കിടക്കാനും ഭക്ഷണം കഴിക്കാനും മേക്കപ്പിടാനും കാരവനില്ലാത്ത ലൊക്കേഷന്
മേക്കപ്പ്മാന് തൊട്ട് സൂപ്പര് താരത്തിന് വരെ കാരവനില്ലാത്ത ലൊക്കേഷനില്ല. അവനവന്റെ ഷൂട്ട് കഴിയുമ്പോള് സൂപ്പര് താരങ്ങള് കാരവനിലേക്ക് ചേക്കേറും. മേക്ക് ഇടുന്നതും ഡ്രസ് മാറുന്നതും വിശ്രമിക്കുന്നതും ഭക്ഷണം കഴിക്കുന്നതുമെല്ലാം കാരവനില് തന്നെ. പണ്ടിങ്ങനെ അല്ലായിരുന്നു. എല്ലാവരും ഒരേ പോലെ കളിയും ചിരിയും സൊറയുമായി കഴിഞ്ഞിരുന്നു. ഒരു മെക്സിക്കന് അപാരത എന്ന ചിത്രത്തിന്റെ ലൊക്കേഷനും ഇതുപോലെയാണ്. ആര്ക്കും കാരവനുമില്ല, പ്രത്യേകം വണ്ടിയുമില്ല. ഹോട്ടലില് നിന്ന് എല്ലാവരും ഒരേ വണ്ടിയിലാണ് യാത്ര ചെയ്യുന്നത്. തിരിച്ചുമതേ. ഒരുമിച്ചാണ് മേക്കപ്പിടീലും ഭക്ഷണം കഴിക്കലും.
മുമ്പ് കലാഭവന് മണി നഗരം എന്ന ചിത്രത്തിന്റെ ലൊക്കേഷനില് കാരവനുമായി ചെന്നപ്പോള് നടി സീമ അവിടെയുണ്ടായിരുന്നു. സീമയുടെ സിനിമകള്ക്ക് പോസ്റ്റര് ഒട്ടിച്ച് നടന്നയാളാണ് മണി, അതിലേറെ ബഹുമാനിക്കുന്ന വ്യക്തിയും. സീമയെ കണ്ടതോടെ മണി സഹായികളോട് നിര്ദ്ദേശിച്ചു; കാരവനുമായി പൊയ്ക്കോളാന് പറഞ്ഞു. ജഗതി ശ്രീകുമാറിന് ആക്സിഡന്റ് പറ്റിയ ശേഷം വെല്ലൂരിലായിരുന്നു ചികില്ത്സ. അവിടെ നിന്ന് തിരുവനന്തപുരത്തെ വസതിയിലേക്ക് മടങ്ങിയത് കലാഭവന്മണിയുടെ കാരവാനിലായിരുന്നു. മലയാളത്തില് കാരവന് എന്ന സങ്കല്പം തുടങ്ങിയത് ഉടയോന് എന്ന സിനിമയിലാണ്.
ഉടയോനില് മോഹന്ലാലിനെ മേക്കപ്പ് ചെയ്യിക്കാന് നാലഞ്ച് മണിക്കൂര് വേണമായിരുന്നു. മാത്രമല്ല , കടുത്ത ചൂടില് മേക്കപ്പ് ഉരുകി ഒലിക്കുമായിരുന്നു. അതിന് പരിഹാരം കാണാനാണ് യൂണിറ്റ് വാനില് എ.സി ഫിറ്റ് ചെയ്ത് മോഹന്ലാലിനെ ഷൂട്ടിംഗ് ഇടവേളകളില് അതിലാക്കിയത്. പിന്നീട് എത്രയോ വര്ഷം കഴിഞ്ഞ് സംവിധായകന് ജോഷി ഏതോ ഹിന്ദി സിനിമയുടെ ലൊക്കേഷനില് കാരവന് കണ്ടു. പുള്ളി ഒരെണ്ണം വാങ്ങി ലൊക്കേഷനിലെത്തി. അതായിരുന്നു മലയാളത്തിലെ ആദ്യത്തെ കാരവന്. പിന്നെ മമ്മൂട്ടി, മോഹന്ലാല്, തുടങ്ങി ഏതാണ്ട് എല്ലാ സ്റ്റാറുകളും കാരവന് വാങ്ങി.
https://www.facebook.com/Malayalivartha
