എച്ച്ഐവിയെ ഇനി ഭയപ്പെടേണ്ട
എച്ച്ഐവി യെ കുറിച്ചു കേട്ടിട്ടില്ലേ? എന്താണ് എച്ച്ഐവി? മനുഷ്യന്റെ പ്രതിരോധ ശേഷി ഇല്ലാതാകുന്ന അവസ്ഥയാണ് എച്ച്ഐവി. ഹ്യൂമൻ ഇമ്മ്യൂണോ ഡഫിഷ്യൻസി വൈറസ് എന്ന മാരക വൈറസ് ആണ് രോഗകാരി. മനുഷ്യ ശരീരത്തെ ആക്രമിച്ച് പ്രതിരോധ ശേഷി ഇല്ലാതാക്കുകയാണ് ഈ വൈറസ് ചെയ്യുന്നത്. വൈറസ് ശരീരത്തിൽ പ്രവേശിച്ചാൽ പ്രതിരോധ ശേഷി കുറയുന്നതിന്റെ ഫലമായി മറ്റ് രോഗങ്ങള് പെട്ടെന്ന് പിടിപെടാന് കാരണമാകുന്നു.
എച്ച്ഐവി ബാധിച്ചയാളുടെ ശരീരത്തിലെ പ്രതിരോധശേഷി പൂർണമായും നശിച്ച അവസ്ഥയാണ് എയ്ഡ്സ് അഥവാ അക്വുര്ഡ് ഇമ്മ്യൂണ് ഡെഫിഷ്യന്സി സിന്ഡ്രോം എന്നത്. കൃത്യമായ ചികിത്സകളൊന്നും ഇല്ലാത്ത ഈ വൈറസിനെ തളക്കുന്നതിനായി ഗവേഷകര് ഒരു പുതിയ മാര്ഗം കണ്ടെത്തി. വൈറസ്ശരീരത്തിലെ രോഗപ്രതിരോധ കോശങ്ങളിൽ കടന്നുകൂടുകയും അതിനു ശേഷം കോശത്തിലെ പഞ്ചസാരയും പോഷകങ്ങളും ആഗിരണം ചെയ്ത് വളർന്നു വികസിക്കുകയും ചെയ്യുന്നു. അതുകൊണ്ട് തന്നെ കോശങ്ങളിലേക്കുള്ള പഞ്ചസാരയുടെ പ്രവേശനം തടഞ്ഞാല് എച്ച്.ഐ.വിയെ തളയ്ക്കാന് സാധിക്കുമെന്നാണ് നോർത്ത് വെസ്റ്റേൺ മെഡിസിൻ ആൻഡ് വാൻഡർബിൽറ്റ് യൂണിവേഴ്സിറ്റിയിലെ ഗവേഷകർ അഭിപ്രായപ്പെടുന്നത്.
ഗവേഷകർ പ്രത്യേകമായി നിർമ്മിച്ച സംയുക്തത്തിന്റെ സഹായത്തോടെ കോശങ്ങളിലേക്കുള്ള പഞ്ചസാരയുടെ വിതരണം തടസപ്പെടുത്തിയപ്പോൾ എച്ച്.ഐ.വിയുടെ വ്യാപനം അവസാനിച്ചതായി പരീക്ഷണങ്ങളിലൂടെ കണ്ടെത്തി. കൂടാതെ പുതുതായി കണ്ടെത്തിയ ഈ സംയുക്തം കാൻസർ ചികിത്സക്കും പ്രയോജനപ്പെടുമെന്ന് ഗവേഷകർ പ്രതീക്ഷിക്കുന്നു.
എച്ച്ഐവി എല്ലായ്പ്പോഴും എയ്ഡ്സ് ആവണമെന്നില്ല
എച്ച്ഐവി വൈറസ് ശരീരത്തിൽ പ്രവേശിച്ചു എന്ന കാരണത്താൽ അത് എയ്ഡ്സ് ആയി മാറണം എന്നില്ല. വൈറസ് ബാധിച്ച ഉടനെ ചികിൽസിച്ചാൽ രോഗം മൂര്ച്ഛിക്കാതെ തടയാനാകും. അല്ലാത്തപക്ഷം വൈറസ് നെ ഒരിക്കലും ശരീരത്തിൽ നിന്നും പുറന്തള്ളാനാകാത്ത അവസ്ഥയിലേക്ക് എത്തിച്ചേരുകയും എയ്ഡ്സ് നു കാരണമാകുകയും ചെയ്യും. എല്ലാ എച്ച്ഐവി ബാധിതരും എയ്ഡ്സ് രോഗികളാണ് എന്നാൽ എല്ലാ എയ്ഡ്സ് രോഗികളും എച്ച്ഐവി ബാധിതരാണ്.
എച്ച്ഐവി പകരുമോ?
എയ്ഡ്സ് ഒരാളിൽ നിന്നും മറ്റൊരാളിലേക്ക് പകരില്ല എന്നാൽ എച്ച്ഐവി ഒരു പകർച്ചവ്യാധി ആണ്. രക്ത ദാനത്തിലൂടെയും സുരക്ഷിതമല്ലാത്ത ലൈംഗിക ബന്ധത്തിലൂടെയും ആണ് എച്ച്ഐവി പകരുന്നത്. ഗർഭാവസ്ഥയിൽ എച്ച്ഐവി ബാധയുണ്ടെങ്കിൽ വൈറസ് അമ്മയില് നിന്ന് കുഞ്ഞിലേക്ക് പകരും. ജീവിതത്തെ ശ്രദ്ധയോടെ നേരിട്ടാൽ എയ്ഡ്സ് നെ അകറ്റി നിർത്താനാവും.
https://www.facebook.com/Malayalivartha