യുവനടിയെ ബലാത്സംഗം ചെയ്ത കേസില്‍ വിജയ് ബാബുവിനെ എറണാകുളം സൗത്ത് പോലീസ് അറസ്റ്റ് രേഖപ്പെടുത്തി തെളിവെടുപ്പ് നടത്തി വിട്ടയച്ചതിന് പിന്നാലെ രണ്ടാം ദിവസം വീണ്ടും ചോദ്യം ചെയ്യലിന് ഹാജരായിരിക്കുകയാണ്. തെളിവെടുപ്പ് ഇന്നും തുടരും. വിജയ് ബാബുവിന് മുൻകൂർ ജാമ്യം ലഭിച്ച സാഹചര്യത്തിൽ ഹൈക്കോടതി നിർദ്ദേശപ്രകാരമാണ് നടപടികൾ. അടുത്ത ആറ് ദിവസം കൂടി വിജയ് ബാബു പൊലീസ് ചോദ്യം ചെയ്യലിന് ഹാജരാകണം. അതേസമയം നിശ്ശബ്ദതയാണ് എന്റെ ഏറ്റവും നല്ല മറുപടി. എന്ത് സംഭവിച്ചാലും പ്രകോപിതനാകില്ല. കോടതി നിര്‍ദ്ദേശമുള്ളതിനാല്‍ മാധ്യമങ്ങളോട് പ്രതികരിക്കില്ലെന്നും വിജയ് ബാബുവിന്റെ പോസ്റ്റിലൂടെ പുറത്ത് വന്നിരുന്നു.