ഇങ്ങനെ പോയാല് ജയറാം വീട്ടിലിരിക്കും
ഇങ്ങനെ പോയാല് ഇരുന്നൂറ് ചിത്രങ്ങളഭിനയിച്ച ജയറാം വീട്ടിലിരിക്കും. ഇരുന്നൂറാമത്തെ ചിത്രമായ സര്.സി.പി വലിയ പരാജയമാണ് ഉണ്ടാക്കിയത്. ഷാജൂണ് കാര്യാല് സംവിധാനം ചെയ്ത സര് സിപിയായിരുന്നു ഇരുന്നൂറാം ചിത്രം. ഹണി റോസും ജയറാമുമായിരുന്നു പ്രധാന ജോടി. കൂടെ സീമ, രോഹിണി, ഭഗത് എന്നിവരും. എസ്. സുരേഷ്ബാബുവായിരുന്നു കഥയും തിരക്കഥയും എഴുതിയത്. കണ്ട് മടുത്ത കഥാപാത്രങ്ങളും മുഹൂര്ത്തങ്ങളും പ്രേക്ഷകരെ തിയറ്ററില് നിന്നകറ്റി.
ജയറാമിന് സിനിമകള് ഓടണമെന്നില്ല, എങ്ങനെയും കാശ് ഉണ്ടാക്കണം എന്ന് മാത്രമേ ഉള്ളൂ. 10 ലക്ഷം ആര് അഡ്വാന്സ് കൊടുത്താലും അഭിനയിക്കും. തമിഴിലാണെങ്കില് മുന്നിര നായകന്മാരുടെ സപ്പോര്ട്ടിംഗ് ആക്ടറുടെ വേഷമാണ് ചെയ്യുന്നത്. അവിടെയും നല്ല കാശ് കിട്ടും. അല്ലാതെ നടനെന്ന നിലയില് വലിയ പ്രയോജനമില്ല. സാറ്റലൈറ്റ് അവകാശം പോലും ജയറാമിന് തീരെയില്ല. സകലകലാ വല്ലഭനായി ജയറാം അഭിനയിക്കാന് തുടങ്ങിയിട്ട് കാലം കുറേയായി. സത്യന് അന്തിക്കാട് സംവിധാനം ചെയ്ത തൂവല്ക്കൊട്ടാരം മുതല് തുടങ്ങിയതാണ് ഈ കലാപ്രകടനം. ഇത്രയൊക്കെയായിട്ടും മടുക്കാത്തതു ജയറാമിനു മാത്രമാണ്.
ഷാജി കൈലാസിന്റെയും ജോഷിയുടെയും ചിത്രത്തില് ജയറാം അഭിനയിച്ചു. അതെല്ലാം പരാജയപ്പെട്ടു. നാടകക്കാരുടെ ജീവിതം വച്ച് കമല് നടന് ചെയ്തു. അതും വന് പരാജയമായി. പിന്നെ ജയറാമിന്റെ സ്ഥിരം കുറേ സംവിധായകര് പറഞ്ഞുതേഞ്ഞ കഥകള് മാറ്റി മറിച്ചു ചെയ്തുനോക്കി. എന്നിട്ടും വിജയിച്ചില്ല. എസ്. സുരേഷ്ബാബു തിരക്കഥ എഴുതിയ തിരുവമ്പാടി തമ്പാന് മൂന്നു വര്ഷം മുന്പു വന് പരാജയം ഏറ്റുവാങ്ങിയതാണ്. എന്നിട്ടും അതേ പാറ്റേണില് ജയറാമിനായി അദ്ദേഹം തിരക്കഥ രചിച്ചു. ഇനി തിങ്കള് മുതല് വെള്ളിവരെ എന്ന സിനിമയാണു റിലീസ് ചെയ്യാനുള്ളത്. റിമി ടോമിയാണു നായിക. അതെങ്കിലും വിജയിച്ചില്ലെങ്കില് വീട്ടിലിരിക്കാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
