എന്തിനാണ് അവര്‍ എന്നോട് ഇത് കഴിക്കാന്‍ ഉപദേശിച്ചത്. ലക്ഷമിതരുവും മുള്ളന്‍ചക്കയും കാന്‍സറിനെ സുഖപ്പെടുത്തുമെന്ന അവരുടെ തെറ്റായ അറിവുകളായിരിക്കാം അവര്‍ എന്നില്‍ പരീക്ഷിക്കാന്‍ തീരുമാനിച്ചത്. എന്റെ അസുഖത്തിന്റെ തീവ്രതയും വേദനയും കൊണ്ട് അസുഖം വേഗം കുറയണമെന്നുള്ള ആഗ്രഹത്താല്‍ ഞാനത് കഴിക്കുകയായിരുന്നു. അല്ല ആരും അത് കഴിച്ചുപോകും. രോഗത്തിന്റെ കാഠിന്യത്താല്‍ ഞാന്‍ ആരും പറയുന്നതും കേട്ടു. എന്നാല്‍ ഇതൊക്കെ എന്റെ രോഗത്തിന്റെ തീവ്രത വര്‍ധിപ്പിച്ചതേയുള്ളുവെന്ന് ജിഷ്ണു രാഘവന്‍.

അര്‍ബുദം ശമിപ്പിക്കാനുള്ള അത്ഭുത മരുന്നെന്ന നിലയില്‍ ലക്ഷ്മി തരുവും മുള്ളാത്തയും പ്രചരിപ്പിക്കുന്നവര്‍ക്കെതിരെയാണ് ജിഷ്ണു ഫേസ്ബുക്കിലൂടെ പ്രതികരിച്ചത്. ലക്ഷ്മി തരുവും മുള്ളാത്തയും അര്‍ബുദശമനത്തിന് ഉപയോഗിക്കണമെന്ന് നിരവധി ബന്ധുമിത്രാദികള്‍ തന്നോട് ഉപദേശിച്ചിരുന്നതായി ജിഷ്ണു പറയുന്നു. എന്നാല്‍ ഇതു ഫലം കണ്ടില്ലെന്നും തന്റെ അവസ്ഥ കൂടുതല്‍ അപകടത്തിലാക്കാന്‍ മാത്രമാണ് ഇത് കാരണമായതെന്നും ജിഷ്ണു വ്യക്തമാക്കുന്നു.
\'സോഷ്യല്‍ മീഡിയയിലൂടെയും ലക്ഷ്മി തരുവും മുള്ളാത്തയും അര്‍ബുദ മരുന്നുകളെന്ന നിലയില്‍ വലിയ തോതില്‍ പ്രചരിച്ചിരുന്നു. അതുകൊണ്ടുകൂടിയാണ് ഈ കുറിപ്പെഴുതുന്നത്. ഇതടക്കമുള്ള നിരവധി ബദല്‍ മരുന്നുകള്‍ സ്വയം പരീക്ഷിച്ചയാളാണ് ഞാന്‍. എന്നാല്‍ എന്റെ അര്‍ബുദബാധയെ തെല്ലും ശമിപ്പിക്കാന്‍ ഇവയ്‌ക്കൊന്നും കഴിഞ്ഞിട്ടില്ല. മാത്രമല്ല ഇത്തരം മരുന്നുകള്‍ വളരെ അപകടകരമായ അവസ്ഥയിലേക്ക് എന്നെ എത്തിക്കുകയും ചെയ്തു\' ജിഷ്ണു ഫേസ്ബുക്കില്‍ കുറിച്ചു.
\'അനുഭവത്തിന്റെ വെളിച്ചത്തില്‍ ഇത്തരം മരുന്നുകളെ ഞാന്‍ ഒരിക്കലും ആര്‍ക്കും ശുപാര്‍ശ ചെയ്യില്ല. പ്രാഥമിക ചികിത്സക്കുശേഷം ഇത്തരം മരുന്നുകളുപയോഗിച്ചാല്‍ ദോഷമില്ല. ഉപകാരമില്ല എന്നതുപോലെ ഉപദ്രവമില്ലെന്നതാണ് അതിന്റെ കാരണം. ഇത്തരം ബദല്‍ മരുന്നുകളുടെ അര്‍ബുദം ശമിപ്പിക്കാനുള്ള ശേഷിയെക്കുറിച്ച് ആഴത്തിലുള്ള പഠനങ്ങള്‍ക്കുശേഷമേ ഇവ പ്രചരിപ്പിക്കാവൂ. ദയവുചെയ്ത് ഇത്തരം മരുന്നുകള്‍ കീമോതെറാപ്പി പോലുള്ള ആധുനിക ചികിത്സാ മാര്‍ഗ്ഗങ്ങള്‍ക്ക് ബദലായി ആര്‍ക്കും ഉപദേശിക്കരുത്. അത് വളരെ അപകടകരമാണ്. സോഷ്യല്‍മീഡിയ വഴിയുള്ള ഇത്തരം പ്രചരണങ്ങളെ വിശ്വസിക്കുകയുമരുത്. ജിഷ്ണു പറയുന്നു. മാസങ്ങള്‍ക്ക് മുമ്പ് മരിച്ചുവെന്ന് സോഷ്യല്‍മീഡിയ പ്രചരിപ്പിച്ച ഒരാളാണ് ഇതെഴുതുന്നതെന്നും ജിഷ്ണു തന്റെ കുറിപ്പില്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha