പാദസംരക്ഷണത്തിനു ഫുട് മസാജ്
പ്രമേഹ രോഗികള്‍ നിര്‍ബന്ധമായും ഫൂട്ട് മസാജ് ചെയ്തിരിക്കണം. ദിവസവും മസാജ് ചെയ്യുന്നത് പാദത്തിന്റെ ആരോഗ്യം മെച്ചപ്പെടുത്തും.
കാലുകള്‍ക്ക് കരുത്ത് പകരുന്ന ഫൂട്ട് മസാജ് നമ്മുടെ ആകെയുള്ള ആരോഗ്യത്തെ സംരക്ഷിക്കുന്നതിലും വലിയ പങ്ക് വഹിക്കുന്നു . ശരീരത്തിന്റെ നാഡീവ്യവസ്‌ഥകള്‍ പാദങ്ങളുമായി ബന്‌ധപ്പെട്ടാണ് കിടക്കുന്നത്. പാദങ്ങളിലെ രക്‌തചംക്രമണമാണ് കാലിലേക്കുള്ള ഓക്‌സിജന്‍ പ്രവാഹത്തെ നിയന്ത്രിക്കുന്നത്. പ്രമേഹരോഗികള്‍ പാദങ്ങള്‍ മസാജ് ചെയ്യാന്‍ പ്രത്യേകം ശ്രദ്ധിക്കുക. ദിവസവും നിശ്‌ചിത സമയം ഇതിനായി മാറ്റി വയ്‌ക്കുകയും വേണം. ഇത് പാദത്തിന്റെ ആരോഗ്യം മെച്ചപ്പെടുത്തും.
ദിവസവും ഉറങ്ങാന്‍ പോകുന്നതിന് മുന്‍പ് ഏതെങ്കിലും ഒരു മോയ്‌സ്‌ചറൈസര്‍ ഉപയോഗിച്ച് പാദങ്ങള്‍ മസാജ് ചെയ്യുന്നത് നല്ല ഉറക്കം ലഭിക്കാന്‍ ഉത്തമമായ വഴിയാണ്. മാനസിക സമ്മര്‍ദ്ദം അകറ്റാനും ഫൂട്ട് മസാജിന് കഴിയും. ഓഫീസിലെ ടെന്‍ഷന്‍ കഴിഞ്ഞ് വൈകിട്ട് വീട്ടിലെത്തുമ്ബോള്‍ അല്പനേരം പാദങ്ങള്‍ മസാജ് ചെയ്‌തു നോക്കൂ, പകല്‍നേരത്തെ സമ്മര്‍ദ്ദങ്ങളെ പാടെ അകറ്റാം.
https://www.facebook.com/Malayalivartha
