മോവോയിസ്റ്റ് ബന്ധം ആരോപിച്ച് അറസ്റ് ചെയ്ത അലനെയും താഹയെയും സംരക്ഷിക്കാതിരുന്ന സംസ്ഥാന സർക്കാരിനെതിരെ സ്വർണക്കടത്ത് കേസിന്റെ പശ്ചാത്തലത്തിൽ പ്രതികരണവുമായി നടൻ ജോയ് മാത്യു രംഗത്തെത്തിയിരിക്കുകയാണ്. തന്റെ ഫേസ്ബുക്ക് പോസ്റ്റിലൂടെയാണ് ജോയ് മാത്യു പ്രതികരിച്ചത്.

യാതൊരു മനസാക്ഷിക്കുത്തുമില്ലാതെ വിദ്യാർത്ഥികളും സ്വന്തം അനുയായികളുമായ രണ്ടു യുവാക്കളെ എൻഐഎക്ക് ഒറ്റുകൊടുത്തതിന്റെ തിരിച്ചടി നോക്കുക. അതേ എൻഐഎയുടെ മുന്നിൽ മുട്ടുകാലിടിച്ചു നിൽക്കേണ്ടി വരുന്ന ഒരു ദുരധികാര മൂർത്തിയുടെ ഇന്നത്തെ അവസ്ഥ. അമ്മമാരുടെ ശാപം പാഴായി പോവില്ല എന്ന് പറയുന്നതെത്ര ശരി. ആളുകൾ ദൈവവിശ്വാസികളായിപ്പോകുന്നതിൽ എങ്ങനെ തെറ്റുപറയാനാകും എന്നാണ് ജോയ് മാത്യുവിന്റെ പ്രതികരണം.

ഫേസ്ബുക്ക് പോസ്റ്റ്...

"ഒരമ്മയുടെ കണ്ണുനീരിനു

കടലുകളിൽ

ഒരു രണ്ടാം പ്രളയം

ആരംഭിക്കാൻ കഴിയും

മകനേ

കരുണയുള്ള മകനേ

ഏത് കുരുടൻ ദൈവത്തിനു വേണ്ടിയാണ്

നീ ബലിയായത് ?"

പ്രിയ കവി സച്ചിദാനന്ദൻ എഴുതിയ വരികളാണിത് .എത്ര അര്ഥവത്താണീ

വരികൾ എന്ന് ഇതാ കാലം തെളിയിക്കുന്നു .യാതൊരു മനഃസാക്ഷിക്കുത്തുമില്ലാതെ

വിദ്യാർത്ഥികളും സ്വന്തം അനുയായികളുമായ രണ്ടു യുവാക്കളെ എൻഐഎയ്ക്ക് ഒറ്റുകൊടുത്തതിന്റെ തിരിച്ചടി നോക്കുക !

അതേ എൻഐഎയുടെ മുന്നിൽ മുട്ടുകാലിടിച്ചു നിൽക്കേണ്ടി വരുന്ന ഒരു ദുരധികാര മൂർത്തി യുടെ ഇന്നത്തെ അവസ്ഥ !

അമ്മമാരുടെ ശാപം പാഴായി പോവില്ല എന്ന് പറയുന്നതെത്ര ശരി !

ആളുകൾ ദൈവവിശ്വാസികളായിപ്പോകുന്നതിൽ

എങ്ങിനെ തെറ്റുപറയാനാകും ?

അറിയിപ്പ് :

കമന്റുകൾ എൻഐഎ നിരീക്ഷിക്കുന്നുണ്ട് ,രാജ്യദ്രോഹത്തിനാണ് അകത്താവുക