മലയാള സിനിമ താരങ്ങളുടെ വിവാഹവും അവരുടെ വിശേഷങ്ങളും അറിയാനും കേൾക്കാനും ഒക്കെ മലയാളികൾക്ക് വളരെയധികം ആകാംക്ഷയാണ്. താരങ്ങൾ പരസ്പരം വിവാഹം കഴിക്കുന്നതും ജീവിതം വിജയകരമായി മുന്നോട്ടു കൊണ്ടു പോകുന്നതും ഒക്കെ നാം കണ്ടിട്ടുണ്ട്. മാത്രമല്ല വിവാഹജീവിതം പാതിവഴിയിൽ ഉപേക്ഷിച്ച് വേർപിരിഞ്ഞ് വീണ്ടും സിനിമകളിലേക്ക് തിരിച്ച് വരുന്ന കാഴ്ച്ചകളും നാം കാണുകയും ചെയ്യുന്നുണ്ട്. അത്തരത്തിൽ ഒരുആളാണ് ആൻ അഗസ്റ്റിൻ.

വിവാഹം കഴിഞ്ഞ ആൻ അഗസ്റ്റിനെ പറ്റി നമ്മൾ ആരും ഒന്നും കേട്ടതും അറിഞ്ഞതുമില്ല. പക്ഷേ പെട്ടെന്നൊരു സുപ്രഭാതത്തിൽ ആൻ വിവാഹ മോചിതയാകുന്നു എന്ന വിവരമാണ് നാം അറിഞ്ഞത്. എന്താണ് ആനിന്റെ ജീവിതത്തിൽ സംഭവിച്ചത്? എന്തുകൊണ്ട് താരം വിവാഹമോചനം നേടി. കൃത്യമായ ഉത്തരങ്ങൾ നൽകിയിട്ടില്ലെങ്കിലും പ്രതികരണങ്ങളിൽ നിന്നും ചില ഊഹാപോഹങ്ങൾ നമുക്ക് കിട്ടുന്നില്ലേ. അതെന്താണെന്ന് നമുക്ക് പരിശോധിക്കാം.

ആദ്യത്തെ കണ്ടുമുട്ടലും പ്രണയവും

ആൻ അഗസ്റ്റിൻ വിവാഹം കഴിച്ചത് പ്രസിദ്ധ ഛായാഗ്രാഹകനായ ജോമാൻ ടി. ജോണിനെയാണ്. ഇരുവരുടെയും പ്രണയ വിവാഹമായിരുന്നു. ഇരുവരും തമ്മിൽ കണ്ടു മുട്ടുമ്പോൾ ആനിന്റെ ഒരു സിനിമ പോലും ജോമോൻ കണ്ടിട്ടില്ലായിരുന്നു. ആദ്യം ആനിനെ കണ്ടപ്പോൾ ജാഡ ഉള്ള വ്യക്തിയാകും എന്നാണ് കരുതിയതെന്ന് ജോമോൻ പറഞ്ഞിരുന്നു. ആദ്യമായി കണ്ടതു മുതൽ മുൻധാരണ ഒക്കെ ആൻ മാറ്റി. ആദ്യ ദിവസം നന്നായി തന്നെ സംസാരിച്ചു.

മൂന്നാം ദിവസം തങ്ങൾക്ക് പറ്റിയ ആൾകാർ ആണ് എന്ന് ഇരുവർക്കും തോന്നി. അങ്ങനെ കണ്ടതിന്റെ മൂന്നാം ദിവസം ഇരുവരും ഒരുമിച്ചു ജീവിക്കുക എന്ന തീരുമാനത്തിലെത്തി. അത് കഴിഞ്ഞ് മൂന്ന് ആഴ്ച കഴിഞ്ഞപ്പോൾ ജോമോൻ ആനിന്റെ അമ്മയെ പോയി കാണുകയുണ്ടായി. മൂന്നാഴ്ച കൊണ്ട് ഒരു പ്രണയവും കല്യാണത്തിലേക്ക് എത്തിക്കാൻ നമ്മുക്ക് സാധിക്കില്ലെന്നും നിങ്ങൾ കുറച്ചുകൂടി കാത്തിരിക്കെന്നും അമ്മ പറഞ്ഞു. അമ്മയുടെ ഉപദേശ പ്രകാരം നല്ല സുഹൃത്തുക്കളായി ഏറെകാലം മുന്നോട്ട് പോയി. അവസാനം ഒന്നിച്ച് ജീവിക്കുക എന്ന തീരുമാനം ദൃഢമാക്കി.

വിവാഹവും വേർപിരിയലും

അങ്ങനെ എല്ലാവരുടെയും ആശീർവാദത്തോടെ ഇരുവരും 2014 ല്‍ വിവാഹിതരായി. വിവാഹത്തിന് ശേഷം രണ്ടു സിനിമ മാത്രമേ ആൻ ചെയ്തുള്ളു. പക്ഷേ വിവാഹം കഴിഞ്ഞ് വർഷങ്ങൾക്ക് ശേഷം ആൻ സിനിമയിലേക്ക് തിരിച്ചെത്തി. തൊട്ടു പിന്നാലെ ആനും ജോമോനും പിരിയുന്നു എന്ന വാർത്ത കൂടെ വന്നു. ഏഴു വർഷത്തെ ദാമ്പത്യ ജീവിതത്തിനു ശേഷം ഇരുവരും പിരിഞ്ഞു . ജോമോൻ ആണ് പിരിയണം എന്ന് പറഞ്ഞ് കോടതിയെ സമീപിച്ചത്.

ഒരുമിച്ച് ജീവിക്കാന്‍ സാധിക്കില്ല എന്ന് രണ്ടുപേർക്കും ബോധ്യപ്പെട്ടപ്പോഴാണ് ഇങ്ങനെയൊരു തീരുമാനത്തിലെത്തിയത്. വിവാഹ മോചനം ആവശ്യപ്പെട്ടു കൊണ്ടുള്ള ഹർജി ജോമോൻ ടി ജോണാണ് കോടതിയിൽ സമർപ്പിച്ചത്. ചേര്‍ത്തല കുടുംബ കോടതിയിലാണ് ജോമോൻ ടി ജോൺ ഹര്‍ജി സമർപ്പിച്ചത്.

ആൻ എന്ന പെൺകുട്ടി

ലാൽ ജോസ് സം‌വിധാനം ചെയ്ത എൽസമ്മ എന്ന ആൺകുട്ടി എന്ന ചിത്രത്തിലൂടെയാണ്‌ ചലച്ചിത്ര രംഗത്തെത്തിയത്. അനാറ്റെ അഗസ്റ്റിൻ എന്നാണു യഥാർത്ഥ പേര്. മലയാളചലച്ചിത്രനടനായ അഗസ്റ്റിന്റെ മകളാണ് ആൻ. 2013 -മികച്ച നടിക്കുള്ള കേരളസംസ്ഥാന ചലച്ചിത്രപുരസ്കാരം നേടിയിട്ടുണ്ട്.