ബിഗ് ബോസ് മലയാളം സീസണ്‍ 4 ന്റെ വിജയി കണ്ടെത്താന്‍ ഇനി ബാക്കിയുള്ളത് വെറും രണ്ട് ദിവസങ്ങള്‍ മാത്രമാണ്. ആരായിരിക്കും ഈ സീസണിലെ വിജയി എന്നറിയാനായി ആകാംഷയോടെ കാത്തിരിക്കുകയാണ് താരങ്ങള്‍. അവസാന ഘട്ടത്തിലേക്ക് എത്താനായി ഇപ്പോള്‍ ആറു പേരാണ് ബിഗ് ബോസ് വീട്ടിലുള്ളത്. ബിഗ് ബോസ് ഫിനാലെ അടുത്തെത്തി നില്‍ക്കെ താരങ്ങള്‍ക്ക് മുന്നില്‍ ഒരു സുവര്‍ണാവസരം നല്‍കിയിരുന്നു. ഫിനാലെയിലെത്തുന്നതിന് മുമ്പ് വിന്നറാകാനുള്ള അവസരം നഷ്ടപ്പെടുത്താനും പകരം പത്ത് ലക്ഷം രൂപ വരെ സ്വന്തമാക്കാനുമുള്ള അവസരമാണ് കഴിഞ്ഞ ദിവസം താരങ്ങള്‍ക്ക് നല്‍കിയത്. എന്നാൽ അതാരും തന്നെ അംഗീകരിച്ചില്ല. ഇതിനിടെ മോണിങ് ടാസ്‌കില്‍ ധന്യ പുറത്തേക്ക് പോവണമെന്നുള്ള ആഗ്രഹമാണ് ബ്ലെസ്ലി മുന്നോട്ട് വെച്ചിരിക്കുന്നത്. പുതിയ പുതിയ ബോധത്തിലും മത്സരത്തിലും ഇത്തവണത്തെ ന്യൂ നോര്‍മല്‍ ഉടലെടുക്കണം എന്നതാണ് ഈ സീസണ്‍ കൊണ്ട് ഉദ്ദേശിക്കുന്നത്. അഭിപ്രായങ്ങളും അഭിപ്രായ വ്യത്യാസങ്ങളും ആവശ്യമാണ്. ഇവിടെ നടക്കുന്ന മിഡ് വീക്ക് എവിക്ഷനില്‍ ഞാന്‍ തിരഞ്ഞെടുക്കുന്നത് ധന്യ മേരി വര്‍ഗീസിനെയാണെന്നാണ് ബ്ലെസ്ലി പറയുന്നത്. ഒരു വിഷയം ധന്യ ചേച്ചിയും ലക്ഷ്മി ചേച്ചിയും സംസാരിക്കുകയും അതില്‍ ദില്‍ഷ അടക്കമുള്ളവര്‍ ഇടപെടുകയും ചെയ്തിട്ടുണ്ട്. എല്ലാവരും ഇടപെടുകയും പുറത്ത് സംസാരിക്കുകയും ചെയ്യുന്നുണ്ടെങ്കിലും ധന്യ ചേച്ചി മാത്രം ധൈര്യസമേതം ഒന്നും പറഞ്ഞിട്ടില്ല. ഇവിടെ ബാക്കിയുള്ളവരെ താരതമ്യം ചെയ്ത് നോക്കുകയാണെങ്കില്‍ ധന്യ ചേച്ചിയ്ക്കാണ് ധൈര്യമില്ലായ്മ ഉള്ളത്. പ്രേക്ഷക പിന്തുണയെ പറ്റി പറയാന്‍ ഞാന്‍ ആരുമല്ലെന്നും എങ്കിലും ധന്യ പോവണമെന്നാണ്' ബ്ലെസ്ലി ഉറപ്പിച്ച് പറയുന്നത്.

ഈ വിഷയത്തില്‍ പ്രതികരണവുമായി ആരാധകരും എത്തിയിരുന്നു. ഇത്തവണത്തെ സീസണില്‍ ആരു വിജയിക്കും എന്നു പറയാന്‍ കഴിയാത്ത സാഹചര്യം ആണ് നിലവില്‍. ആര് വിജയിക്കണമെന്ന് നിശ്ചയിക്കുന്നത് പ്രേഷകരാണ്. പ്രേഷകര്‍ എന്നു പറയുമ്പോള്‍ ഫേസ്ബുക്ക് ഗ്രൂപ്പുകളില്‍ ഡീഗ്രേഡ് ചെയ്ത് നടക്കുന്ന ഫേക്ക് ഐഡികള്‍ മാത്രമല്ല. ബിഗ് ബോസ് ഗെയിമിനെയും ഓരോ ഗെയിമറെയും നിഷ്പക്ഷമായി വിലയിരുത്താന്‍ കഴിവുള്ള പ്രേഷകര്‍ പുറത്തുണ്ട്. അവരിലാണ് ധന്യയെ സപ്പോര്‍ട്ട് ചെയ്യുമെന്ന ഞങ്ങളുടെ പ്രതീക്ഷയുള്ളതെന്ന് ആരാധകരും പറയുന്നത്.