കലാഭവന് മണിയുടെ ജീവിതത്തെ ആസ്പദമാക്കി എടുത്ത ചാലക്കുടിക്കാരന് ചങ്ങാതി ഹിറ്റായി ഓടുമ്പോള് സംവിധായകന് വിനയന് നമ്മള് അറിയാത്ത ഒരുപാട് കാര്യങ്ങള് പറയുന്നു... മണിയുടെ വ്യക്തി ജീവിതത്തിലേക്കും സിനിമയിലേക്കും അത് കടന്ന് ചെല്ലുന്നു
നടന് കലാഭവന് മണിയെ മരണത്തിലേക്ക് നയിച്ചത് ബാല്യകാല സുഹൃത്തായിരുന്നെന്ന് വിനയന് സംവിധാനം ചെയ്ത ചാലക്കുടിക്കാരന് ചങ്ങാതി എന്ന സിനിമ പറയുന്നു. പ്രതിസന്ധികളോട് പൊരുതി, അവഗണനകളില് അടിപതറാതെ അഭ്രപാളികളില് അജയ്യനായി നില്ക്കുമ്പോഴാണ് കലാഭവന് മണിക്ക് കാലിടറിയത്. മദ്യമായിരുന്നു അതിലെ പ്രധാനവില്ലന്. അമിത മദ്യപാനം വിലക്കാന് കൂടെയുണ്ടായിരുന്ന രണ്ട് ആത്മസുഹൃത്തുക്കളും മാനേജരും ആവുന്നത്ര ശ്രമിച്ചെങ്കിലും അവര്ക്കത് തടയാനായില്ല. അസുഖ ബാധിതനായ ശേഷം കലാഭവന് മണി കൂടുതല് സമയവും സുഹൃത്തുക്കള്ക്കൊപ്പം പാടി എന്ന തന്റെ ഔട്ട് ഹൗസിലാണ് താമസിച്ചിരുന്നത്. അനുജന് അടക്കം അവിടെ ചെന്ന് വിലക്കിയപ്പോള് മണി ദേഷ്യപ്പെടുകയാണുണ്ടായത്.
സീരിയില് നടന് സെന്തില് എന്ന രാജാമണിയാണ് സിനിമയില് കലാഭവന്മണിയെ അനുസ്മരിപ്പിക്കുന്ന രാജാമണി എന്ന വേഷത്തില് അഭിനയിക്കുന്നത്. എല്ലാ അര്ത്ഥത്തിലും മണിയായി രാജാമണി പരകായ പ്രവേശനം നടത്തി എന്നതില് ആര്ക്കും സംശയമില്ല. നിറകണ്ണുകളോടെ തിയേറ്റര് വിട്ടിറങ്ങുന്ന പ്രേക്ഷകര് അതിന്റെ ദൃഷ്ടാന്തമാണ്. മണിക്ക് ബാല്യകാല കാമുകിയുണ്ടായിരുന്നു എന്നത് പലര്ക്കും അറിയാത്ത കാര്യമാണ്. മിമിക്രി കളിച്ച് നടക്കുന്ന കാലത്ത് കളിച്ച് നടക്കുന്ന കാലത്ത് ഇരുവര്ക്കും വിവാഹം കഴിക്കണമെന്നുണ്ടായിരുന്നു. എന്നാല് സ്വന്തം കുടുംബത്തിലെ തന്നെ ഉന്നതരായ ആ കുട്ടിയുടെ പിതാവ് ആ ബന്ധത്തിന് എതിര് നിന്നു. സിനിമയില് പിച്ചവെച്ച് നടക്കുന്ന കാലത്ത് ആ കുട്ടിയുടെ കല്യാണം നടന്നു. അന്ന് ക്യാമറയ്ക്ക് മുന്നില് മണി പതറി.
കാര്യം മനസിലായ സംവിധായകന് ഹരി (വിനയനെ അനുസ്മരിപ്പിക്കുന്ന കഥാപാത്രം) ആശ്വസിപ്പിക്കുകയും ഒന്ന് രണ്ട് മിമിക്രി ഐറ്റം കാണിക്കാന് ആവശ്യപ്പെടുകയും ചെയ്തു. അവിടെ വെച്ചാണ് കണ്ണ് കാണാത്ത അന്ധഗായരനെ അവതരിപ്പിച്ച് കാണിക്കുന്നത്. അങ്ങനെയാണ് വാസന്തിയും ലക്ഷ്മിയും എന്ന സൂപ്പര് ഹിറ്റ് സിനിമ ഉണ്ടാകുന്നത്. തുടര്ന്ന് കരുമാടിക്കുട്ടന് അടക്കമുള്ള ഹിറ്റ് ചിത്രങ്ങള്. മണി ജനപ്രീയനായി വളര്ന്നു. സമ്പത്ത് വന്നതോടെ ജീവിതത്തില് പല മാറ്റങ്ങളുമുണ്ടായി. തമിഴിലും തെലുങ്കിലും മണി വില്ലനായി കസറി. ശങ്കറും രജനീകാന്തും പോലും ഒരു ചെറിയ സീനിനായി മണിയെ കാത്തിരുന്നു. പണം കൂടിയതോടെ പലയിടങ്ങളിലും വസ്തുവകകള് വാങ്ങി. ചിലതൊക്കെ സുഹൃത്തുക്കളുടെ പേരിലാണ് വാങ്ങിയത്. അങ്ങനെ വാങ്ങിയ ഭൂമി മണി അറിയാതെ അവര് വിറ്റു, അതും കോടിക്കണക്കിന് രൂപ ലാഭത്തിന്.
