തെന്നിന്ത്യന്‍ പ്രേക്ഷകരുടെ പ്രിയപ്പെട്ട താരമാണെങ്കിലും മലയാൡകള്‍ക്കും ഒരുപാട് ഇഷ്ടമുള്ള താരമാണ് സിമ്രാന്‍. ഇപ്പോഴിത മമ്മൂട്ടിക്കൊപ്പം അഭിനയിച്ചപ്പോഴുണ്ടായ അനുഭവം പങ്കുവെയ്ക്കുകയാണ് താരം. മമ്മൂട്ടി നായകനായി എത്തിയ ഇന്ദ്രപ്രസ്ഥത്തില്‍ ഇരുവരും ഒന്നിച്ച അഭിനയിച്ചിട്ടുണ്ട്. ഒരു അഭിമുഖത്തിലാണ് ഇക്കാര്യം താരം വെളിപ്പെടുത്തിയത്.

അകത്തും പുറത്തും സുന്ദരനായ വ്യക്തിയാണ് മെഗാസ്റ്റാറെന്നാണ് സിമ്രാന്‍ പറയുന്നത്. മമ്മൂട്ടിയെ കുറിച്ച് ആലോചിക്കുമ്‌ബോള്‍ നല്ല ഓര്‍മകളാണെന്നും താരം അഭിമുഖത്തില്‍ പറയുന്നു. ' മമ്മൂട്ടി സാറിനോടൊപ്പം ഒരുപാട് നല്ല ഓര്‍മകളുണ്ട്. അകത്തും പുറത്തും സുന്ദരമായ വ്യക്തിത്വമുള്ള ഒരാളാണ്. അദ്ദേഹത്തിനോടൊപ്പം വര്‍ക്ക് ചെയ്യാന്‍ കഴിഞ്ഞതില്‍ നല്ല സന്തോഷമുണ്ട്'; നടി പറയുന്നു.

'സൗത്തിന്ത്യയിലെ എന്റെ ആദ്യത്തെ അഭിനയം മമ്മൂട്ടി സാറിനോടൊപ്പമായിരുന്നു വളരെ ആവേശവും കൗതുകവും നിറഞ്ഞതായിരുന്നു. ആ സിനിമയില്‍ അഭിനയിച്ചിട്ട് ഇപ്പോള്‍ രണ്ട് പതിറ്റാണ്ടുകളായി. ഇന്ദ്രപ്രസ്ഥത്തെ കുറിച്ച് ആലോചിക്കുമ്‌ബോള്‍ എനിക്ക് എന്നോട് തന്നെ ബഹുമാനം തോന്നാറുണ്ട്'; സിമ്രാന്‍ കൂട്ടിച്ചേര്‍ത്തു. 1996 ല്‍ പുറത്ത് വന്ന ഇന്ദ്രപ്രസ്ഥത്തില്‍ സിമ്രനോടൊപ്പം പ്രാകാശ് രാജ്, വിക്രം, പ്രിയാരാമന്‍ എന്നിവരും മറ്റ് പ്രധാനകഥാപാത്രങ്ങളെ അവതരിപ്പിച്ചിരുന്നു.