അമല് നീരദുമായിട്ടുള്ളത് പ്രണയ വിവാഹമായിരുന്നുവെന്ന് നടി ജ്യോതിര്മയി
അമല് നീരദുമായിട്ടുള്ളത് പ്രണയ വിവാഹമായിരുന്നുവെന്ന് നടി ജ്യോതിര്മയി.മലയാളത്തിലെ പ്രമുഖ മാഗസിന് നല്കിയ അഭിമുഖത്തിലാണ് ജോതിര്മയി മനസ് തുറന്നത്.ഇക്കഴിഞ്ഞ ഏപ്രിലിലാണ് സംവിധായകന് അമല് നീരദനെ ജോതിര്മയി വിവാഹം കഴിച്ചത്. അലിന്റെ കൊച്ചിയിലെ വീട്ടിലായിരുന്നു വിവാഹം. എറണാകുളം മഹാരാജാസ് കോളേജില് പഠിച്ചവരാണ് അമലും ജ്യോതിര്മയിയും.
\'മഹാരാജാസില് പഠിക്കുന്ന സമയത്ത് ഞങ്ങള്ക്കെല്ലാവര്ക്കും അമലിനെക്കുറിച്ച് ഒരു ചേട്ടന്, ഒരു ബിഗ് മാന് എന്ന ആദരവായിരുന്നു. എപ്പോഴും കലാപരിപാടികളും മറ്റുമായി ഒരു ആഘോഷമായിരുന്നു മഹാരാജാസ് കാലം. പെയിന്റിങ് മത്സരങ്ങളില് പങ്കെടുക്കാറുണ്ടായിരുന്നു അന്ന് ഞാന്. ആ രീതിയില് അമലിന് അറിയാമായിരുന്നു എന്നെ.
പിന്നീട് ഞങ്ങള് കണ്ടുമുട്ടുന്നത് അമല് കൊല്ക്കത്തയില് സത്യജിത്ത്റായ് ഇന്സ്റ്റിറ്റിയൂട്ടില് പഠിച്ച് ബര്ലിനിലെ സ്ക്കോളര്ഷിപ്പും കഴിഞ്ഞു വന്ന സമയത്താണ്. അമല് അന്നൊരു പരസ്യം ചെയ്തിരുന്നു. ആ പരസ്യത്തിനു വേണ്ടിയൊരു ഫോട്ടോ ഷൂട്ടുണ്ടായിരുന്നു. കുറച്ചുകൂടി ഫ്രണ്ട്ഷിപ്പായി അതോടെ. ഇടയ്ക്ക് പല കാര്യങ്ങളും സംസാരിക്കും. ചര്ച്ച ചെയ്യും. പഴയ മഹാരാജാസുകാര് എന്ന അടുപ്പം ഉള്ളിലുണ്ടായിരുവെന്ന് തോന്നുന്നു.\'
പിന്നീട് തന്റെ ജീവിതത്തില് ഒരു ദുരന്തം വന്ന സമയത്താണ് അമലുമായി അടുത്തതെന്ന് ജ്യോതിര്മയി ഓര്ക്കുന്നു. \'വിവാഹമോചനത്തിനുശേഷം മനസ്സ് വല്ലാതെ തകര്ന്നു. ഡിവോഴ്സി ഒരു സ്ത്രീയാകുമ്പോള് പല രീതിയിലാവും പ്രതികരിക്കുക. ഒട്ടും ജഡ്ജ് ചെയ്യാതെ അസുഖകരമായി തോന്നാത്തവിധം എന്നോടു പെരുമാറിയ ചില സുഹൃത്തുകളില് പ്രധാനപ്പെട്ടയാളായിരുന്നു അമല്\'.മോര് ദാന് എ ഫ്രണ്ട് എന്നു തോന്നിത്തുടങ്ങിയത് കഴിഞ്ഞ മൂന്നുനാലു വര്ഷത്തിനുള്ളിലാണ്.
\'പതുക്കെ വളര്ന്നു വന്ന് ഗാഢമായി തീര്ന്ന സൗഹൃദം. പിന്നെ ഒരു സുഹൃത്തിനെക്കാളുപരിയായി തോന്നി. സൗഹൃദം, ആദരവ് എല്ലാം ചേര്ന്ന വികാരം. ഓരോ ദിവസവും ഞങ്ങള്ക്ക് തോന്നി മാനസികമായി കൂടുതല് അടുത്തുകൊണ്ടിരിക്കുകയാണെന്ന്. അവസാനം ഞങ്ങള് രണ്ടുപേരും ചിന്തിച്ചു. വൈ ഡോണ്ട് വീസ്റ്റാര്ട്ട് എ ന്യൂ ലൈഫ് ടുഗദര്? പരസ്പരം വളരെ കംഫര്ട്ടബിളായനുഭവപ്പെട്ടു. അമല് വളരെയധികം സോഷ്യലൈസ് ചെയ്യുന്ന കൂട്ടത്തിലല്ല. കുറച്ചൊരു റിസര്വ്ഡ് ആണ്. എനിക്ക് അമലുമായി ഐഡന്റിഫൈ ചെയ്യാന് പറ്റിയിട്ടുണ്ട്. പല കാര്യങ്ങളിലും ഞാനായിത്തന്നെ തോന്നിയിട്ടുണ്ട്. ഞങ്ങളുടെ ഇഷ്ടങ്ങള് തമ്മിലുമുണ്ട് ഏറെ സമാനതകള്\'.
കല്യാണത്തിന്റെ തീരുമാനം വീട്ടില് പറഞ്ഞപ്പോള് അമ്മയ്ക്ക് അത് ഏറെ ആശ്വാസമായി എന്ന് ജ്യോതിര്മയി പറയുന്നു. \'എന്റെ കാര്യത്തില് വളരെ വിഷമിച്ചു കഴിയുകയായിരുന്നു അമ്മ. അച്ഛനില്ല. എനിക്കൊരു പുതിയ ജീവിതം വേണമെന്ന് പലരും പറയുമായിരുന്നു. എനിക്കുവേണ്ടി പ്രൊപ്പോസല് കൊണ്ടു വരണോ, ഞാനെങ്ങനെ പ്രതികരിക്കും എന്നോര്ത്ത് അമ്മയ്ക്ക് വിഷമമായിരുന്നു. ഇതറിഞ്ഞപ്പോള് അമ്മ പറഞ്ഞു. എനിക്ക് ആശ്വാസമായി എന്ന്. അമലിന്റെ അച്ഛനമ്മമാര്ക്കും അതുപോലെ തന്നെയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha