എം. ടി വാസുദേവന് നായരുടെ രണ്ടാമൂഴത്തില് അഭിനയിക്കാന് തനിക്ക് അതിയായ ആഗ്രഹമുണ്ടെന്ന് മോഹന്ലാല്... രണ്ടാമൂഴം എന്റെ നിയോഗമാണെങ്കില് അതിന് തനിക്ക് സാധിക്കുമെന്ന് തന്നെയാണ് പ്രതീക്ഷ
എം. ടി വാസുദേവന് നായരുടെ രണ്ടാമൂഴത്തില് അഭിനയിക്കാന് തനിക്ക് അതിയായ ആഗ്രഹമുണ്ടെന്ന് മോഹന്ലാല്.പിറന്നാള് ദിനത്തില് ഒരു ചാനലിന്റെ ലൈവില് പങ്കെടുത്തു കൊണ്ടാണ് അദ്ദേഹം ഇക്കാര്യം വ്യക്തമാക്കിയത്.രണ്ടാമൂഴം തന്റെ സ്വകാര്യ താത്പര്യമാണെന്ന് മോഹന്ലാല് പറഞ്ഞു. എന്നാല് തീര്ത്തും അപ്രതീക്ഷിതമായാണ് ചിത്രം കേസില് കുരുങ്ങിയതെന്നും മോഹന്ലാല് പറഞ്ഞു. രണ്ടാമൂഴവും ഭീമനും കേസില് കുരുങ്ങുമെന്ന് ഒരിക്കലും പ്രതീക്ഷിച്ചില്ല. ഭീമനെ അവതരിപ്പിക്കാന് കഴിയില്ലെന്ന് ഒരിക്കലും പ്രതീക്ഷിച്ചില്ല. ഒരിക്കലും ഇത്തരമൊരു നിയോഗം ഉണ്ടാകുമെന്ന് കരുതിയില്ല.
രണ്ടാമൂഴം എന്റെ നിയോഗമാണെങ്കില് അതിന് തനിക്ക് സാധിക്കുമെന്ന് തന്നെയാണ് പ്രതീക്ഷയെന്ന് മോഹന്ലാല് പറഞ്ഞു. രണ്ടാമൂഴം സിനിമയായാല് അത് സംവിധാനം ചെയ്യുന്നത് ശ്രീകുമാര് മേനോന് ആകുമെന്ന് പറയാന് കഴിയില്ല.
കാരണം രണ്ടാമൂഴം സിനിമയുമായി ബന്ധപ്പെട്ട് എം. ടി. വാസുദേവന് നായര്ക്കെതിരെ ശ്രീകുമാര് മേനോന് ഹൈകോടതിയില് കേസ് ഫയല് ചെയ്തതില് മോഹന്ലാല് ക്ഷുഭിതനായിരുന്നു . ശ്രീകുമാര് മേനോന് തന്റെ അറിവോ സമ്മതമോ ഇല്ലാതെയാണ് ഹൈക്കോടതിയില് കേസിന് പോയതെന്ന് ദൂതന് മുഖേന മോഹന്ലാല് എം ടി യെ അറിയിച്ചിരുന്നു.
ഒടിയന് സാമ്പത്തിക പരാജയമായപ്പോള് പോലും ശ്രീകുമാറുമായുള്ള ബന്ധം ഉപേക്ഷിക്കാന് മോഹന്ലാല് തയ്യാറായിരുന്നില്ല. ഒടിയന് പോലൊരു ചിത്രം വേണ്ടായിരുന്നു എന്നാണ് മോഹന്ലാലിന് ലഭിച്ച ഉപദേശം. ഇത്തരം സിനിമകള്ക്ക് വേണ്ടി സമയം കളയരുതെന്നും മോഹന്ലാലിന് ഉപദേശം ലഭിച്ചു. ലാലുമായി അടുപ്പം പുലര്ത്തുന്ന പത്രപ്രവര്ത്തകരും ഇതേ അഭിപ്രായമാണ് ലാലിനെ അറിയിച്ചത്. എന്നിട്ടും തന്റെ സ്വത സിദ്ധമായ ശൈലിയില് മോഹന്ലാല് ഒടിയനെ തള്ളി പറഞ്ഞില്ല.
