ഭാവനയുടെ രണ്ടാം വരവ് ആഘോഷമാക്കാൻ ആരാധകർ! ആദില് മൈമൂനത്ത് അഷ്റഫ് സംവിധാനം ചെയ്യുന്ന ന്റിക്കാക്കാക്കൊരു പ്രേമണ്ടാര്ന്ന് ചിത്രീകരണം പൂര്ത്തിയായി
മികച്ച സഹനടിക്കുള്ള സംസ്ഥാന അവാര്ഡ് സ്വന്തമാക്കിയ താരമാണ് ഭാവന. ജയരാജ് സംവിധാനം ചെയ്ത് ചിത്രം 'ദൈവനാമ'ത്തിലെ അഭിനയത്തിനായിരുന്നു ഭാവനയ്ക്ക് അവാര്ഡ്. മിക്ക തെന്നിന്ത്യൻ ഭാഷകളിലും വേഷമിട്ട താരമാണ് ഭാവന. 2017ല് പുറത്തിറങ്ങിയ ആദം ജൊവാനിലാണ് മലയാളത്തില് ഏറ്റവും ഒടുവില് അഭിനയിച്ചത്. ഇപ്പോഴിതാ ഭാവന ഒരിടവേളയ്ക്ക് ശേഷം മലയാളത്തില് തിരിച്ചെത്തുന്ന ചിത്രമാണ് 'ന്റിക്കാക്കാക്കൊരു പ്രേമണ്ടാര്ന്ന്'. ആദില് മൈമൂനത്ത് അഷ്റഫാണ് ചിത്രം സംവിധാനം ചെയ്യുന്നത്. 'ന്റിക്കാക്കാക്കൊരു പ്രേമണ്ടാര്ന്ന്' എന്ന സിനിമയില് ഭാവനയ്ക്കൊപ്പം ഷറഫുദ്ധീനും കേന്ദ്ര കഥാപാത്രമായുണ്ട്. 'ന്റിക്കാക്കാക്കൊരു പ്രേമണ്ടാര്ന്ന്' എന്ന സിനിമയുടെ ചിത്രീകരണം പൂര്ത്തിയായിരിക്കുകയാണ്. വിവേക് ഭരതനാണ് സംഭാഷണം എഴുതിയിരിക്കുന്നത്. അശോകന്, ഷെബിന് ബെന്സണ് എന്നിവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നു. ബോണ്ഹോമി എന്റര്ടൈന്മെന്റ്സിന്റെ ബാനറില് റെനിഷ് അബ്ദുള്ഖാദറും ലണ്ടന് ടാക്കീസിന്റെ ബാനറില് രാജേഷ് കൃഷ്ണയും ചേര്ന്നാണ് ചിത്രം നിര്മ്മിക്കുന്നത്. അരുണ് റുഷ്ദി ഛായാഗ്രഹണവും, മിഥുന് ചാലിശ്ശേരി കലാസംവിധാനവും നിര്വ്വഹിക്കുന്ന ചിത്രത്തിന് പോള് മാത്യൂസ്, നിശാന്ത് രാംടെകെ, ജോക്കര് ബ്ലൂസ് എന്നിവര് ചേര്ന്നാണ് സംഗീതം ഒരുക്കിയിരിക്കുന്നത്. ഗാനരചന- വിനായക് ശശികുമാർ, ശബ്ദലേഖനവും ക്രിയേറ്റീവ് ഡയറക്ഷനും നിര്വ്വഹിച്ചത് ശബരിദാസ് തോട്ടിങ്കലും സ്റ്റില്സ് രോഹിത് കെ സുരേഷുമാണ്. എക്സിക്യൂട്ടീവ് പ്രൊഡ്യൂസഴ്സ്- ശ്യാം മോഹൻ, കിരണ് കേശവ്. അമല് ചന്ദ്രന് മേക്കപ്പും മെല്വി ജെ വസ്ത്രാലങ്കാരവും കൈകാര്യം ചെയ്യുന്നു.
https://www.facebook.com/Malayalivartha
