നിയമ സെക്രട്ടറിയുടെ റിപ്പോര്ട്ട് പുറത്ത് വന്നു; സെന്കുമാറിനെ പോലീസ് മേധാവിയാക്കാതെ മറ്റു വഴികളൊന്നുമില്ല
സംസ്ഥാന പൊലീസ് മേധാവി സ്ഥാനത്തേക്കു തിരികെയെത്താന് സുപ്രീം കോടതിയില് നിന്നും അനുകൂല വിധി സമ്പാദിച്ച ഡി.ജി.പി ടി.പി. സെന്കുമാറിനെ, തല്സ്ഥാനത്തു നിയമിക്കുകയല്ലാതെ മറ്റു വഴിയില്ലെന്ന് നിയമ സെക്രട്ടറിയുടെ റിപ്പോര്ട്ട്. സുപ്രീം കോടതി വിധിക്കെതിരെ പുനഃപരിശോധനാ ഹര്ജിക്ക് ഒരു സാധ്യതയുമില്ലെന്ന് വ്യക്തമാക്കിക്കൊണ്ടാണ് കോടതി വിധി നടപ്പാക്കുകയാണ് ഉചിതമെന്ന് നിയമ സെക്രട്ടറി പി.ജി. ഹരീന്ദ്രനാഥ് സര്ക്കാരിനു റിപ്പോര്ട്ട് നല്കിയത്.
സുപ്രീം കോടതി വിധി എത്രയും പെട്ടെന്ന് നടപ്പാക്കണമെന്നാണ് നിയമ സെക്രട്ടറിയുടെ ശുപാര്ശ. പുനഃപരിശോധനാ ഹര്ജിക്ക് ഒരു സാധ്യതയുമില്ല. സുപ്രീം കോടതിയില് പുനഃപരിശോധനാ ഹര്ജി നല്കുമ്പോള്, വിധി പറഞ്ഞ അതേ ബെഞ്ച് തന്നയാണ് ഇതു പരിഗണിക്കുക. അതുകൊണ്ടുതന്നെ വിധിയില് മാറ്റം വരാനിടയില്ലെന്നും റിപ്പോര്ട്ടില് പറയുന്നു.
സുപ്രീം കോടതി വിധിച്ചു മൂന്നു നാള് കഴിഞ്ഞിട്ടും സംസ്ഥാന പൊലീസ് മേധാവിയായി ഡി.ജി.പി ടി.പി.സെന്കുമാറിനു സര്ക്കാര് നിയമനം നല്കാത്തതു ചര്ച്ചയാകുന്നതിനിടെയാണ് നിയമ സെക്രട്ടറിയുടെ റിപ്പോര്ട്ട് പുറത്തായത്. വിധിയുടെ സാക്ഷ്യപ്പെടുത്തിയ പകര്പ്പു ലഭിച്ചിട്ടില്ലെന്നും ഉത്തരവിന്റെ നിയമവശം പരിശോധിച്ചു വരികയാണെന്നായിരുന്നു ഇതേക്കുറിച്ച് മുഖ്യമന്ത്രിയുടെ ഓഫിസിന്റെ പ്രതികരണം.
വിധിയുടെ അടിസ്ഥാനത്തില് തന്നെ സംസ്ഥാന പൊലീസ് മേധാവിയായി നിയമിക്കണമെന്നു സെന്കുമാര് കഴിഞ്ഞദിവസം ചീഫ് സെക്രട്ടറിക്കു കത്തു നല്കിയിരുന്നു. സുപ്രീംകോടതിയുടെ ഔദ്യോഗിക വെബ്സൈറ്റില്നിന്നു വിധി പകര്പ്പു ഡൗണ്ലോഡ് ചെയ്തതും കൈമാറി. എന്നാല് അദ്ദേഹത്തിന് ഇതു സംബന്ധിച്ച ഒരു മറുപടിയും സര്ക്കാര് നല്കിയിട്ടില്ല. ഇക്കാര്യത്തില് തനിക്കൊരു ധൃതിയുമില്ലെന്നും സര്ക്കാര് നടപടിക്കായി കാത്തിരിക്കുകയാണെന്നും സെന്കുമാര് പ്രതികരിച്ചു.
https://www.facebook.com/Malayalivartha