ആറു പതിറ്റാണ്ട് നീണ്ട സംഗീത സപര്യയ്ക്ക് ജാനകിയമ്മ വിരാമമിടുന്നു
ആറു പതിറ്റാണ്ട് നീണ്ട ചലച്ചിത്ര പിന്നണി ഗാനരംഗത്ത് നിന്നും എസ്.ജാനകി വിരമിക്കുവാനൊരുങ്ങുന്നു. പ്രായാധിക്യം കാരണമാണ് ഇങ്ങനെയൊരു തീരുമാനത്തിലേക്ക് ജാനകിയമ്മ എത്തിയത്. ഒരു ദേശീയ മാധ്യമത്തിന് നല്‍കിയ അഭിമുഖത്തിലാണ് ഗായിക ഈ കാര്യം വ്യക്തമാക്കിയത്.
ഗായിക പാടുന്ന അവസാന ചലച്ചിത്ര ഗാനവും മലയാളത്തിലേതു തന്നെ. ഒരു താരാട്ട് പാട്ടാണ് അത്. മിഥുന്‍ ഈശ്വര്‍ ഈണമിട്ട പത്തു കല്‍പനകള്‍ എന്ന സിനിമയിലാണ് എസ്.ജാനകി അവസാനമായി പാടിയ ഗാനം ഉണ്ടാകുക.
വിവിധ ഭാഷകളിലായി 48000 ല്‍ അധികം ഗാനങ്ങള്‍ ആലപിച്ചിട്ടുള്ള ജാനകിക്ക് നാലുതവണ ഏറ്റവും നല്ല പിന്നണിഗായികക്കുള്ള ദേശീയപുരസ്‌കാരം ലഭിച്ചിട്ടുണ്ട്. മികച്ച ഗായികയ്ക്കുള്ള ദേശീയ അവാര്‍ഡ് നാലു തവണയാണ് എസ്ജാനകിക്ക് ലഭിച്ചത്.
1976ല്‍ പതിനാറു വയതിനിലേ എന്ന തമിഴ് ചിത്രത്തിലെ സിന്ദൂര പൂവേ... എന്നു തുടങ്ങുന്ന ഗാനത്തിനാണ് ആദ്യമായി ദേശീയപുരസ്‌കാരം ലഭിച്ചത്. 1980ല്‍ ഓപ്പോള്‍ എന്ന മലയാളചിത്രത്തിലെ ഏറ്റുമാനൂര്‍ അമ്പലത്തില്‍... എന്ന ഗാനത്തിനും 1984ല്‍ തെലുഗു ചിത്രമായ ഭസിതാര'യില്‍ വെന്നല്ലോ ഗോദാരി ആനന്ദം... എന്നു തുടങ്ങുന്ന ഗാനത്തിനും 1992ല്‍ തമിഴ് ചിത്രമായ ഭതേവര്‍മകനില്‍ ഇഞ്ചി ഇടിപ്പഴകാ... എന്നു തുടങ്ങുന്ന ഗാനത്തിനുമാണ് ദേശീയ അവാര്‍ഡുകള്‍ ലഭിച്ചത്.
മികച്ച പിന്നണിഗായികയ്ക്കുള്ള കേരള സസ്ഥാന അവാര്‍ഡ് 14 തവണയും തമിഴ്‌നാട് സര്‍ക്കാരിന്റെ അവാര്‍ഡ് ഏഴു തവണയും ആന്ധ്രപ്രദേശ് സര്‍ക്കാരിന്റെ അവാര്‍ഡ് പത്തു തവണയും ഈ ഗായിക സ്വന്തമാക്കി.
തളിരിട്ട കിനാക്കള്‍ (മൂടുപടം) വാസന്ത പഞ്ചമി നാളില്‍ (ഭാര്‍ഗ്ഗവി നിലയം) സൂര്യകാന്തീ..സൂര്യകാന്തീ (കാട്ടുതുളസി) മനിമുകിലെ (കടത്തുകാരന്) കവിളത്ത് കണ്ണീര്‍ കണ്ടു (അന്വേഷിച്ചു കണ്ടെത്തിയില്ല) താമരകുംപിളല്ലോ (അന്വേഷിച്ചു കണ്ടെത്തിയില്ല) അവിടുന്നേന്‍ ഗാനം കേള്‍ക്കാന്‍ (പരീക്ഷ) എന്‍ പ്രാണ നായകനെ (പരീക്ഷ) കണ്ണില്‍ കണ്ണില്‍ (ഡേഞ്ചര്‍ ബിസ്‌കറ്റ്) താനേ തിരിഞ്ഞും മറിഞ്ഞും (അമ്പലപ്രാവ് ) ഇന്നലെ നീയൊരു (സ്ത്രീ) എന്നിവയാണ് മലയാളത്തിലെ പ്രശസ്തഗാനങ്ങള്‍.
https://www.facebook.com/Malayalivartha
