കര്‍ണാടകയില്‍ കരുത്ത് തെളിയിക്കാനും വോട്ടുറപ്പിക്കാനും ബി.ജെ.പിയുടെ മുഖ്യമന്ത്രി സ്ഥാനാര്‍ത്ഥി ബി.എസ്. യെദൂരപ്പയുടെ റോഡ് ഷോ
കര്‍ണാടകയില്‍ കരുത്ത് തെളിയിക്കാനും വോട്ടുറപ്പിക്കാനും ബി.ജെ.പിയുടെ മുഖ്യമന്ത്രി സ്ഥാനാര്‍ത്ഥി ബി.എസ്. യെദൂരപ്പയുടെ റോഡ് ഷോ. ശിക്കാരിപ്പുര മണ്ഡലത്തില്‍ നിന്ന് മത്സരിക്കുന്ന യെദൂരപ്പ ഇന്നലെയാണ് നാമനിര്‍ദേശപത്രിക സമര്‍പ്പിച്ചത്. കുറഞ്ഞത് 30000 വോട്ടുകളുടെ ഭൂരിപക്ഷത്തില്‍ മണ്ഡലം പിടിക്കുമെന്നാണ് പത്രികാസമര്‍പ്പണത്തിന് ശേഷം യെദിയൂരപ്പ പറഞ്ഞത്.
തുറന്ന വാഹനത്തില്‍ കേന്ദ്രമന്ത്രി അനന്ത് കുമാര്‍, ചത്തീസ്ഗഡ് മുഖ്യമന്ത്രി രമണ്‍ സിംഗ് എന്നിവര്‍ യെദൂരപ്പയ്‌ക്കൊപ്പം റോഡ് ഷോയില്‍ പങ്കെടുത്തു. ശിവമോഗ ജില്ലയിലെ ശിക്കാരിപുരയില്‍ എട്ടുതവണ മത്സരിച്ചിട്ടുള്ളതില്‍ ഏഴുതവണയും യെദിയൂരപ്പ വിജയിച്ചിരുന്നു. 1999 ല്‍ കോണ്‍ഗ്രസിനോട് മാത്രമായിരുന്നു ഒരു തവണ തോല്‍വി.
സംസ്ഥാനത്തെ ജനസംഖ്യയുടെ 17 ശതമാനം വരുന്ന ലിംഗായത്ത് വിഭാഗക്കാരനാണ് യെദൂരപ്പ. കര്‍ണാടകയില്‍ ലിംഗായത്തുകള്‍ക്ക് പ്രത്യേക ന്യൂനപക്ഷ പദവി നല്‍കാമെന്ന കോണ്‍ഗ്രസിന്റെ വാഗ്ദാനത്തെ അതിജീവിക്കാന്‍ യെദൂരപ്പയ്ക്ക് കഴിയുമെന്നാണ് ബി.ജെ.പിയുടെ പ്രതീക്ഷ. ഇരുപാര്‍ട്ടികളുടെയും മുഖ്യമന്ത്രി സ്ഥാനാര്‍ത്ഥികള്‍ ലിംഗായത്തിന് ഭൂരിപക്ഷമുള്ള പ്രദേശങ്ങളില്‍ പ്രവര്‍ത്തനം കേന്ദ്രീകരിക്കുന്നത് തന്നെ, തിരഞ്ഞെടുപ്പില്‍ ലിംഗായത്തുകള്‍ക്കുള്ള സ്വാധീനം കണക്കിലെടുത്താണ്. കഴിഞ്ഞ ദിവസം ലിംഗായത്തുകളുടെ ആത്മീയ നേതാവ് ബസവേശ്വരയുടെ ജന്മദിന വാര്‍ഷികത്തിന്റെ ഭാഗമായി ബംഗളുരുവിലെ പ്രതിമയില്‍ മുഖ്യമന്ത്രി സിദ്ധരാമയ്യ, ബി.ജെ.പി അദ്ധ്യക്ഷന്‍ അമിത് ഷാ തുടങ്ങിയവര്‍ പുഷ്പാര്‍ച്ചന നടത്തിയിരുന്നു.
സാധാരണക്കാരുടെ ഇടയില് തരംഗം സൃഷ്ടിക്കാന് ഓട്ടോറിക്ഷയില് യാത്ര നടത്തി, കര്‍ണാടകയില്‍ ബി.ജെ.പിയുടെ മുഖ്യമന്തി സ്ഥാനാര്‍ഥിയും പാര്‍ട്ടി സംസ്ഥാന അധ്യക്ഷനുമായ ബി.എസ് യെഡിയൂരപ്പ.നിയമസഭാതിരഞ്ഞെടുപ്പിന് മുന്നോടിയായി തൊഴിലാളികളുടെ പ്രശ്‌നങ്ങള്‍ പഠിക്കാനാണ് യാത്രയെന്നും, ബി.ജെ.പി അധികാരത്തിലെത്തിയാല്‍ സാധാരണക്കാരുടെ പ്രശ്‌നങ്ങള്‍ക്ക് പരിഹാരമുണ്ടാക്കുമെന്നും യെദൂരപ്പ പറഞ്ഞു.
https://www.facebook.com/Malayalivartha
