വിജയ് ബാബുവിനെ യോഗത്തിൽ പങ്കെടുപ്പിച്ചത് തെറ്റായ സന്ദേശമാണ് നൽകുക! സംഘടനയില് പുതിയ തലമുറ മാറ്റം കൊണ്ടുവരുമെന്നാണ് പ്രതീക്ഷ; എന്റെ രാജി വ്യക്തിപരമായിരുന്നില്ല.. മറിച്ച് നിലപാടായിരുന്നു... തുറന്നടിച്ച് ഹരീഷ് പേരടി
സംഘടന ഒരു ക്ലബ്ബ് ആണെന്ന് ജനറല് സെക്രട്ടറി ഇടവേള ബാബു പറഞ്ഞത് ശരിയായില്ലെന്ന് ഹരീഷ് പേരടി. അമ്മയില് നിന്ന് രാജിവച്ചത് ശരിയായ തീരുമാനമെന്ന് തെളിഞ്ഞതായാണ് ഹരീഷ് പേരടി പറയുന്നത്. ബലാല്സംഗക്കേസില് പ്രതിയായ നടനും നിര്മ്മാതാവുമായ വിജയ് ബാബുവിനെ പങ്കെടുപ്പിച്ചതടക്കം അമ്മയുടെ വാര്ഷിക ബനറല് ബോഡി യോഗത്തിനു പിന്നാലെ ഉയര്ന്ന ചര്ച്ചകളില് പ്രതികരിക്കുകയായിരുന്നു ഹരീഷ് പേരടി. വിജയ് ബാബുവിനെ യോഗത്തിൽ പങ്കെടുപ്പിച്ചത് തെറ്റായ സന്ദേശമാണ് നൽകുകയെന്ന് പറഞ്ഞ ഹരീഷ് സംഘടനയില് പുതിയ തലമുറ മാറ്റം കൊണ്ടുവരുമെന്ന പ്രതീക്ഷയും പ്രകടിപ്പിച്ചു. എന്റെ രാജി വ്യക്തിപരമായിരുന്നില്ല. മറിച്ച് നിലപാടായിരുന്നു. സംഘടന നിലപാട് മാറ്റിയാൽ രാജി പിൻവലിക്കുന്ന കാര്യം അപ്പോൾ ആലോചിക്കേണ്ട കാര്യമാണ്, ഹരീഷ് പേരടി കൂട്ടിച്ചേര്ത്തു. അമ്മ' ജനറല് ബോഡി യോഗത്തിന്റെ പല തീരുമാനങ്ങളും വാര്ത്താപ്രാധാന്യം നേടിയിരുന്നു. ഷമ്മി തിലകനെതിരെയുള്ള അച്ചടക്ക നടപടിയായിരുന്നു ഇതില് പ്രധാനം. ഷമ്മിയെ സംഘടനയില് നിന്ന് പുറത്താക്കിയെന്നാണ് ആദ്യം പുറത്തെത്തിയിരുന്ന വിവരമെങ്കിലും വൈകിട്ട് നടത്തിയ വാര്ത്താസമ്മേളനത്തില് ഭാരവാഹികള് അത് നിഷേധിച്ചിരുന്നു. സംഘടനയ്ക്കെതിരെ തുടര്ച്ചയായി പൊതു പ്രതികരണം നടത്തിക്കൊണ്ടിരിക്കുന്ന ഷമ്മിയ്ക്കെതിരെ പ്രതിനിധികള്ക്കിടയില് പ്രതിഷേധം ശക്തമാണെന്നും അദ്ദേഹത്തിന്റെ വിശദീകരണം കേട്ട ശേഷം എക്സിക്യൂട്ടീവ് കമ്മിറ്റി നടപടി സ്വീകരിക്കുമെന്നുമാണ് ഭാരവാഹികള് അറിയിച്ചിരിക്കുന്നത്.
https://www.facebook.com/Malayalivartha
