അന്വര്, റമദാന് വ്രതം വെടിഞ്ഞത് ഒരു ജീവന് രക്ഷിക്കാന്...അതും ഒരു ഹിന്ദു ബാലന്റെ...! മനുഷ്യത്വമാണ് എല്ലാറ്റിലും വലുത് എന്നാണ് ഇസ്ലാം മതം പഠിപ്പിച്ചതെന്ന് അന്വര്!
മതങ്ങള്ക്കും മുകളില് മനുഷ്യത്വം വളര്ന്നതിന്റെ മഹത്തായ മാതൃക അടുത്തിടെ ബീഹാറിലെ ഗോപാല്ഗഞ്ച് ജില്ലയില് കാണാനിടയായി. ഹിന്ദുവായ ഒരു ആണ്കുട്ടിയുടെ ജീവന് രക്ഷിക്കാന് മുസ്ലീം യുവാവ് റമദാന് ഉപവാസം വെടിഞ്ഞു. ഹീമോഗ്ലോബിന്റെ അഭാവത്തെ തുടര്ന്ന് രക്തത്തില് ഏറ്റക്കുറച്ചില് ഉണ്ടാകുന്നതു മൂലം ഗുരുതരാവസ്ഥയിലായിരുന്ന എട്ടുവയസുകാരനെയാണ് ജാവേദ് ആലം എന്ന ചെറുപ്പക്കാരന് സഹായിച്ചത്.
ആശുപത്രിയില് കഴിയുന്ന കുഞ്ഞിനു മൂന്നു കുപ്പി രക്തം അത്യാവശ്യമായി വന്നു. എന്നാല് അപൂര്വ്വമായി മാത്രം കണ്ടുവരുന്ന രക്തഗ്രൂപ്പായിരുന്നതിനാല് ആശുപത്രിയുടെ രക്തബാങ്കില് ഇതു ലഭിച്ചില്ല. രക്തത്തിനു വേണ്ടി കുട്ടിയുടെ പിതാവ് അന്വേക്ഷണം നടത്തിയപ്പോള് 200 കിലോമീറ്റര് അകലെയുള്ള ഒരു ആശുപത്രിയിലെ ബ്ലാഡ് ബാങ്കില് നിന്ന് ഈ യുവാവിന് പ്രസ്തുത ബ്ലഡ് ഗ്രൂപ്പാണെന്ന വിവരം പിതാവിനു ലഭിക്കുകയായിരുന്നു.
തുടര്ന്ന് രക്തത്തിനായി പിതാവ് അന്വര് ആലത്തിനെ സമീപിച്ചു. കുട്ടിയുടെ ഗുരുതരാവസ്ഥ തിരിച്ചറിഞ്ഞ യുവാവ് കിലോമീററ്റുകള് താണ്ടി ആശുപത്രിയില് എത്തി. രക്തം നല്കിയപ്പോള് ആശുപത്രി അധികൃതര് നല്കിയ നിര്ദേശങ്ങളെ തുടര്ന്ന് യുവാവ് ഉപവാസം വെടിയുകയായിരുന്നു. മനുഷ്യത്വമാണ് എല്ലാറ്റിലും വലുത് എന്നാണ് ഇസ്ലാം മതം എന്നെ പഠിപ്പിച്ചത്. അതിനായി ഞാന് എന്റെ റമദാന് വ്രതം വെടിയുകയായിരുന്നു എന്ന് യുവാവ് പറഞ്ഞു.
https://www.facebook.com/Malayalivartha