മകൾക്കൊപ്പം ഹോട്ടലിൽ താമസിക്കേണ്ടി വന്ന അച്ഛന് നേരിടേണ്ടി വന്നത് ലൈംഗിക അപവാദം !
മകൾക്കൊപ്പം ഹോട്ടലിൽ താമസിക്കേണ്ടി വന്ന അച്ഛന് നേരിടേണ്ടി വന്നത് ഒരിക്കലും മറക്കാനാകാത്ത ദുരനുഭവനങ്ങളാണ്. കുട്ടിയെ ലൈംഗികമായി ചൂക്ഷണം ചെയ്യുന്നെവന്ന വിവരം ഹോട്ടൽ അധികൃതരിൽ നിന്ന് ലഭിച്ചെത്തിയ പോലീസ് പിതാവിനെ മകളുടെ മുന്നിൽ വച്ച് അറസ്റ്റ് ചെയ്യുകയായിരുന്നു. 46 കാരനായ കാള് പൊള്ളാഡിനാണ് ഇത്തരത്തില് ഒരു അനുഭവം നേരിടേണ്ടി വന്നത്.
എന്നാൽ യഥാർത്ഥത്തിൽ സംഭവിച്ചത് ഇങ്ങനെയായിരുന്നു, കാന്സര് ബാധിതയായി ആശുപത്രിയില് കിടക്കുന്ന അമ്മയെ കാണാനായാണ് കാളും മകള് സ്റ്റെഫിനിയും അവിടെയെത്തിയത്. ഇവര് താമസിക്കുന്ന സൗത്ത് വേല്സില് നിന്നും നാല് മണിക്കൂര് ട്രെയിന് യാത്ര ചെയ്താണ് കാളും സ്റ്റെഫിയും ഇവിടെ എത്തിയത്.
തന്റെ അമ്മയുടെ രോഗം തങ്ങളുടെ യാത്രയ്ക്കിടയിൽ തന്നെ സങ്കടത്തിലാഴ്ത്തിയിരുന്നുവെന്നും അതിനിടയിലാണ് ഇത്തരത്തിലൊരു കേസെന്നും കാൾ പറയുന്നു. ശ്വാസകോശ കാന്സര് കാരണം ആശുപത്രിയില് പ്രവേശിപ്പിച്ച അമ്മയെ തന്റെ മകള്ക്കു കൂടി കാണാനായിട്ടാണ് അവളെയും കൂട്ടി എത്തിയതെന്ന് അദ്ദേഹം പറഞ്ഞു.
ഹോട്ടലില് തങ്ങള് രണ്ട് മുറികളാണ് ബുക്ക് ചെയ്തിരുന്നത് എന്നാല് ഹോട്ടലില് എത്തിയപ്പോള് ഒരു മുറിയേ ഉള്ളു എന്നായിരുന്നു ജീവനക്കാര് പറഞ്ഞത്. തുടര്ന്ന് ലഭിച്ച ഒരു മുറിയിലേക്ക് പോയപ്പോള് ഹോട്ടല് ജീവനക്കാര് തങ്ങളെ സംശയത്തോടെയാണ് നോക്കിയത്. മുറിയിലെത്തി അമ്മയെ കാണാന് പോകാനായി തയ്യാറെടുക്കുമ്പോഴായിരുന്നു പോലീസ് എത്തിയത്.
തുടര്ന്ന് ഹോട്ടല് ജീവനക്കാര് അറിയിച്ചിട്ടാണ് തങ്ങള് വന്നതെന്ന് പോലീസ് പറഞ്ഞു. ചോദ്യം ചെയ്യലില് തന്റെ മകള് ഭയന്നു പോയെന്ന് കാള് പറഞ്ഞു. സംഭവം വിവാദമായതോടെ ഹോട്ടല് ജീവനക്കാര് തങ്ങളുടെ പണം തിരികെ നല്കുകയും മാപ്പ് പറയുകയും ചെയ്തുവെന്നും കാള് പറഞ്ഞു.
https://www.facebook.com/Malayalivartha