സുശാന്ത് കേസ് അന്വേഷിക്കുന്നത് ഉന്നത സിബിഐ സംഘം, മരണത്തിനു പിന്നിലെ സാമ്പത്തിക ഇടപാടുകള് പരിശോധിക്കുന്ന ത് വന് അഴിമതികളും സാമ്പത്തിക തട്ടിപ്പുകളും അന്വേഷിക്കുന്ന സംഘം
വിജയ് മല്യ, അഗസ്റ്റ വെസ്റ്റ്ലാന്ഡ് അഴിമതികള് അന്വേഷിക്കുന്ന ഉന്നത സിബിഐ സംഘമാണ് നടന് സുശാന്ത് സിങ് ജീവനൊടുക്കിയ കേസ് അന്വേഷിക്കുന്നത്.
നടന്റെ പിതാവിന്റെ പരാതിയില് ബിഹാര് പൊലീസ് റജിസ്റ്റര് ചെയ്ത എഫ്ഐആറിനെ അടിസ്ഥാനമാക്കി ഇന്നലെ കേസ് ഏറ്റെടുത്ത സിബിഐ കേസെടുത്തു. കാമുകി റിയ ചക്രവര്ത്തി, ഇവരുടെ പിതാവ് ഇന്ദ്രജിത്, മാതാവ് സന്ധ്യ, സഹോദരന് ഷൗവീക്, റിയയുടെയും സുശാന്തിന്റെയും സുഹൃത്തുക്കളായ സാമുവല് മിറാന്ഡ, ശ്രുതി മോദി എന്നിവര്ക്കെതിരെ ആത്മഹത്യപ്രേരണ, പണം തട്ടിപ്പ് തുടങ്ങിയ കുറ്റങ്ങള് ആരോപിച്ചാണു പരാതി.
സുശാന്തിന്റെ മരണത്തിനു പിന്നിലെ സാമ്പത്തികഇടപാടുകള് ഉള്പ്പെടെയുള്ളവ പരിശോധിക്കുന്നത് വന് അഴിമതികളും സാമ്പത്തിക തട്ടിപ്പുകളും അന്വേഷിക്കുന്ന ഗഗന്ദീപ് ഗംഭീര്, മനോജ് ശശിധര്, നൂപുര് പ്രസാദ് സംഘമാണ്.
സിബിഐ അന്വേഷണവിവരം ഔദ്യോഗികമായി അറിയിച്ചിട്ടില്ലെന്നും നിലവിലെ അന്വേഷണം മതിയെന്നു സുപ്രീം കോടതിയെ അറിയിക്കുമെന്നുമാണ് ഇന്നലെ വൈകിട്ടുവരെ മഹാരാഷ്ട്ര സര്ക്കാര് പ്രതികരിച്ചത്.
ബിഹാര് പൊലീസ് സംഘത്തിന്റെ അന്വേഷണത്തിനു നേതൃത്വം നല്കാനെത്തിയ എസ്പി വിനയ് തിവാരി മുംബൈയില് ക്വാറന്റീനില് തുടരുന്നു. ബിഹാര് സംഘം മുംബൈയില് നിന്നു മടങ്ങി. തിവാരിയെ വിട്ടയച്ചില്ലെങ്കില് നിയമനടപടി സ്വീകരിക്കുമെന്ന് ബിഹാര് ഡിജിപി അറിയിച്ചു.
സാമ്പത്തിക ക്രമക്കേട് അന്വേഷണത്തിന് ഇന്നു ഹാജരാകാന് ആവശ്യപ്പെട്ടു സുശാന്തിന്റെ കാമുകി റിയ ചക്രവര്ത്തിക്ക് എന്ഫോഴ്സ്മെന്റ് ഡയറക്ടറേറ്റ് (ഇഡി) നോട്ടിസ് നല്കി.
https://www.facebook.com/Malayalivartha
