മലയാളിയാണെങ്കിലും തന്റെ പെറ്റമ്മ തമിഴ്‌സിനിമയാണെന്ന് നടി അമലാപോള്‍. ഒരു സാധാരണ അമലയെന്ന മലയാളികുട്ടിയിലെ അമലാപോള്‍ എന്ന നടിക്ക് ജന്മം നല്‍കിയത് തമിഴ്‌സിനിമയാണെന്നും അതുകൊണ്ട് തന്നെ തമിഴ്‌സിനിമയോട് തനിക്ക് ഒരു വൈകാരികതയുണ്ടെന്നും മലയാളത്തിലെ ഒരു പ്രമുഖ ന്യൂസ് ചാനലിന് നല്‍കിയ അഭിമുഖത്തില്‍ അമലാപോള്‍ വ്യക്തമാക്കി.
മലയാളികള്‍ കൂടുതല്‍ ഇന്റലിജന്റാണ് പ്രൂവ് ചെയ്ത് കാണിച്ചാല്‍ മാത്രമായിരിക്കും അവര്‍ അംഗീകരിക്കുക. അതേസയം മലയാളികളുടെ അംഗീകാരം ലഭിക്കുക എന്നത് വലിയ കാര്യമാണ്. മൈനയിലൂടെ സിനിമയില്‍ എത്തിയതാണ് ഇപ്പോഴത്തെ നേട്ടങ്ങള്‍ക്ക് കാരണം. മലയാളിയായിട്ടാണ് തുടങ്ങിയിരുന്നതെങ്കില്‍ ഇത്രയും താരപരിവേഷം കിട്ടുമായിരുന്നില്ലെന്നും അമലാപോള്‍ പറഞ്ഞു.
മൈനയില്‍ അഭിനയിച്ചില്ലായിരുന്നെങ്കില്‍ ഒരുപക്ഷേ അമലാപോള്‍ എന്ന നടി ഉണ്ടാകുമായിരുന്നില്ല. സിനിമയില്‍ താന്‍ ഏറ്റവും കൂടുതല്‍ ബഹുമാനിക്കുന്നത് സംവിധായകനെയാണ്. സിനിമയുടെ വിജയവും പരാജയവുമെല്ലാം ബാധിക്കുന്നതും അവരെയാണ്. നടനും നടിയും സിനിമ കഴിഞ്ഞാല്‍ അടുത്തതിലേക്ക് പോകും. എന്നാല്‍ സംവിധായകന്‍ അങ്ങിനെയല്ല. സിനിമയുടെ ബീജാവാപം മുതല്‍ കഷ്ടപ്പെടുന്നത് സംവിധായകനാണ്.
ഒരേ സിനിമയില്‍ രണ്ടു നായികമാര്‍ വന്നാല്‍ അസൂയ തോന്നാറില്ല. തെന്നിന്ത്യയിലെ മറ്റ് സൂപ്പര്‍ നടിമാരായ കാജല്‍ അഗര്‍വാളും അനുഷ്‌ക്കയുമായുമെല്ലാം തനിക്ക് നല്ല സൗഹൃദമാണുള്ളതെന്നും ആദ്യമായി കണ്ടപ്പോള്‍ കാജല്‍ അഗര്‍വാളിനെ നേരിട്ട് ചെന്ന് പരിചയപ്പെട്ട് അത്ഭുതപ്പെടുത്തിയെന്നും അമലാപോള്‍ പറഞ്ഞു.
മലയാളത്തെ തള്ളിപ്പറഞ്ഞ അമലയ്‌ക്കെതിരെ സോഷ്യല്‍ മീഡിയ ആഞ്ഞടിക്കുകയാണ്. എത്ര വിലപ്പെട്ടതാണ് തമിഴെങ്കിലും സ്വന്തം നാട് മറക്കരുതായിരുന്നു. പെറ്റമ്മയും പിറന്നമണ്ണും അമൃതം പോലെ കാണുന്നവരാണല്ലോ മലയാളികള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha