ബാത്റൂമിലൊക്കെ പോകുമ്പോൾ ലക്ഷ്മിപ്രിയയ്ക്കും ധന്യയ്ക്കുമൊപ്പം പോകണം! ഞാൻ ഇറങ്ങിയ ശേഷം ബ്ലെസ്ലി കാണിച്ച ചില ചെറ്റത്തരങ്ങൾ ആണ് ഈ വീഡിയോയിൽ ഉള്ളത്.. അതിൽ ആ കുട്ടി കംഫർട്ടബിൾ അല്ല... പുറത്തെങ്ങാനും ആണ് ഇത് കാണിച്ചിരുന്നെങ്കിൽ അടിച്ച് മുക്കാം മണ്ട പൊട്ടിച്ചേനേ.. നിന്റെ ആർമി ഗ്രൂപ്പോ നിന്റെ പിള്ളേരോ എന്റെ അടുത്ത് ചൊറിഞ്ഞ് കൊണ്ട് വരികയാണെങ്കിൽ ഞങ്ങളുടെ പിള്ളേര് നിന്നേക്കാൾ പത്തിരിട്ടി ഉണ്ട്.. കേറി അങ്ങ് ഉടുത്തു കളയും.. ചെയ്യും എന്ന് പറഞ്ഞാൽ ചെയ്യും.. ബ്ലെസ്ലി ആരാധകർക്ക് മറുപടിയുമായി റോബിൻ
ബിഗ് ബോസ് വീട്ടിൽ വേറിട്ട അനുഭവങ്ങളെ അറിഞ്ഞും ആസ്വദിച്ചും അനുഭവിച്ചും ഫിനാലെ വീക്കിലെ പാതിവഴിയിൽ മത്സരാർത്ഥികൾ എത്തി നിൽക്കുകയാണ്. ഫിനാലെക്ക് ഇനി കേവലംമണിക്കൂറുകൾ മാത്രമാണുള്ളത്. ആര് വിജയിക്കുമെന്ന് ആകാംക്ഷാപൂർവം ഉറ്റ് നോക്കിക്കൊണ്ടിരിക്കുകയാണ് ലോകമെമ്പാടുമുള്ള പ്രേക്ഷക സമൂഹം. 50 ലക്ഷം രൂപയാണ് വിജയിയെ കാത്തിരിക്കുന്നത്. ഇപ്പോൾ ആറുപേരാണ് വീട്ടിൽ ട്രോഫിക്കായി മത്സരിക്കുന്നത്. കഴിഞ്ഞ ദിവസം ബിഗ്ബോസ് വീട്ടിലേയ്ക്ക് പുറത്തായ മത്സരാർഥികളെല്ലാം എത്തിയത് സോഷ്യൽ മീഡിയയിൽ വൻ ആഘോഷമായിരുന്നു. ഡോ. റോബിൻ രാധാകൃഷ്ണൻ മത്സരാർഥിയായ ബ്ലെസ്ലിയ്ക്കെതിരെ സംസാരിച്ചത് ഏറെ ചർച്ചകൾക്ക് വഴി വച്ചിരുന്നു.
ബ്ലെസ്ലിയിൽ നിന്ന് അകന്നു നിൽക്കണമെന്നും ബാത്റൂമിലൊക്കെ പോകുമ്പോൾ ലക്ഷ്മിപ്രിയയ്ക്കും ധന്യയ്ക്കുമൊപ്പം പോകണമെന്നും എല്ലാവരുടേയും കൂടെ ഇരിക്കണമെന്നുമൊക്കെ റോബിൻ പറഞ്ഞിരുന്നു. ബ്ലെസ്ലി ദിൽഷയോട് മോശമായി പെരുമാറുന്നുവെന്ന തരത്തിൽ വീഡിയോകളും സോഷ്യൽ മീഡിയയിൽ പ്രചരിച്ചിരുന്നു. എന്നാൽ റോബിന്റെ വാക്കുകൾ ബ്ലെസ്ലി ആരാധകരെ ചൊടിപ്പിച്ചിരുന്നു. റോബിനെതിരെ ബ്ലെസ്ലി ആരാധകർ പ്രചരണം നടത്തിയിരുന്നു. ഇപ്പോൾ ബ്ലെസ്ലി ആരാധകർക്ക് മറുപടിയുമായി എത്തിയിരിക്കുകയാണ് റോബിൻ. ഇൻസ്റ്റഗ്രാം വീഡിയോയിലൂടെയാണ് റോബിന്റെ പ്രതികരണം. ബ്ലെസ്ലി എന്റെ സഹോദരനായിരുന്നു. ഞങ്ങളുടെ രണ്ട് പേരുടെയും സുഹൃത്താണ് ദിൽഷ. ഞാൻ ഇറങ്ങിയ ശേഷം അവൻ കാണിച്ച ചില ചെറ്റത്തരങ്ങൾ ആണ് ഈ വീഡിയോയിൽ ഉള്ളത്. അതിൽ ആ കുട്ടി കംഫർട്ടബിൾ അല്ല. ഒരു സുഹൃത്ത് എന്ന രീതിയിൽ അവളെ കാണാൻ ചെല്ലുമ്പോൾ അവൾ സുരക്ഷിതമായി ഇരിക്കുക എന്ന് പറയാനുള്ള ഉത്തരവാദിത്തം എനിക്കുണ്ട്. ഇതിൽ ഞാൻ വലിയൊരു ഏട്ടൻ ആയോ വലിയ നന്മ മരം ആയിട്ടോ അല്ല നിൽക്കുന്നത്. പുറത്തെങ്ങാനും ആണ് ഇത് കാണിച്ചിരുന്നെങ്കിൽ അടിച്ച് മുക്കാം മണ്ട പൊട്ടിച്ചേനേ. ഇതും പറഞ്ഞ് കൊണ്ട് നിന്റെ ആർമി ഗ്രൂപ്പോ നിന്റെ പിള്ളേരോ എന്റെ അടുത്ത് ചൊറിഞ്ഞ് കൊണ്ട് വരികയാണെങ്കിൽ ഞങ്ങളുടെ പിള്ളേര് നിന്നേക്കാൾ പത്തിരിട്ടി ഉണ്ട്. കേറി അങ്ങ് ഉടുത്തു കളയും. ചെയ്യും എന്ന് പറഞ്ഞാൽ ചെയ്യും. നിങ്ങൾ ഒരു ഡോക്ടറല്ലേ ഇങ്ങനെയൊക്കെ പറയാമോ എന്ന് ചോദിച്ചാൽ അതിന് വേറെ കേൾക്കേണ്ടി വരുമെന്നും റോബിൻ വീഡിയോയിൽ പറഞ്ഞു.
https://www.facebook.com/Malayalivartha