വളരെ ആര്‍ഭാട പൂര്‍വം വിവാഹനിശ്ചയം നടത്താനാണ് പ്രിയാമണിയും കുടുംബവും തീരുമാനിച്ചിരുന്നത്. അതിനായുള്ള ഒരുക്കങ്ങളും തുടങ്ങിയിരുന്നു. എന്നാല്‍ ഒരു മാസം മുമ്പ് പ്രിയയുടെ പിതാവിന്റെ ചേട്ടന്‍ മരിച്ചു. അദ്ദേഹത്തെ പ്രിയയുടെ പിതാവ് അച്ഛനെ പോലെയാണ് കരുതിയിരുന്നത്. അതോടെ ആഘോഷങ്ങള്‍ ഉപേക്ഷിച്ചു. ലളിതമായ രീതിയില്‍ ചടങ്ങ് നടത്തി. വരന്‍ മുസ്തഫയും ഇക്കാര്യത്തില്‍ യോജിച്ചു. അങ്ങനെയാണ് നിശ്ചയം സ്വകാര്യ ചടങ്ങായി മാറിയത്. ആരും ഇതില്‍ പരിഭവിക്കരുതെന്നും താരം പറഞ്ഞു.
അഞ്ച് വര്‍ഷമായി പ്രിയാമണിയും മുസ്തഫയും പ്രണയത്തിലാണ്. ഡാന്‍സ് റിയാലിറ്റിഷോയില്‍ പ്രിയാമണി മുസ്തഫയെ പരിചയപ്പെടുത്തിയിരുന്നു. സെലിബ്രിറ്റി ക്രിക്കറ്റ് മാച്ച് കാണാന്‍ മുസ്തഫയും ഒത്താണ് താരം പോയത്. അതിന്റെ ഫോട്ടോസ് സോഷ്യല്‍ മീഡിയയില്‍ വൈറലായിരുന്നു. തുടക്കം തങ്ങള്‍ തമ്മില്‍ നല്ല സുഹൃത്തുക്കളായിരുന്നെന്ന് പ്രിയ പറഞ്ഞു. പിന്നീട് കൂടുതല്‍ അടുത്തപ്പോള്‍ രണ്ട് പേര്‍ക്കും കംഫര്‍ട്ടബിളായി തോന്നി. അങ്ങനെയാണ് പ്രണയം തുടങ്ങിയത്. താനാണ് ആദ്യം പ്രണയത്തിന് തുടക്കമിട്ടതെന്നും താരം പറഞ്ഞു. ഐ ലൈക്ക് യു എന്നാണ് പ്രിയ ആദ്യം മെസേജ് അയച്ചത്.
വിവാഹ ശേഷവും അഭിനയം തുടരാനാണ് പ്രിയാമണിയുടെ തീരുമാനം. മുസ്തഫയുടെ സപ്പോര്‍ട്ടും ഇതിനുണ്ട്. ഇപ്പോള്‍ തെലുങ്ക് സിനിമകളുടെയും മലയാളത്തിലെ ഒരു പ്രമുഖ ചാനല്‍ റിയാലിറ്റി ഷോയുടെയും തിരക്കിലാണ് പ്രിയാമണി. പാലക്കാട് വേരുകളുള്ള പ്രിയാമണി ബാംഗ്ലൂരിലാണ് ജനിച്ചതും വളര്‍ന്നതും. മലയാളത്തില്‍ തിരക്കഥ ഉള്‍പ്പെടെ നിരവധി ചിത്രങ്ങളില്‍ അഭിനയിച്ചിട്ടുണ്ട്. തമിഴിലെ പരുത്തിവീരനാണ് പ്രിയയെ സ്റ്റാറാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha