ചൂടുകാലത്തിൽ കാണുന്ന കൺകുരു അകറ്റാനുള്ള വഴികൾ ....
ചൂടുകാലം കണ്ണ് രോഗങ്ങളുടെ കൂടെ കാലമാണ്. ചെങ്കണ്ണ്, കണ്ണ് ചൊറിച്ചിൽ തുടങ്ങി ചൂടുകാലത്തെ കണ്ണുരോഗങ്ങളുടേയും പട്ടികയും നീളുകയാണ്. ചൂടുകാലത്ത് മാത്രമല്ല, എക്കാലവും കണ്ണിന് വില്ലനാകുന്നത് കണ്കുരുവാണ്.
കണ്പോളയിലെ ഗ്രന്ഥിയില്ഉണ്ടാകുന്ന അണുബാധയാണ് നമ്മള് കൺകുരു എന്നു വിളിക്കുന്നത്.കണ്പോളയുടെ അരികില് കുരുക്കളോ തടിപ്പുകളോ പോലെ വേദനയോട് കൂടിയോ അല്ലാതെയോ കുരു രൂപപ്പെടാം.സാധാരണയായി ഇത് കണ്പോളയുടെ പുറത്താണ് കാണപ്പെടാറുള്ളത് എങ്കിലും ചിലപ്പോൾ കണ്പോളകളുടെ അകത്തും പ്രത്യക്ഷപ്പെടാറുണ്ട്. കണ്കുരു ഒരു കണ്ണിനെയോ രണ്ട് കണ്ണുകളെയുമോ ബാധിക്കാമെങ്കിലും അത് കാഴ്ചയെ തടസ്സപ്പെടുത്താറില്ല.
കൺകുരു ഉണ്ടാകാൻ നമുക്ക് പല കാരണങ്ങളുണ്ടാകാം.സ്ഥിരമായി കണ്ണട ഉപയോഗിക്കേണ്ടവര് കണ്ണട വയ്ക്കാതിരുന്നാലും തലയിലെ താരനും പ്രമേഹം നിയന്ത്രിക്കാത്തതുമെല്ലാം കുരുവിന് കാരണമാകാറുണ്ട്. എങ്കിലും പ്രധാനമായും കണ്പോളകള്ക്ക് ഉണ്ടാവുന്ന അണുബാധ, കണ്ണിലെ എണ്ണ ഗ്രന്ഥികള്ക്ക് സ്റ്റാഫിലോകോക്കസ് അണുബാധ ഉണ്ടാവുന്നത് എന്നിവയാണ് കണ്;കുരുവിന്റെ പ്രധാന കാരണങ്ങൾ
വേദനയുള്ളതുമായ വീക്കം ഉണ്ടാകുന്നതാണ് പ്രധാനപ്പെട്ട ലക്ഷണം.കണ്കുരുവിനൊപ്പം ഇനി പറയുന്നവയും ഉണ്ടായേക്കാം;സ്രവം,കണ്ണീരു ഒലിക്കുക, കണ്പോളകൾക്കു വേദന, ചൊറിച്ചൽ എന്നിവയ്ക്കും ഉണ്ടാവാൻ സാധ്യതയുണ്ട്.
കൺകുരു ഒരിക്കലും കൈകൊണ്ട് അമർത്തിയോ ഞെക്കിയോ പൊട്ടിക്കരുത്. കുരു പൊട്ടുന്നത് അണുബാധ ഉണ്ടാക്കാനും അത് പിന്നീട് വ്യാപിക്കാനും ഇടയാക്കും. ഇടയ്ക്കിടെ കുരു തൊട്ടുനോക്കുന്നതും ഒഴിവാക്കുക. കൈ കൊണ്ട് കണ്ണു തിരുമ്മുകയും മറ്റും ചെയ്യുന്നത് കഴിയുന്നതും ഒഴിവാക്കണം
ആവശ്യമുണ്ടെങ്കിൽ ആന്റിബയോട്ടിക് ഐ ഡ്രോപ്പ് ഒഴിക്കാം. രാത്രി ഉറങ്ങാൻ കിടക്കുമ്പോൾ ഓയിന്മെന്റ് പുരട്ടുകയും ആവാം. ഒന്നു രണ്ട് ആഴ്ചയ്ക്കു ശേഷവും കണ്കുരു മാറിയില്ലെങ്കില്നേത്രരോഗവിദഗ്ധനെ സമീപിച്ച് ചികിത്സ തേടേണ്ടതാണ്.
കൈകൾ സോപ്പ് ഉപയോഗിച്ച് വൃത്തിയാക്കി സൂക്ഷിക്കുക. ആവശ്യമുള്ളപ്പോൾ അണുനാശിനികളും ഉപയോഗിക്കുക
പഴയ സൗന്ദര്യവർദ്ധക സാമഗ്രികൾ ഉപയോഗിക്കാതിരിക്കുക, നിങ്ങളുടെ സൗന്ദര്യ സാമഗ്രികൾ മറ്റുള്ളവരുമായി പങ്കുവയ്ക്കാതിരിക്കുക.
രാത്രിയിലുടനീളം കണ്ണുകള്ക്കുള്ള മേക്കപ്പ് ധരിക്കുന്നത് ഒഴിവാക്കുക
കോണ്ടാക്ട് ലെൻസുകൾ അണുനാശനം നടത്തിയ ശേഷം ഉപയോഗിക്കുക. കൈകള് വൃത്തിയാക്കിയ ശേഷം വേണം കോണ്ടാക്ട് ലെന്സുകളിൽ സ്പർശിക്കേണ്ടത് .
കണ്ണിനകത്ത് പൊടി പോകുന്നത് ഇല്ലാതായാൽ നല്ലൊരു പങ്ക് അലർജികളും മാറും. അലർജിയുണ്ടെങ്കിൽ തണുത്ത വെള്ളം കൊണ്ട് കഴുകാം. കണ്ണിലെ ഈർപ്പം കൂട്ടാനായി ദിവസം എട്ടു ഗ്ലാസ് വെള്ളം കുടിക്കണം. സൈനസൈറ്റിസ് ഉള്ളപ്പോൾ കണ്ണിനു വേദനയും ചുവപ്പും അലർജിയും ഉണ്ടാകാറുണ്ട്. അലർജിക് ആയ ശരീരമുള്ളവർക്കാണ് പൊതുവെ സൈനസൈറ്റിസ് വരാറുള്ളത്.
സദാ ടെൻഷൻ നിറഞ്ഞ ജോലിചെയ്യുന്നത് കണ്ണിന്റെ ആരോഗ്യത്തെ ബാധിക്കാം. .ഇത് രക്തസമ്മർദ്ദം കൂട്ടുകയും കണ്ണിലെ ചെറിയ രക്തക്കുഴലുകൾ നശിക്കുകയും ചെയ്യാം.
https://www.facebook.com/Malayalivartha