സംഭവം അറിഞ്ഞ താരം ക്ഷുഭിതനായെങ്കിലും അവര് വഴങ്ങിയില്ല. അവസാനം നാല് കോടി രൂപ താരത്തിന് മുന്നില് എറിഞ്ഞ് കൊടുത്തിട്ട്, ഇനി നമ്മള് തമ്മില് ഒരു ഇടപാടും ഇല്ലെന്ന് പറഞ്ഞ് ഭീഷണിമുഴക്കി പോകുന്നു. ഈ ഇടപാടില് അടുത്ത സുഹൃത്തും നടനുമായ സൂര്യ മണിക്കൊപ്പം നിന്നില്ലെന്നാണ് സിനിമ പറയുന്നത്. ദിലീപിനെ അനുസ്മരിപ്പിക്കുന്ന കഥാപാത്രമാണ് സൂര്യ. ഈപ്പച്ചനും (ഇന്നസെന്റ്), കണ്ണനുണ്ണിയും (ബി.ഉണ്ണികൃഷ്ണന്) സൂര്യയും (ദിലീപ്) മറ്റും ചേര്ന്ന് നടന് തിലോത്തമനെ (തിലകന്) സിനിമയില് നിന്ന് ഒഴിവാക്കാന് ശ്രമിച്ചതിനെ സംവിധായകന് ഹരി (വിനയന്) എതിര്ക്കുകയും അതിന്റെ പേരില് ഹരിക്ക് വിലക്ക് ഏര്പ്പെടുത്തുകയും ചെയ്തു.
ഫോറസ്റ്റ് ഉദ്യോഗസ്ഥര് താരത്തെ ആക്രമിച്ച സംഭവത്തെ തുടര്ന്ന് ഇന്നസെന്റിനെ പലതവണ വിളിച്ചിട്ടും ഫോണ് എടുത്തില്ലെന്നും ഡി.ജി.പി സെന്കുമാര് പ്രശ്നത്തില് ഇടപെട്ട ശേഷമാണ് ഇന്നസെന്റ് മണിയെ വിളിച്ചതെന്നും സിനിമ പറയുന്നു. എന്നാല് യഥാര്ത്ഥ സംഭവം ഇങ്ങിനെയാണോ എന്ന് വ്യക്തമല്ല. മണിയും ഇന്നസെന്റും തമ്മില് നല്ല ബന്ധമായിരുന്നു. ഇന്നസെന്റ് തെരഞ്ഞെടുപ്പില് മല്സരിച്ചപ്പോള് മണി സജീവമായി രംഗത്തുണ്ടായിരുന്നു. കരളിന് അസുഖം ബാധിച്ചതോടെ മദ്യപാനം പൂര്ണമായും നിര്ത്തണമെന്ന് ഡോക്ടര്മാര് നിര്ദ്ദേശിച്ചു. എന്നാല് മണി ആദ്യമൊക്കെ വഴങ്ങിയില്ലെങ്കിലും പിന്നീട് സമ്മതിച്ചു. 200 മില്ലി മദ്യമെങ്കിലും ഉള്ളില് ചെന്നാല് മണി മരിക്കുമെന്നും ഡോക്ടര് പറയുന്നു.
കുടിനിര്ത്തുന്നതിന്റെ ഭാഗമായി മണി പാടിയില് ഒരു പാര്ട്ടി നടത്തുന്നു. മണിയെ കുടിപ്പിക്കാതിരിക്കാന് സുഹൃത്തും മാനേജനും ആവുന്ന ശ്രമിക്കുന്നു. എന്നാല് രാജു എന്ന സുഹൃത്ത് ആരും കാണാതെ മണിയുടെ അടുത്ത് മദ്യം ഒഴിച്ച് വെച്ചിട്ട് പോകുന്നു. മണി അത് കുടിച്ച് തീരുന്നതും രക്തം ഛര്ദ്ദിക്കുന്നു. ആശുപത്രിയിലേക്ക് കൊണ്ടുപോകും വഴി മരിക്കുന്നു... സുഹൃത്ത് എന്തിനാണ് മദ്യം നല്കിയത്? അത് പണമിടപാടുമായി ബന്ധപ്പെട്ട കാര്യങ്ങളാണ്. ഇങ്ങിനെ ഒരു സുഹൃത്ത് കലാഭവന് മണിക്കുണ്ടായിരുന്നോ അതോ സിനിമയ്ക്ക് വേണ്ടി സൃഷ്ടിച്ചതാണോ എന്നറിയില്ല. എന്തായാലും ആ സുഹൃത്താണ് മണിയെ മരണത്തിലേക്ക് തള്ളിവിട്ടതെന്ന് സിനിമ പറയുന്നു.
https://www.facebook.com/Malayalivartha