ത്രിപുര മുഖ്യമന്ത്രി മണിക് സര്‍ക്കാരിന്റെ സ്വാതന്ത്ര്യദിന പ്രസംഗം സംപ്രേക്ഷണം ചെയ്യാന്‍ കഴിയില്ലെന്ന് ദൂരദര്‍ശന്‍; ബിജെപിയുടെ സ്വകാര്യ സ്വത്തല്ല ദൂരദര്‍ശനെന്ന് യെച്ചൂരി
ത്രിപുര മുഖ്യമന്ത്രി മണിക് സര്‍ക്കാരിന്റെ സ്വാതന്ത്യദിന പ്രസംഗം സംപ്രേക്ഷണം ചെയ്യാന്‍ ദൂരദര്‍ശന്‍ വിസമ്മതിച്ചതില്‍ കടുത്ത വിമര്‍ശനവുമായി സിപിഐഎം ജനറല്‍ സെക്രട്ടറി സീതാറാം യെച്ചൂരി. ദുരദര്‍ശന്‍ ബിജെപിയുടെയോ ആര്‍എസ്എസിന്റെയോ സ്വകാര്യ സ്വത്തല്ലെന്ന് കടുത്ത ഭാഷയില്‍ ട്വീറ്ററിലൂടെ യെച്ചൂരി വിമര്‍ശിച്ചു. മണിക്ക് സര്‍ക്കാരിന്റെ പ്രസംഗം ഡിഡി ത്രിപുരയിലൂടെ സംപ്രേക്ഷണം ചെയ്യാന്‍ ദുരദര്‍ശന്‍ വിസമ്മതിച്ചത് കടുത്ത ജനാധിപത്യ നിയമ ലംഘനമാണെന്ന് അദ്ദേഹം പറഞ്ഞു. പ്രസംഗം സംപ്രേക്ഷണം ചെയ്യാന്‍ ദൂരദര്‍ശന്‍ വിസ്സമതിച്ചതായി അറിയിക്കുന്ന സിപിഐഎം ഔദ്യോഗിക ട്വീറ്റിനോട് പ്രതികരിക്കുകയായിരുന്നു അദ്ദേഹം.
സംയുക്തസംസ്ഥാന വ്യവസ്ഥിതിയെ കുറിച്ച് ധര്‍മപ്രസംഗം നടത്തുന്ന മോഡി, പ്രതിപക്ഷ പാര്‍ട്ടികളുടെ സ്വരം അടിച്ചമര്‍ത്താന്‍ അനുയായികളോട് ആവശ്യപ്പെടും. തെരഞ്ഞെടുക്കപ്പെട്ട മുഖ്യമന്ത്രിയുടെ സ്വരം പോലും അടിച്ചമര്‍ത്തുകയാണ്.
ഇതല്ല ഏകാധിപത്യ ഭരണവും അടിയന്തരാവസ്ഥയും എങ്കില്‍ പിന്നെന്താണെന്നും അദ്ദേഹം ട്വീറ്ററിലൂടെ ചോദിച്ചു. ഇതിനെതിരെ സിപിഐഎമ്മും ത്രിപുരയിലെ ജനങ്ങളും പ്രതികരിക്കുമെന്നും ട്വീറ്റില്‍ പറയുന്നു.
https://www.facebook.com/Malayalivartha
