തുടകളും മാറിടവും കാണിക്കാനില്ലെന്ന് നയന്താര തുറന്നടിച്ചു
ആരുടെ മുഖത്ത് നോക്കിയും കാര്യങ്ങള് തുറന്ന് പറയാന് മടിയില്ലാത്ത വ്യക്തിയാണ് നയന്താര. ചെയ്യുന്ന ജോലിക്ക് കൂലി ചോദിച്ച് വാങ്ങും. വലിയ തുക പ്രതിഫലം വാങ്ങുന്നെന്ന് പറഞ്ഞ് എന്തും ചെയ്യാന് പറഞ്ഞാല് വേറെ ആളെ നോക്കാന് പറയും. അടുത്തിടെ ഒരു തെലുങ്ക് സിനിമയുടെ ചിത്രീകരണത്തിനിടെ നടന്ന സംഭവം പറയാം.
ചിത്രത്തില് വള്ഗറായ സീനുകള് ധാരാളം ഉണ്ടായിരുന്നു. അതൊന്നും ചെയ്യാന് പറ്റില്ലെന്ന് താരം പറഞ്ഞു. നയന്സിന്റെ ഗ്ലാമര് വിറ്റ് കോടികള് കൊയ്യാമെന്നേറ്റ നിര്മാതാവ് അതോടെ ഞെട്ടി. എന്നാല് താരത്തിനെ ഒഴിവാക്കാനും വയ്യ. അതോടെ വീണ്ടും നിര്ബന്ധിച്ചു. ' അഭിനയിക്കാന് മാത്രം എന്നെ ക്ഷണിക്കൂ തുടകളും മാറിടങ്ങളും പ്രദര്ശിപ്പിക്കാന് എന്നെ കിട്ടില്ല' താരം തുറന്നടിച്ചു. ഇതോടെ നിര്മാതാവ് പത്തിമടക്കി.
തമിഴിലും തെലുങ്കിലും കൂടി അരഡസനോളം സിനിമകളാണ് നയന്താര കരാര് ചെയ്തിട്ടുള്ളത്. നായികയ്ക്ക് പ്രാധാന്യമുള്ള സിനിമകളില് ശ്രദ്ധ കേന്ദ്രീകരിക്കുകയാണ് നയന്സ് ഇപ്പോള്. മായയും ഡോറയും അതിന് ഉദാഹരണമാണ്. മായയിലും ഡോറയിലും തന്റെ അഭിനയസാധ്യതകളെ നയന്സിന് ശരിക്കും പ്രതിഫലിപ്പിക്കാനായി. യാതൊരു ഗ്ലാമര് പ്രദര്ശനവും കൂടാതെ രണ്ട് ചിത്രങ്ങളും ബോക്സ്ഓഫീസില് പണം വാരി. ഇതേ തുടര്ന്നാണ് നായകന്റെ നിഴലായി അഭിനയിക്കേണ്ടെന്ന് താരം തീരുമാനിച്ചത്.
തന്റെ ശരീരപ്രദര്ശനം കൊണ്ട് മാത്രം സിനിമ വിജയിക്കുമെന്ന് നയന്സ് വിശ്വസിക്കുന്നില്ല. നല്ല കഥയും അവതരണ ശൈലിയും ഉണ്ടെങ്കിലേ തിയേറ്ററില് ആളുണ്ടാവൂ. തെന്നിന്ത്യയിലെ ലേഡി സൂപ്പര്സ്റ്റാര് എന്ന നിലയിലേക്ക് താരം വളര്ന്ന് കഴിഞ്ഞു.
നയന്താരയെ കേന്ദ്രകഥാപാത്രമാക്കി സിനിമ ഒരുക്കാന് നിര്മാതാക്കളും സംവിധായകരും മുന്നോട്ട് വന്ന് തുടങ്ങി. എന്നാല് നല്ല തിരക്കഥയാണെങ്കില് സൂപ്പര്താരങ്ങളുടെ സിനിമകളിലും അഭിനയിക്കുമെന്ന് നയന്സ് പറയുന്നു. 32 വയസുള്ള താരം പത്ത് വര്ഷത്തോളമായി തെന്നിന്ത്യയിലെ നമ്പര് വണ് നായികയാണ്. ജീവിതത്തില് പല തിരിച്ചടികളും സംഭവിച്ചെങ്കിലും കരിയറില് താഴ്ചകളില്ലാതെ മുന്നേറുകയാണ്. നാല് കോടിയോളം രൂപയാണ് പ്രതിഫലം വാങ്ങുന്നത്.
https://www.facebook.com/Malayalivartha