രണ്ടാമൂഴത്തിന്റെ കേസിനു ശേഷം രണ്ട് തവണ മോഹന്ലാല് എം ടിയുമായി സംസാരിച്ചു. താന് രണ്ടാമൂഴവുമായി സഹകരിക്കില്ലെന്നും സിനിമയുമായി ബന്ധപ്പെട്ട വിവാദത്തില് തന്നെ ഭാഗഭാകാക്കരുതെന്നും എം.ടി യോട് മോഹന്ലാല് പറഞ്ഞു. എന്നാല് എം.ടിക്ക് ലാലിനോടും അതൃപ്തി ഉണ്ട്. കാരണം ലാലിന്റെ പേരിലാണ് ശ്രീകുമാര് എം.ടിയെ കണ്ടതും പരിചയപ്പെട്ടതും. പിന്നീട് എം. ടിക്ക് വിരോധം മാറി.
എം. ടി.യെ ലാല് കാണുന്നത് ഗുരുതുല്യനായാണ്. അദ്ദേഹത്തെ പോലൊരു മനുഷ്യനെതിരെ കേസ് കൊടുക്കുന്നതിനെ കുറിച്ച് ആലോചിക്കാന് പോലും ലാലിനാകില്ല. പണ്ട് സുകുമാര് അഴിക്കോടുമായി ലാല് ഇത്തരത്തില് കൊമ്പു കോര്ത്തിട്ടുണ്ട്. സംഭവം ദൗര്ഭാഗ്യകരമാണെന്ന് ഇപ്പോഴും ലാല് ആവര്ത്തിക്കുന്നു. ഇനി ഇത്തരത്തില് ഒരു പോറല് ആരുടെ മനസിലും ഉണ്ടാകരുതെന്ന വാശിയും ലാലിനുണ്ട്. അതു കൊണ്ട് തന്നെയാണ് എം. ടി ക്കെതിരായ നീക്കത്തില് മോഹന്ലാല് ക്ഷോഭിച്ചത്. എന്നാല് മോഹന്ലാലിന്റെ വാക്കുകളെ ഗൗരവത്തിലെടുക്കാന് ശ്രീകുമാര് മേനോന് തയ്യാറായില്ല.
കരാര്ക്കാലാവധി കഴിഞ്ഞതിനെ തുടര്ന്നാണ് എം. ടി. കോടതിയെ സമീപിച്ചത്. കേസില് മധ്യസ്ഥന് വേണമെന്നാണ് ശ്രീകുമാറിന്റെ ആവശ്യം. മോഹന്ലാലിനെ ഇടപെടുത്തി പ്രശ്നം പരിഹരിക്കാനാണ് ശ്രീകുമാറിന്റെ ശ്രമിച്ചത്. എന്നാല് മോഹന്ലാല് വിസമ്മതിച്ചതോടെ മറൊരു മധ്യസ്ഥന് വേണ്ടി ശ്രീകുമാര് ശ്രമം തുടങ്ങി. ശ്രീകുമാറിന്റെ വാദം രാജ്യത്തെ ഒരു കോടതിയും അംഗീകരിക്കുകയില്ല . കാരണം കരാര് കാലാവധി കഴിഞ്ഞ ശേഷമാണ് എംടി കോടതിയെ സമീപിച്ചത്. മുന്സിഫ് കോടതി ശ്രീകുമാറിന്റെ ഹര്ജി തള്ളിയതാണ്. കോടതിയുടെ തീരുമാനമായിരിക്കും നിലനില്ക്കുക.
ജനുവരിയില് മഹാഭാരതം എന്ന പേരില് ഒരു ചിത്രം തുടങ്ങുമെന്ന് ശ്രീകുമാര് പ്രഖ്യാപിച്ചിരുന്നു. എന്നാല് അത് നടന്നില്ല.
"
https://www.facebook.com/Malayalivartha
