കാപ്പിയും ചായയും നമ്മുടെ സന്തതസഹചാരിയാണല്ലോ. ഇത് ഒഴിവാക്കിക്കൊണ്ടുള്ള ഒരു ലൈഫ് നമുക്ക് ചിന്തിക്കാൻ തന്നെ പ്രയാസമാണ്. അപ്പോൾ കാപ്പി കുടിക്കുന്ന കപ്പിനെ കുറിച്ചു നിങ്ങൾ ചിന്തിച്ചിട്ടുണ്ടോ? കാ​പ്പി​ക്കും മു​മ്പ്​ മനുഷ്യന്റെ സ​ഹ​ചാ​രി​യാ​യി​രു​ന്നു ക​പ്പ് എന്ന കാര്യം അറിയാമോ? മനുഷ്യർ ക​പ്പ്​ ഉ​പ​യോ​ഗി​ക്കാ​ൻ തു​ട​ങ്ങി​യി​ട്ട്​ 2000 വർഷമായി എന്നാൽ കാ​പ്പി മ​നു​ഷ്യ​ൻ ഉ​പ​യോ​ഗി​ക്കാ​ൻ തു​ട​ങ്ങി​യ​ത്​ 11ാം നൂറ്റാണ്ട് മുതൽക്കാണ്.

നമ്മുടെ നിത്യോപയോഗ സാധനമായ ക​പ്പു​ക​ളു​ടെ നി​ർ​മാ​ണം എ​ന്നാ​ണ്​ തു​ട​ങ്ങി​യ​ത്​ എ​ന്ന​തി​നെക്കുറിച്ച് വ്യക്തമായ ധാരണ ഇതുവരെ ഉണ്ടായിരുന്നില്ല എന്നാൽ അടുത്തിടെ ഇ​സ്രാ​യേ​ലി​ൽ ന​ട​ന്ന റോ​ഡ്​ നി​ർ​മാ​ണ​ത്തി​നി​ട​യി​ലാ​ണ്​ കപ്പിന്റെ പൗ​രാ​ണി​ക​ത​യെ കു​റി​ച്ചു​ള്ള സൂ​ച​ന​ക​ൾ ല​ഭി​ച്ച​ത്. അങ്ങനെയാണ് കപ്പിന് 2000 വർഷത്തെ പാരമ്പര്യം അവകാശപ്പെടാനുണ്ടെന്നു തിരിച്ചറിഞ്ഞത്. ഈ കണ്ടെത്തലിനു വഴി തെളിച്ചത് ഇ​സ്രാ​യേ​ലി​ലെ വ​ട​ക്ക​ൻ പ്ര​ദേ​ശ​മാ​യ റെ​യ്​​നെ​യി​ലെ ഗ​ലി​ലീ ഗ്രാ​മ​ത്തി​ൽ ഒ​രു സ്​​പോ​ർ​ട്​​​സ് സെന്ററിലേക്കുള്ള റോ​ഡ്​ വെ​ട്ടു​ന്ന​തി​ന്​ കു​ഴി​യെ​ടു​ത്ത​പ്പോ​ഴാ​ണ്​ നൂ​റ്റാ​ണ്ടു​ക​ൾ​ക്കു​മു​മ്പ്​ ഇ​വി​ടെ​യു​ള്ള​വ​ർ ഉ​പ​യോ​ഗി​ച്ചി​രു​ന്ന പാ​ത്ര​നി​ർ​മാ​ണ​ശാ​ല​യു​ടെ അ​വ​ശി​ഷ്​​ട​ങ്ങ​ൾ കിട്ടിയത്.

പിന്നീട് പു​രാ​വ​സ്​​തു​ഗ​വേ​ഷ​ക​ർ എ​ത്തി ശാ​സ്​​ത്രീ​യ​മാ​യ രീ​തി​യി​ൽ ഖ​ന​നം ന​ട​ത്തി​യ​പ്പോ​ഴാ​ണ്​ ശി​ൽ​പഭ​ദ്ര​യു​ള്ള​തും ചു​ണ്ണാ​മ്പു​ക​ല്ലി​ൽ നി​ർ​മി​ച്ച​തു​മാ​യ നി​ര​വ​ധി ക​പ്പു​ക​ൾ പോ​ലു​ള്ള പാത്രങ്ങളും അവ നിർമിക്കാൻ ഉപയോഗിക്കുന്ന നി​ർ​മാ​ണ സാ​മ​ഗ്രി​ക​ളും പാ​തി പ​ണി​തീ​ർ​ന്ന പാ​ത്ര​ങ്ങ​ളും ല​ഭി​ച്ച​ത്. ഇവ ശാ​സ്​​ത്രീ​യ പ​രി​ശോ​ധ​ന​ക​ൾ​ക്ക്​ വി​ധേ​യ​മാ​ക്കി​യ​ശേ​ഷ​മാ​ണ്​ കാ​ല​നി​ർ​ണ​യം നടത്തിയത്. ഇ​ത്ത​ര​ത്തി​ൽ ഗ​ലി​ലീ​യി​ൽ ക​ണ്ടെ​ത്തി​യ ആ​ദ്യ​ത്തെ പാ​ത്ര നി​ർ​മാ​ണ​ശാ​ല​യാ​ണ്​ ഇ​തെ​ന്ന്​ ഖ​ന​ന​ത്തി​ന്​ നേ​തൃ​ത്വം ന​ൽ​കി​യ എ​സ്​​ക​വേ​ഷ​ൻ ഡ​യ​റ​ക്​​ട​ർ ജോ​നാ​ഥ​ൻ അ​ഡ്​​ല​ർ പ​റ​ഞ്ഞു. ബൈ​ബി​ളി​ൽ യേ​ശു​ക്രി​സ്​​തു വെ​ള്ളം വീ​ഞ്ഞാ​ക്കി​മാ​റ്റി​യെ​ന്ന്​ പ​റ​യ​പ്പെ​ടു​ന്ന സ്ഥലത്തു നിന്നും വളരെ അടുത്ത് നിന്നാണ് ഈ പുരാവസ്തുക്കൾ കണ്ടെടുത്തിട്ടുള്ളത്. ഒരു പക്ഷെ യേ​ശു​ക്രി​സ്​​തു ഉപയോഗിച്ചിരുന്നതും ഇവിടെ നിർമിച്ച കപ്പുകൾ ആകാം എന്ന് ചിന്തിച്ചാൽ ഇതിനെക്കുറിച്ച് കൂടുതൽ അറിയാൻ ഉള്ള കൗതുകം നമ്മളിൽ ഉണർത്തുന്നു.