പോൺ വീഡിയോകളിലൂടെ എത്തി പിന്നീട് ലോകമെമ്പാടും ആരാധകരെ വാരിക്കൂട്ടിയ താരമാണ് ബോളിവുഡ് നടി സണ്ണി ലിയോൺ. കാരുണ്യ പ്രവർത്തനങ്ങൾ ചെയ്യുന്നത് കൊണ്ടാകണം താരത്തിന് ഇത്രയേറെ ആരാധകർ ഉള്ളത് എന്ന തന്നെ പറയാം.സോഷ്യൽ മീഡിയയിൽ സജീവമായ സണ്ണി ലിയോൺ തങ്ങളുടെ എല്ലാ വിശേഷങ്ങളും പ്രേക്ഷകരുമായി പങ്കുവെക്കാറുണ്ട്.

ഇപ്പോളിതാ രാജ്യത്ത് ലോക്ക് ഡൗൺ പ്രഖ്യാപിച്ച വേളയിൽ കുടുംബത്തോടൊപ്പം ഇന്ത്യ വിട്ടിരിക്കുകയാണ് താരം. ഭര്‍ത്താവ് ഡാനിയല്‍ വെബ്ബറിനും മൂന്ന് മക്കള്‍ക്കുമൊപ്പം താൻ ഇന്ത്യ വിട്ട് യു.എസിലെത്തിയ കാര്യം സണ്ണി തന്നെയാണ് സോഷ്യൽ മീഡിയയിലൂടെ പങ്കുവച്ചത്. മാതൃദിന ആശംസകൾ നേർന്നു കൊണ്ടുള്ള സണ്ണിയുടെ പോസ്റ്റിലാണ് ഇക്കാര്യം പറയുന്നത്. "എല്ലാ അമ്മമാര്‍ക്കും മാതൃദിനാശംസകള്‍. ജീവിതത്തിലേക്ക് കുഞ്ഞുങ്ങള്‍ വരുന്നതോടെ നമ്മുടെ പ്രഥമ പരി​ഗണന അവരായി മാറും, സ്വന്തം കാര്യങ്ങള്‍ പുറകിലേക്ക് മാറും.അപകടകാരിയ അദൃശ്യനായ കൊലയാളി കൊറോണ വൈറസില്‍ നിന്നും ഞങ്ങളുടെ മക്കളെ രക്ഷിക്കാനുള്ള അവസരം എനിക്കും ഡാനിയേലിനും ലഭിച്ചു. ലോസ് ആഞ്ചലസിലുള്ള രഹസ്യ പൂന്തോട്ടത്തിലേക്കും വീട്ടിലേക്കും അവരെ എത്തിച്ചു. എന്റെ അമ്മയും ഞാനിത് തന്നെയാണ് ചെയ്യണമെന്നാകും ആ​ഗ്രഹിച്ചിട്ടുണ്ടാവുക. മിസ് യൂ അമ്മ". താരം കുറിച്ചു.

ലോസ് ആഞ്ചല്‍സിലെ ഒരു 'സീക്രട്ട് ഗാര്‍ഡനി'ലാണിപ്പോള്‍ താനും കുടുംബവുമെന്നാണ് സണ്ണി സൂചിപ്പിക്കുന്നത്. ചിത്രത്തിലെ പശ്ചാത്തലം ഈ വാക്കുകള്‍ സത്യമാണെന്ന് തെളിയിക്കുന്നതാണ്.ഇതിന് പിന്നാലെ താരത്തിന്റെ ഭര്‍ത്താവ് ഡാനിയലും യുഎസില്‍ എത്തിയതായി സ്ഥിരീകരിച്ചു.ലോക്ക്ഡൗണില്‍ സോഷ്യല്‍ മീഡിയയില്‍ ആക്റ്റീവായിരുന്നു സണ്ണി ലിയോണിയും ഡാനിയലും. നിരവധി വിഡിയോയും ചിത്രങ്ങളുമാണ് ഇരുവരും പോസ്റ്റ് ചെയ്തിരുന്നത്. കഴിഞ്ഞ ദിവസം മുംബയിലെ വീട്ടില്‍ നിന്നുള്ള വര്‍ക്കൗട്ട് വിഡിയോയും നടി പങ്കുവെച്ചിരുന്നു. രാജ്യത്തെ ഏറ്റവും വലിയ ഹോട്ട്സ്പോട്ടായി മുംബയ് മാറുന്ന സാഹചര്യത്തിലാണ് താരം നാടുവിട്ടത്.എന്നാൽ നടി എപ്പോഴാണ് ഇന്ത്യവിട്ടത് എന്ന് വ്യക്തമല്ല.

മൂന്ന് കുട്ടികളാണ് സണ്ണി ലിയോണ്‍-ഡാനിയല്‍ വെബ്ബര്‍ ദമ്പതിമാര്‍ക്കുള്ളത്. നിഷയാണ് മൂത്തത്. മഹാരാഷ്ട്രയിലെ ലാത്തൂരിലെ ഒരു അനാഥാലയത്തില്‍ നിന്ന് ഇരുപത്തിയൊന്ന് മാസം പ്രായമുള്ളപ്പോഴാണ് നിഷയെ സണ്ണി ലിയോൺ ദത്തെടുത്തത്.പിന്നാലെ സരോഗസിയിലൂടെ നോഹ്, അഷര്‍ എന്നി ഇരട്ടക്കുട്ടികളുടേയും അമ്മയും അച്ഛനുമായി ഇരുവരും. നിഷയ്ക്ക് നാല് വയസ്സാണ് പ്രായം. ഇരട്ടക്കുട്ടികളായ നോഹയ്ക്കും ആഷറിനും രണ്ട് വയസ്സ് തികഞ്ഞു.