മലയാള സിനിമാതാരത്തിന്റെ നഗ്നദൃശ്യം പ്രചരിപ്പിക്കുന്നതായി പരാതി
തിരുവനന്തപുരം സ്വദേശിനിയും സംസ്ഥാന സിനിമാ അവാര്ഡ് ജേതാവായ മലയാളി നടിയുടെ അശ്ലീല ദൃശ്യങ്ങള് ഭര്ത്താവ് പ്രചരിപ്പിക്കുന്നതായി പരാതി. ദാമ്പത്യത്തിലെ പ്രശ്നം തീര്ക്കാന് ഭര്ത്താവ് തന്റെ അശ്ലീലദൃശ്യം പ്രചരിപ്പിക്കുന്നു എന്നാണ് നടിയുടെ പരാതി. ഭര്ത്താവിനെതിരെ നടി പോലീസില് പരാതി നല്കിയിട്ടുണ്ട്. പരാതിയില് അന്വേഷണം പുരോഗമിക്കുകയാണ്. രണ്ട് മാസം മുമ്പ് നല്കിയ പരാതിയുടെ വിവരങ്ങള് അടുത്ത ദിവസങ്ങളിലാണ് പുറത്തുവന്നത്. നടിയുടെ പിതാവാണ് അവര്ക്ക് വേണ്ടി പരാതി നല്കിയത്. പ്രശസ്ത സംവിധായകന് കൂടിയാണ് നടിയുടെ ഭര്ത്താവ്. മരുമകന് മകളുടെ നഗ്നചിത്രങ്ങള് വാട്സ് ആപ്പിലൂടെയും ഫേസ്ബുക്കിലൂടെയും പ്രചരിപ്പിക്കുന്നുവെന്നാണ് പരാതി.
മലയാളത്തിലും തമിഴിലുമായി നിരവധി ശ്രദ്ധേയ വേഷങ്ങള് ചെയ്ത നടിയാണ് സോഷ്യല് മീഡിയ വഴി അപമാനിക്കപ്പെടുത്. തിരുവനന്തപുരം സ്വദേശിനിയായ നടി 2012ലാണ് വിവാഹിതരായത്. തമിഴിലെ സഹസംവിധായകനായ വ്യക്തിയുമായി പ്രണയവിവാഹമായിരുന്നു. ആറ്റുകാല് ക്ഷേത്രത്തില് വച്ചായിരുന്നു വിവാഹം. വിവാഹ ശേഷം ഭര്ത്താവിനൊപ്പം ചെന്നൈയിലായിരുന്നു ഇവരുടെ താമസം. എന്നാല് ദാമ്പത്യും തുടങ്ങി ചുരുങ്ങിയ നാളുകള് കൊണ്ട് തന്നെ ഇവര്ക്കിടയില് അസ്വാരസ്യങ്ങള് ഉടലെടുത്തു. തുടര്ന്ന് ഒരു വര്ഷം ഒരുമിച്ച് ശേഷം ഇവരുടെ ജീവിതത്തില് വിള്ളലുകള് വീഴുകയായിരുന്നു.
രണ്ട് പേരും ഏതാനും മാസങ്ങളായി പിരിഞ്ഞാണ് താമസിക്കുന്നത്. നടി തിരുവനന്തപുരത്തെ വീട്ടിലും ഭര്ത്താവ് ചെന്നൈയിലുമാണ് താമസം. ഇതിനിടെയാണ് നടിയുടെതെന്ന പേരില് നഗ്നദ്യശ്യങ്ങ പ്രചരിപ്പിക്കപ്പെട്ടത്. തുടര്ന്നാണ് സ്ത്രീ പീഡനം ഉള്പെടെയുള്ള കുറ്റങ്ങള് ചുമത്തി പരാതി നല്കിയത്. പൊലീസ് അന്വേഷണം നടത്തി വരുകയായിരുന്നു.
പരാതിയില് കഴമ്പുണ്ടെന്ന് മനസിലാക്കിയതോടെ എസ് ഐ അടങ്ങുന്ന നാലംഗ പൊലീസ് സംഘം രണ്ട്ദിവസം മുമ്പ് ചെന്നൈയിലേക്ക് പോകുകയായിരുന്നു. സംവിധായകനെതിരെയുള്ള വ്യക്തമായ തെളിവുകള് പൊലീസിന് ലഭിച്ചതായാണ് സൂചന. ഇയാളില് നിന്നും കൂടുതല് തെളിവെടുപ്പ് നടത്താണ് പൊലീസ് ഉദ്ദേശിക്കുന്നത്. ഭര്ത്താവിനെ അറസ്റ്റു ചെയ്തിട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha