എന്നിവിടങ്ങളിലാണ് ചിത്രീകരണമുള്ളത്.
കഴിഞ്ഞ ഒക്ടോബര് 3ന് വേട്ടയ്യന്റെ പത്തു ദിവസം ചിത്രീകരണം വെള്ളായണി കാര്ഷിക കോളേജിലും ശംഖുംമുഖത്തെ ഒരു വീട്ടിലുമായി നടന്നിട്ടുണ്ടായിരുന്നു. അന്നും രജനികാന്ത് എത്തിയിരുന്നു.
നീണ്ട ഇടവേളയ്ക്കുശേഷം രജനികാന്തും അമിതാഭ് ബച്ചനും ഒന്നിക്കുന്ന ചിത്രം കൂടിയാണ് വേട്ടയ്യന്. രണ്ടാഴ്ചത്തെ ചിത്രീകരണത്തോടെ വേട്ടയ്യന് പൂര്ത്തിയാകുമെന്നാണ് സൂചനകളുള്ളത്. വെങ്കട് പ്രഭു സംവിധാനം ചെയ്യുന്ന ഗോട്ട് എന്ന ചിത്രത്തിന്റെ 15 ദിവസത്തെ ക്ലൈമാക്സ് ചിത്രീകരണത്തിനാണ് വിജയ് എത്തിയിട്ടുള്ളത്.
വൈകുന്നേരം 6 മുതല് രാവിലെ 6 വരെ കാര്യവട്ടം ഗ്രീന്ഫീല്ഡ് സ്റ്റേഡിയത്തിലാണ് ചിത്രീകരണം. വിജയ് താമസിക്കുന്ന ഹോട്ടലിലാകും സ്റ്റൈല് മന്നന്റെയും താമസം. വിജയ്ക്കു പുറമെ രജനികാന്തും ഒരേസമയം തലസ്ഥാനത്തുള്ളതിന്റെ ആവേശത്തിലാണ് ആരാധകര്.
"
https://www.facebook.com/Malayalivartha