ഒക്ടോബര്‍ 28-ന് ഇന്ത്യയില്‍ ആരംഭിക്കുന്ന ഫിഫ അണ്ടര്‍ 17 ലോകകപ്പില്‍ കളി നിയന്ത്രിക്കാന്‍ വനിതയും. ചരിത്രത്തില്‍ ആദ്യമായാണ് ഒരു പുരുഷ ടീമിന്റെ പോരാട്ടത്തിനായി വനിതാ റഫറിയെ ഫിഫ നിയമിക്കുന്നത്.

ജര്‍മ്മനിയിലെ ബുന്ദസ് ലീഗയില്‍ നേരത്തെ തന്നെ വനിതാ റഫറിയുണ്ടെങ്കിലും ലോകകപ്പ് പോലുള്ള ഫിഫയുടെ സുപ്രധാന ടൂര്‍ണമെന്റില്‍ ആദ്യമായാണ് ഇത്തരമൊരു പരീക്ഷണം. ആറ് വന്‍കരകളുടെ പ്രതിനിധികളേയും പാനലില്‍ ഉള്‍പ്പെടുത്തിയിട്ടുണ്ടെന്ന സവിശേഷതയും ഇത്തവണത്തെ റഫറി പട്ടികയ്ക്കുണ്ട്.