ഉറങ്ങുന്ന രണ്ട് എംഎല്എമാരോട്, ഈ ചെറിയ സംഘടനയിലെ അടിച്ചമര്ത്തപ്പെട്ടവരുടെ അവകാശങ്ങള്ക്കുവേണ്ടി നിലകൊള്ളാന് സാധിച്ചില്ലെങ്കില് സ്വന്തം മണ്ഡലങ്ങളിലെ സാധാരണക്കാര്ക്കുവേണ്ടി എന്താണ് നിങ്ങള് ചെയ്യുക? ഷമ്മി തിലകനെ സംഘടനയിൽ നിന്ന് പുറത്താക്കിയവര് തന്നെ ബലാല്സംഗ കേസില് കുറ്റാരോപിതനായ വിജയ് ബാബുവിനെ തുടരാന് അനുവദിക്കുന്നു... രൂക്ഷ വിമർശനവുമായി രഞ്ജിനി
ഷമ്മി തിലകനെ സംഘടനയിൽ നിന്ന് പുറത്താക്കിയവര് തന്നെയാണ് ബലാല്സംഗ കേസില് കുറ്റാരോപിതനായ വിജയ് ബാബുവിനെ തുടരാന് അനുവദിക്കുന്നത്. നടന് ഷമ്മി തിലകനെ താരസംഘടനയായ 'അമ്മ'യിൽ നിന്ന് പുറത്താക്കിയ നടപടിയെ വിമര്ശിച്ച് നടി രഞ്ജിനി. ഫേസ്ബുക്ക് കുറിപ്പിലൂടെയായിരുന്നു നടിയുടെ പ്രതികരണം.
ഫേസ്ബുക്ക് കുറിപ്പിന്റെ പൂർണരൂപം...
തിലകൻ അങ്കിളിനെയും ഷമ്മി തിലകനെയും പോലെയുള്ള നടന്മാരെ അമ്മയില് നിന്ന് പുറത്താക്കുന്ന നടപടി ദൗര്ഭാഗ്യകരമാണ്. ബലാല്സംഗ കേസില് കുറ്റാരോപിതനായ വിജയ് ബാബുവിനെ സംഘടനയില് തുടരാന് ഇവർ അനുവദിക്കുകയും ചെയ്യുന്നു. ഈ താരസംഘടന ഒരു പരിഹാസപാത്രമായി മാറിയിരിക്കുകയാണ്. ഇത് മാഫിയാവല്ക്കരണമാണ്. ഉറങ്ങുന്ന രണ്ട് എംഎല്എമാരോട്, ഈ ചെറിയ സംഘടനയിലെ അടിച്ചമര്ത്തപ്പെട്ടവരുടെ അവകാശങ്ങള്ക്കുവേണ്ടി നിലകൊള്ളാന് സാധിച്ചില്ലെങ്കില് സ്വന്തം മണ്ഡലങ്ങളിലെ സാധാരണക്കാര്ക്കുവേണ്ടി എന്താണ് നിങ്ങള് ചെയ്യുക?
https://www.facebook.com/Malayalivartha
