കര്‍ണാടകത്തിലെ തെരഞ്ഞെടുപ്പിനോടനുബന്ധിച്ചു നടന്ന പരിപാടിയില്‍ ഹിന്ദുമുസഌം യുദ്ധമണെന്നു പറഞ്ഞ് പ്രചരണം നടത്തിയ ബിജെപി എംഎല്‍എ യ്‌ക്കെതിരെ നടപടിയെടുത്ത് പൊലീസ്. പ്രസംഗത്തിന്റെ വീഡിയോ സോഷ്യല്‍ മീഡിയയില്‍ വൈറലായതോടെ പാട്ടീലിനെതിരേ വിദ്വേഷ പ്രസംഗത്തിന്റെ പേരില്‍ പോലീസ് കേസെടുത്തു.

സുലേഭാവി ഗ്രാമത്തില്‍ നടത്തിയ തെരഞ്ഞെടുപ്പ് പ്രചരണത്തിന് ഇടയില്‍ ബിജെപി എംഎല്‍എയായി സഞ്ജയ് പാട്ടീലാണ് വിവാദ നായകന്‍. ഇത്തവണത്തെ തെരഞ്ഞെടുപ്പ് കുടിവെള്ളത്തിനും റോഡിനും എതിരല്ലെന്നും മറിച്ച് ഹിന്ദുക്കളും മുസഌങ്ങളും തമ്മിലുള്ള യുദ്ധമാണെന്നുമാണ് പാട്ടീല്‍ പ്രചരണ പ്രസംഗത്തില്‍ പറഞ്ഞത്. ഇത് ബിജെപി പ്രവര്‍ത്തകരില്‍ ആക്രമണോത്സുകത കാട്ടുയും മതവിദ്വേഷം വളര്‍ത്തുന്ന തരത്തില്‍ മുദ്രാവാക്യം വിളക്കുകയും ചെയ്തു. ഇത് ഇപ്പോള്‍ വിവാദമായിരിക്കുകയാണ്. സംഭവത്തിന്റെ വീഡിയോ എതിരാളികള്‍ സാമൂഹ്യമാധ്യമങ്ങളില്‍ പ്രചരിപ്പിക്കുന്നുണ്ട്.

കൂടാതെ ബാബ്‌റി മസ്ജിദിനെ അനുകൂലിക്കുന്നവര്‍ കോണ്‍ഗ്രസിനെ പിന്തുണയ്ക്കും ശിവജിയെ അനുകൂലിക്കുന്നവര്‍ ബിജെപിയ്ക്ക് വോട്ടു ചെയ്യും എന്നും. ഇത് ഇന്ത്യയാണെന്നും, ശ്രീരാമന്‍ പിറന്നുവീണ ഹിന്ദുക്കളുടെ രാജ്യമാണെന്നും, അയോദ്ധ്യയില്‍ രാമക്ഷേത്രം നിര്‍മ്മിക്കുക തന്നെ വേണമെന്നും സഞ്ജ് പാട്ടീല്‍ പറഞ്ഞു. അതിനായി താന്‍ എന്തും ചെയ്യാന്‍ ഒരുക്കമാണ. രാമക്ഷേത്രത്തിന്റെ കാര്യത്തില്‍ ലക്ഷ്മി ഹെബ്ബാല്‍ക്ക കൃത്യമായ ഒരു നിലപാട് എടുക്കണം. അവര്‍ പറഞ്ഞാല്‍ രാമക്ഷേത്രം പണിയുക തന്നെ ചെയ്യും. അപ്പോള്‍ അവര്‍ക്ക് നിങ്ങളെല്ലാം വോട്ടുചെയ്യും. എന്നാല്‍ അവര്‍ അങ്ങിനെ പറയില്ല. കോണ്‍ഗ്രസാണെങ്കില്‍ ബാബ്‌റി മസ്ജിദേ നിര്‍മ്മിക്കൂ. ഞങ്ങളാണെങ്കില്‍ രാമക്ഷേത്രവും. സഞ്ജയ് പാട്ടീല്‍ കൂട്ടിച്ചേര്‍ത്തു. ക്ഷേത്രത്തില്‍ പ്രാര്‍ത്ഥിക്കാനെത്തുന്നവരെല്ലാം ബിജെപിയ്ക്ക് വോട്ടു ചെയ്യണമെന്നും പട്ടേല്‍ പറഞ്ഞു. ശിവജിയെയും വേണമെങ്കില്‍, ലക്ഷ്മി ക്ഷേത്രങ്ങളില്‍ പൂജ ചെയ്യണമെങ്കില്‍ അവരെല്ലാം ബിജെപിയ്ക്ക് വോട്ടു ചെയ്യണമെന്നും പ്രസംഗത്തില്‍ പറഞ്ഞിരുന്നു.