തലയ്‌ക്കേറ്റ പരുക്കുകള്‍ കൂടാതെ ദിഷയുടെ ശരീരത്തില്‍ ചില അസ്വാഭാവിക പരുക്കുകള്‍ കൂടി കണ്ടെത്തി... സുശാന്തിന്റെ മരത്തിലും ദിഷയുടെ മരണത്തിലും മുംബൈ പോലീസിനെതിരേ ശക്തമായ ആരോപണങ്ങള്‍
ബോളിവുഡ് താരം സുശാന്ത് സിങ് രാജ്പുത്തിന്റെ മരണത്തിന് ശേഷം അദ്ദേഹത്തിന്റെ മുന്‍ മാനേജര്‍ ദിഷ സാലിയന്റെ മരണം വീണ്ടും ചര്‍ച്ചയാവുകയാണ്.
സുശാന്തിന്റെ മരത്തിലും ദിഷയുടെ മരണത്തിലും മുംബൈ പോലീസ് കാണിക്കുന്ന മേനാഭാവമാണ് പോലീസിന്റെ നേരെ ആരോപണങ്ങള്‍ ഉയരാന്‍ കാരണമാകുന്നത്. ജൂണ്‍ 8 നാണ് മുംബൈ മലാഡിലെ കെട്ടിട സമുച്ചയത്തില്‍നിന്നു വീണു മരിച്ച നിലയില്‍ ദിഷയെ കണ്ടെത്തിയത്.
ബിഹാര്‍ പോലീസിനോട് തുടക്കം മുതല്‍ മുംബൈ പോലീസ് സഹകരിച്ചിരുന്നുമില്ല. ദിഷയുടെ പോസ്റ്റ്‌മോര്‍ട്ടം ജൂണ്‍ 11 ന് ആണ് നടന്നത്. അതു വൈകിപ്പിച്ചത് ബോധപൂര്‍വമാണെന്നും പരാതിയുയര്‍ന്നിരുന്നു. റിയ ചക്രവര്‍ത്തിയുടെ മാനേജരായും ദിഷ പ്രവര്‍ത്തിച്ചിട്ടുണ്ട്. തലയ്‌ക്കേറ്റ പരുക്കുകള്‍ കൂടാതെ ദിഷയുടെ ശരീരത്തില്‍ ചില അസ്വാഭാവിക പരുക്കുകള്‍ കൂടി കണ്ടെത്തിയതായി കഴിഞ്ഞ ദിവസം പുറത്തു വന്ന പോസ്റ്റുമോര്‍ട്ടം റിപ്പോര്‍ട്ടില്‍ പറയുന്നു. തെളിവെടുപ്പിന് ഫൊറന്‍സിക് സംഘമെത്താതിരുന്നതും സംശയകരമായിരുന്നു. മൃതദേഹത്തിലുണ്ടായിരുന്ന വസ്ത്രങ്ങള്‍ പരിശോധനയ്ക്ക് അയയ്ക്കാനോ തുടര്‍പരിശോധനയ്ക്കായി സൂക്ഷിക്കാനോ മുംബൈ പോലീസ് തയാറായതുമില്ല.
അതേ സമയം, ദിഷയുടെ മരണവുമായി ബന്ധപ്പെട്ട അന്വേഷണത്തില്‍ അസ്വാഭാവികത ഒന്നുമില്ലെന്നും മുംബൈ പോലീസിന്റെ അന്വേഷണത്തില്‍ തൃപ്തിയുണ്ടെന്നുമാണ് ദിഷയുടെ കുടുംബം പറയുന്നത്.
https://www.facebook.com/Malayalivartha
