ജെല്ലിക്കെട്ട് പ്രക്ഷോഭം: തമിഴ്‌നാട് മുഖ്യമന്ത്രി ഇന്ന് പ്രധാനമന്ത്രിയെ കാണും
ഓര്‍ഡിനന്‍സ് ഇല്ലാതെ പിന്നോട്ടില്ല. ജെല്ലിക്കെട്ട് പ്രക്ഷോഭം അവസാനിപ്പിക്കാന്‍ ഓര്‍ഡിനന്‍സ് പുറപ്പെടുവിക്കണമെന്ന് ആവശ്യപ്പെട്ട് തമിഴ്‌നാട് മുഖ്യമന്ത്രി ഒ.പനീര്‍ശെല്‍വം പ്രധാനമന്ത്രി നരേന്ദ്രമോദിയെ കാണും.
അതേസമയം ജെല്ലിക്കെട്ട് സംബന്ധിച്ച് പ്രധാനമന്ത്രിയില്‍ നിന്ന് ഉറപ്പ് ലഭിക്കുംവരെ സമരം തുടരുമെന്ന് വിദ്യാര്‍ഥികള്‍ അറിയിച്ചു. ചൊവ്വാഴ്ച രാവിലെ മറീനയില്‍ വിദ്യാര്‍ഥികള്‍ ആരംഭിച്ച പ്രക്ഷോഭം രാത്രിയോടെയും വിദ്യാര്‍ഥികള്‍ പിരിഞ്ഞുപോകാതിരുന്നപ്പോള്‍ പോലീസ് തെരുവുവിളക്കുകള്‍ കെടുത്തി. വിദ്യാര്‍ഥികള്‍ മൊബൈല്‍ഫോണിന്റെ പ്രകാശത്തോടെ സമരം തുടര്‍ന്നപ്പോഴാണ് സമരത്തിന്റെ തീവ്രതയെക്കുറിച്ച് സര്‍ക്കാരിന് ബോധ്യമായത്. വിദ്യാര്‍ഥി പ്രതിനിധികളുമായി പൊലീസ് അഞ്ച് തവണ ചര്‍ച്ചനടത്തി.
ജെല്ലിക്കെട്ട് നടത്താന്‍ കേന്ദ്ര സര്‍ക്കാര്‍ പ്രത്യേക ഓര്‍ഡിനന്‍സ് പുറപ്പെടുവിക്കുകയല്ലാതെ മറ്റ് പോംവഴികളില്ല. അതിനായി എ.ഐ.എ.ഡി.എം.കെ.പരമാവധി സമ്മര്‍ദം ചെലുത്തും. ജെല്ലിക്കെട്ട് നടത്താനാവശ്യമായ എല്ലാ നടപടികളും തമിഴ്‌നാട് സര്‍ക്കാരിന്റെ ഭാഗത്ത് നിന്ന് തുടരുമെന്നും അദ്ദേഹം പറഞ്ഞു. എ.ഐ.ഐ.ഡി.എം.കെ.സര്‍ക്കാര്‍ എല്ലായ്‌പ്പോഴും ജനങ്ങളുടെ പ്രശ്‌നത്തോടൊപ്പമാണ് നിലകൊണ്ടിട്ടുള്ളത്. തന്റെ സര്‍ക്കാര്‍ തുടര്‍ന്നും ജനങ്ങള്‍ക്ക് വേണ്ടി നിലകൊള്ളുമെന്നും അദ്ദേഹം പറഞ്ഞു. വിദ്യാര്‍ഥികള്‍ ജനാധിപത്യ രീതിയില്‍ പ്രക്ഷോഭം നടത്തി തമിഴകത്തിന്റെ പാരമ്പര്യം സംരക്ഷിക്കണമെന്ന് അദ്ദേഹം അഭ്യര്‍ഥിച്ചു.
https://www.facebook.com/Malayalivartha
