കായല് കയ്യേറ്റ കേസില് നടന് ജയസൂര്യയെ പറപ്പിച്ചു, കുരുക്ക് മുറുക്കി വിജിലൻസ്, കോര്പറേഷന് എഞ്ചിനീയറിംഗ് വിഭാഗത്തിലെ മൂന്നു ഉദ്യോഗസ്ഥരും നടനേയും പ്രതികളാക്കി കുറ്റപത്രം സമർപ്പിച്ചു ....!
കായല് കയ്യേറ്റ കേസില് നടന് ജയസൂര്യക്ക് കുരുക്ക് മുറുകുന്ന തരത്തിലേക്കാണ് കാര്യങ്ങൾ നീങ്ങുന്നത്. കേസില് അന്വേഷണം പൂർത്തിയാക്കി വിജിലന്സ് കൂറ്റപത്രം സമർപ്പിച്ചു. കോര്പറേഷന് എഞ്ചിനീയറിംഗ് വിഭാഗത്തിലെ മൂന്നു ഉദ്യോഗസ്ഥരും ജയസൂര്യയുമാണ് പ്രതികള്. ചെലവന്നൂർ കായല് തീരത്തെ ഭൂമി കയ്യേറിയെന്ന വിജിസൻസ് കുറ്റപത്രം മൂവാറ്റുപുഴ വിജിലന്സ് കോടതിയിലാണ് സമർപ്പിച്ചത്.
ജയസൂര്യക്കെതിരായ പരാതിയില് 6 വർഷം മുമ്പായിരുന്നു മൂവാറ്റുപുഴ വിജിലൻസ് കോടതി എഫ് ഐ ആർ റജിസ്റ്റർ ചെയ്തത്.എന്നാല് കേസില് ഇതുവരെ കുറ്റപത്രം സമർപ്പിക്കപ്പെട്ടിരുന്നില്ല. ഇതോടെ ഹർജിക്കാരനായ ഗിരീഷ് ബാബു ഇതിനെതിരെ വീണ്ടും കോടതിയില് ഹർജി ഫയല് ചെയ്യുകയായിരുന്നു. ഇതോടെയാണ് കുറ്റപത്രം സമർപ്പിക്കാന് വിജിലന്സ് തയ്യാറായത്.
ജയസൂര്യ കായല്തീരം കയ്യേറിയിട്ടുണ്ടെന്നും അതിന് കോര്പറേഷന് ഉദ്യോഗസ്ഥരുടെ സഹായം ലഭിച്ചെന്നും കുറപത്രത്തില് പറയുന്നു. ഇങ്ങനെ സഹായിച്ച കോര്പറേഷന് എഞ്ചിനീയറിംഗ് വിഭാഗം ഉദ്യോഗസ്ഥരായ കെ പി രാമചന്ദ്രന് എന്എം ജോര്ജ്ജ് ഗിരിജാ ദേവി തുടങ്ങിയവരെയും പ്രതിചേര്ത്താണ് കുറ്റപത്രം.
കളമശേരി സ്വദേശിയായ ഗിരീഷ് ബാബുവിന്റെ പരാതിയില് 2016 ഫെബ്രുവരിയിലാണ് ജയസൂര്യക്കെതിരെ എഫ്ഐആര് രജിസ്റ്റർ ചെയ്ത് അന്വേഷണം നടത്താന് വിജിലന്സ് കോടതി ഉത്തരവിടുന്നത്. കടവന്ത്രയിലെ തന്റെ വീടിന് സമീപത്തായി സ്വകാര്യ ബോട്ട് ജെട്ടിയും ചുറ്റുമതിലും ജയസൂര്യ സ്വന്തം നിലയ്ക്ക് നിർമ്മിച്ചിരുന്നു. ഈ നിർമ്മാണങ്ങള് ചിലവന്നൂർ കായൽ പുറമ്പോക്കു കയ്യേറി നിർമിച്ചതാണെന്നായിരുന്നു പരാതിക്കാരന് ഹർജിയിലൂടെ ഉന്നയിച്ച ആരോപണം. കായല്ഭൂമി കയ്യേറി ബോട്ടുജെട്ടിയും ചുറ്റുമതിലും നിര്മ്മിച്ചത് സര്ക്കാർ സംവിധാനങ്ങള് ദുരുപയോഗിച്ചാണെന്ന സംശയത്തിലാണ് കോടതി അന്വേഷണത്തിന് ഉത്തരവിട്ടത്.
എന്നാൽ കണയന്നൂർ താലൂക്ക് സർവേയർ പരിശോധനയിലൂടെ ഇത് ശരിയാണെന്ന് കണ്ടെത്തുകയും ചെയ്തു.കയ്യേറ്റം കണ്ടെത്തിയതോടെ കോർപറേഷൻ സെക്രട്ടറി തൃശൂർ വിജിലൻസ് കോടതിക്ക് ഇതുസംബന്ധിച്ച് റിപ്പോർട്ട് നൽകിയിരുന്നു. പിന്നീട് സംഭവം നടന്നത് എറണാകുളം ജില്ലയിലായതിനാല് കേസ് വിജിലന്സ് കോടതിയിലേക്ക് മാറ്റുകയും ചെയ്തു. കൊച്ചി വിജിലന്സ് ഡിവൈഎസ്പിക്കായിരുന്നു അന്വേഷണ ചുമതല. കോടതിയുടെ സംശയം ശരിവെച്ചുകോണ്ടാണ് കുറ്റപത്രം.
തീരദേശ പരിപാലന സംരക്ഷണ നിയമവും മുനിസിപ്പൽ കെട്ടിട നിർമാണ ചട്ടവും ലംഘിച്ചു കായലിനു സമീപം ജയസൂര്യ അനധികൃത നിർമ്മാണ് നടത്തിയെന്നും ഇതിന് കോർപ്പറേഷന് അധികൃതർ ഒത്താശ ചെയ്തുവെന്ന പരാതിയില് കഴമ്പുണ്ടെന്ന സൂചനകളും കുറ്റപത്രത്തിലുണ്ട്. കോര്പറേഷന് മുന് സെക്രട്ടറിയെയും സര്വെയറടക്കമുള്ള റവന്യു ഉദ്യോഗസ്ഥരെയും പ്രതിചേര്ക്കണമെന്ന് പരാതിക്കാരന് ആവശ്യപെട്ടെങ്കിലും ഇവർക്ക് പങ്കില്ലെന്നാണ് അന്വേഷണ സംഘത്തിന്റെ കണ്ടെത്തല്.
കോടതിയില് നേരിട്ട് ഹാജരാകാൻ പ്രതികള്ക്ക് ഉടന് സമന്സയക്കും. അതേസമയം കുറ്റപത്രത്തിനെതിരെ പ്രതികള് ഹൈക്കോടതിയെ സമീപിക്കുമെന്നാണ് സൂചന.ബോട്ട് ജെട്ടി പൊളിച്ച് മാറ്റാനുള്ള കൊച്ചി കോര്പ്പറേഷൻ ഉത്തരവ് സ്റ്റേ ചെയ്യണമെന്ന് ആവശ്യപ്പെട്ട് താരം നല്കിയ ഹര്ജി കേരള തദ്ദേശ ട്രൈബ്യൂണല് 2018 ല് തള്ളിയിരുന്നു. ബോട്ടു ജെട്ടി പൊളിച്ചു മാറ്റിയെങ്കിലും മതില് പൊളിക്കുന്ന നടപടി ഹൈക്കോടതി സ്റ്റേ ചെയ്തിരുന്നു.
https://www.facebook.com/Malayalivartha
