ദുബായ് മദീനത് ജുമൈറയില്‍ നടന്ന രാജ്യാന്തര സര്‍ക്കാര്‍ ഉച്ചകോടിയിലാണ് നൂറു വര്‍ഷത്തിനകം ചൊവ്വയില്‍ കോളനി സ്ഥാപിക്കാനുള്ള പദ്ധതിയെ കുറിച്ച് പ്രഖ്യാപിച്ചത്. മാര്‍സ് 2117 പ്രൊജക്ട് എന്ന പേരിലുളള ഈ പദ്ധതിയുടെ ലക്ഷ്യം. മറ്റ് ലോക രാഷ്ട്രങ്ങളുമായും വിവിധ ഏജന്‍സികളുമായും സഹകരിച്ച് ഗവേഷണ കേന്ദ്രങ്ങളും വാസ സ്ഥലങ്ങളും കൃഷിയിടങ്ങളും എല്ലാം ഉള്‍ക്കൊള്ളുന്നല ഒരു ചെറുനഗരമായിരിക്കും ചൊവ്വയില്‍ നിര്‍മിക്കുന്നത്. 

പദ്ധതിയുടെ ചെലവും മറ്റ് വിശദാംശങ്ങളും പുറത്തുവിട്ടിട്ടില്ല. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമും, അബുദാബി കിരീടാവകാശിയും രാജ്യത്തിന്റെ ഉപസര്‍വ സൈന്യാധിപനുമായ ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാനും ചേര്‍ന്നാണ് പുതിയ പദ്ധതിയെ കുറിച്ച് ലോകത്തെ അറിയിച്ചത്.