മുൻ ലോകചാമ്പ്യന്മാരായ ബ്രസീലും ഇന്ത്യയും തമ്മിലുള്ള ഐതിഹാസിക പോരാട്ടത്തിൽ ഇന്ത്യൻ ഫുട്ബോൾ ഇതിഹാസവും മുൻ നായകനുമായ ഐ എം വിജയനെ ഗുഡ്‌വിൽ അംബാസഡറായി തിരഞ്ഞെടുത്തു.

മലയാളി താരത്തിനൊപ്പം ബ്രസീൽ ഇതിഹാസം ജോസ് ബാരെറ്റോയും ​ഗുഡ്‌വിൽ അംബാസഡറായി തെരഞ്ഞെടുത്തു. മത്സരത്തിന്റെ കിക്ക് ഓഫിന് പന്ത് ​ഗ്രൗണ്ടിലെത്തിക്കുക ഇരുവരുമാണ്.

ഒക്‌ടോബർ മൂന്നിനാണ്‌ ഇന്ത്യയുമായുള്ള ബ്രസീലിന്റെ സ‍ൗഹൃദപ്പോരുള്ളത്. ബ്രസീൽ ടീം ഇന്നെത്തും. ബ്രസീൽ സംഘത്തിൽ വിനീഷ്യസ്‌ ജൂനിയർ, ബ്രൂ‍ണോ ഗുയ്‌മറസ്‌, എൻഡ്രിക്‌, മാർക്വിന്യോസ്‌, ഗബ്രിയേൽ മഗാലിയസ്‌, റയാൻ, ഡാനിലോ എന്നിവർക്കൊപ്പം ഒരു പിടി നവാഗതരും ടീമിലുണ്ട്‌. ​റാങ്കിങ്‌ പട്ടികയിൽ ആറാമതാണ്‌ ബ്രസീൽ. ഇന്ത്യ 138–ാമതും. 1992ൽ റാങ്കിങ്‌ സന്പ്രദായം ഏർപ്പെടുത്തിയശേഷം ആദ്യമായാണ്‌ ഇത്രയും മുന്തിയ റാങ്കുകാരുമായി ഇന്ത്യ കളിക്കുന്നത്‌.