അടൂര്‍ ഭാസിയ്ക്ക് ശാരീരിക ബന്ധത്തിന് വഴങ്ങിക്കൊടുത്തില്ല; തന്നെ എന്നും വേട്ടയാടിയിരുന്നതായി കെ.പി.എ.സി ലളിത
സിനിമയില്‍ താനുമായി വ്യക്തിബന്ധം പുലര്‍ത്തിയവരെ കുറിച്ചും ജീവിത പങ്കാളിയായ ഭരതനെ കുറിച്ചും ഓര്‍മ്മകള്‍ കെപിഎസി ലളിത കൈരളി ടിവിയിലെ ജെ.ബി ജങ്ഷന്‍ എന്ന പരിപാടിയില്‍ പങ്കുവച്ചു. പഴയ ഓര്‍മ്മകള്‍ പങ്കുവെയ്ക്കുന്നതിനിടെയാണ് അടൂര്‍ ഭാസിയുമായുള്ള ബന്ധത്തെക്കുറിച്ച് കെ.പി.എ.സി ലളിത പറഞ്ഞത്.
തന്റെ ജീവിതത്തെ ഇങ്ങനെ സ്വാധീനിച്ച മറ്റൊരാളില്ല. ഭാസി ചേട്ടനെ കാമുകനെന്നോ രക്ഷകര്‍ത്താവെന്നോ സുഹൃത്തെന്നോ അമ്മാവനെന്നോ എന്തുവേണേലും വിളിക്കാം. ജീവിതത്തില്‍ കടപ്പാടുള്ള ഏക മനുഷ്യനാണ് ഭാസി ചേട്ടന്‍ .ഭാസിചേട്ടന്റെ സിനിമയിലൂടെയാണ് വന്നത്. പിന്നീട് അങ്ങോട്ട് എല്ലാ സിനിമയിലും വേഷങ്ങള്‍ തന്നു. മരിക്കുന്നതിന് ഒരാഴ്ച മുമ്പ് തോപ്പില്‍ ഭാസിയെ വഴിയില്‍ വച്ചുകണ്ട കാര്യവും കെപിഎസി ലളിത ഓര്‍ക്കുന്നു.
തന്റെ ജീവിതത്തില്‍ വേട്ടയാടിയ വ്യക്തി അടൂര്‍ഭാസിയാണെന്ന് ലളിത പറയുന്നു. വിവാഹം കഴിക്കാതെ കൂടെ നിര്‍ത്താനായിരുന്നു ശ്രമം. താനതിന് വഴങ്ങികൊടുത്തില്ലെന്നും ഇതുമൂലം നിരവധി സിനിമകളില്‍ നിന്ന് ഭാസി തന്നെ ഒഴിവാക്കിരുന്നുവെന്നും ലളിത പറഞ്ഞു. അടൂര്‍ ഭാസി മദ്യപിച്ച് വന്ന് ബഹളം കൂട്ടിയ കാര്യവും കെപിഎസി ലളിത പങ്കുവച്ചു. നഗ്‌നനായി രാത്രി മുഴുവന്‍ പ്രശ്‌നങ്ങളുണ്ടാക്കി. ഒടുവില്‍ പിറ്റേദിവസം ബഹദൂറെത്തിയാണ് കൂട്ടിക്കൊണ്ടുപോയതെന്നും കെപിഎസി ലളിത പറയുന്നു.
ഭരതനുമായുള്ള വിവാഹ ജീവിതത്തെ കുറിച്ചും ഭരതന്-ശ്രീവിദ്യ പ്രണയത്തെ കുറിച്ച് അഭിമുഖത്തില്‍ പറയുന്നുണ്ട് .ഭരതനും ശ്രീവിദ്യയും തമ്മിലുള്ള പ്രണയ ബന്ധത്തില്‍ താനായിരുന്നു ഹംസം. പിന്നീടവര്‍ പിരിഞ്ഞു. ആ സമയത്താണ് തന്നോട് വിവാഹം കഴിക്കാമോ എന്ന് ചോദിച്ചത്. വഴിയില്‍ വച്ച് ഉപേക്ഷിക്കാനാണെങ്കില്‍ ഞാനില്ല. ഉപേക്ഷിക്കില്ലെന്ന് ഭരതന് ഉറപ്പും നല്‍കി.
വിവാഹ തീയതി അടുത്തപ്പോള്‍ ഭരതന് ചാഞ്ചാട്ടമുണ്ടായി. വീട്ടുകാര്‍ സമ്മതിക്കുന്നില്ലെന്ന് പറഞ്ഞു.ഞാന്‍ ഷൂട്ടിങ്ങിന് പോകുന്ന വഴി ട്രെയിനിന് മുന്നില്‍ ചാടി ആത്മഹത്യ ചെയ്യുമെന്ന് മുഖത്തു നോക്കി പറഞ്ഞു. ഭരതന് പേടിയാണ്. ഒരാളെ കൂട്ടിയാണ് ഷൂട്ടിങ്ങിന് വിട്ടത്. കാറ്റത്തെ കിളിക്കൂട് എന്ന സിനിമയിലൂടെ ഭരതനും ശ്രീവിദ്യയും വീണ്ടും അടുത്തു. മറ്റാളുകള്‍ പറഞ്ഞറിയരുതെന്ന് താന്‍ വ്യവസ്ഥ വച്ചിരുന്നു. പിന്നീട് എല്ലാം നിര്‍ത്തിയെന്ന് ഭരതന് പറഞ്ഞതായും ലളിത ഓര്‍ക്കുന്നു.
https://www.facebook.com/Malayalivartha
